Main Menu

સુરતનાં ખેડૂત અગ્રણીની અટકાયત થતાં કલકટરે મામલો શાંત કર્યો

બુલેટ ટ્રેન માટે જમીન સંપાદન લઈને વિવાદ
સુરતનાં ખેડૂત અગ્રણીની અટકાયત થતાં કલકટરે મામલો શાંત કર્યો
અમરેલી, તા. 1પ
સુરત ખાતે બુલેટ ટ્રેનના પ્રોજેકટ માટે પર્યાવરણ અને સામાજિક અસર અંગેના સર્વે માટેની બેઠક શરૂ થાય તે પહેલાં જ જિલ્‍લા પંચાયતના વિપક્ષી સભ્‍ય અને ખેડૂત આગેવાન દર્શન નાયકની પોલીસે ચાલાકીપૂર્વક અટકાયત કરી હતી અને તેના વિરોધમાં ખેડૂત સમાજના અગ્રણીઓ એવા જયેશભાઈ દેલાડ, રમેશભાઈ ઓલપાડ, નરેશ વિરાણી અને ક્રિષ્‍નકાંતભાઈની ધરપકડ કરીને ઉમરા પોલીસ સ્‍ટેશન લઈ ગયા. ત્‍યાં રહેલા ખેડૂતો ગિન્‍નાયા અને મિટીંગ શરૂ થાય તે પહેલાં જ હોલ ખાલી કરી નાખ્‍ંયો હતો. કલેકટરને જાણ થતાં તુરંત તેમણે અટકાયત કરવામાં આવેલ આગેવાનોને છોડી મુકવાનું ફરમાન કર્યુ હતું. દર્શન નાયક સહિત તમામને બોલાવીને તેમની રજુઆત પણ    સાંભળી હતી.
બુલેટ ટ્રેનમાં જે ખેડૂતોની જમીન સંપાદિત થવાની છે. બપોરે ગાંધી સ્‍મૃતિ ભવન ખાતે કલેકટરના અઘ્‍યક્ષ સ્‍થાનેજમીન સંપાદનની કાર્યવાહી તથા વળતર ચુકવવા માટેની જાણકારી આપવા માટેની મિટીંગ બોલાવાઈ હતી. કલેકટર ડો. ધવલ પટેલ આ મિટીંગમાં હાજર થાય તે પહેલા જ દર્શન નાયકને અઠવા પોલીસ સ્‍ટાફ ઘ્‍વારા એવું કહેવાયું હતું કે, તમને પીઆઈ બોલાવે છે. આટલું કહીને તેમને સીધા ઉમરા પોલીસ સ્‍ટેશન લઈ જવાયા હતા. હાજર અન્‍ય લોકોને પણ આ અંગેની જાણ થતાં 1પ0થી વધુ લોકો કલેકટરને કોઈપણ પ્રકારની રજુઆત કર્યા વગર પરત જતા રહૃાા હતા. કલેકટર મિટીંગ હોલ પર પહોંચે તે પહેલા તો આખો હોલ ખાલી થઈ ગયો હતો.
કલેકટર પોતે આવે તે પહેલાં હંગામો અને ધમાચકડી મચી ગઈ હતી. એટલે તેમણે આવતા પહેલા જ હોલ ઉપર હાજર કામરેજ પ્રાંત અધિકારી પાસેથી ઘટનાની વિગતો મેળવી હતી. તુરંત જ તેમણે પોલીસ કમિશનરનો સંપર્ક કયો હતો. હાજર પોલીસ અધિકારીઓને દર્શન નાયકને મિટીંગ સ્‍થળે લાવવા માટેનો આદેશ આપ્‍યો હતો. સાથે સાથે જે ખેડૂતો ત્‍યાંથી ચાલ્‍યા ગયા હતા તેઓને પણ ફરીથી બોલાવવા માટેનો અનુરોધ કર્યો હતો. પોલીસે અડધા કલાક બાદ નાયકને મુકત કર્યા હતા. ગાંધી સ્‍મૃતિ ભવન ખાતે લાવવામાં આવ્‍યા હતા જયાં કલેકટરે તેમની સાથે મુલાકાત કરીને તેમની રજુઆતો સાંભળી હતી.
બુલેટ ટ્રેન મામલે તમામ અસરગ્રસ્‍ત ખેડૂતોએ રણનીતિ નકકી કરી છે.ખેડૂતોને કોઈ અન્‍યાય ન થાય તેના માટેના પ્રયાસો કરાઈ રહૃાા છે. ખેડૂતોની લડતને કચડી નાખવા માટે રાજય સરકાર ઘ્‍વારા તેમના પર સતત વોચ રાખવામાં આવી રહી છે. આંદોલનને કચડી નાખવા માટેના પ્રયાસો થઈ રહૃાા છે. ખેડૂતોના આ શાંતિપૂર્ણ આંદોલનમાં પણ સરકાર રાજકીય દખલગીરી કરતી હોવાની લાગણી ખેડૂતોએ વ્‍યકત કરી છે. અને આગામી સમયમાં ખેડૂત સમાજ સુરત ખાતે એક મિટીંગનું આયોજન કરીને સરકારને પાણીચુ બતાવવાની વાત કરી હતી. જો અન્‍યાય થશે થો ઉગ્ર આંદોલન કરતા પણ ખેડૂતો અચકાશે નહીં તેવી ખેડૂત ઘ્‍વારા ચીમકી પણ ઉચ્‍ચારી હતી.