Main Menu

લોકસભા બેઠક માટે કોંગ્રેસની કોઈ તૈયારી જ નથી

પાટીદારો, ખેડૂતો, દલિતો અને લઘુમતીઓ વિજેતા બનાવે તેમ છે છતાં પણ
લોકસભા બેઠક માટે કોંગ્રેસની કોઈ તૈયારી જ નથી
ભાજપનાં કાર્યકરો અને આગેવાનો ક્રમશઃ નિરાશામાંથી બહાર આવી રહૃાા હોય કોંગ્રેસ માટે કપરા ચઢાણ
અમરેલી, તા. 14
અમરેલી જિલ્‍લાનાં મતદારોએ થોડા મહિના પહેલા યોજાયેલ વિધાનસભાની ચૂંટણીમાં તમામે તમામ પાંચ બેઠકો પર કોંગી ઉમેદવારને વિજેતા બનાવ્‍યા બાદ આગામી વર્ષે યોજાનાર લોકસભાની ચૂંટણીમાં તેનું પુનરાવર્તન થશે કે પરિવર્તન તેના પર સૌની નજર મંડાયેલી છે.
કોંગ્રેસપક્ષનાં સંગઠ અને વિજેતા ધારાસભ્‍યો વચ્‍ચે સંકલનનો અભાવ જોવા મળી રહૃાો છે અને સૌથી વધુ મુશ્‍કેલી એ છે કે, કોંગીજનોમાં ઉત્‍સાહની કમી જોવા મળી રહી છે. સંગઠનમાં કોઈ ફેરફાર કરવામાં આવતો નથી.
સંગઠનનાં વર્તમાન હોદેદારો માને છે કે થોડા દિવસ હોદા પર રહેવું હોય પક્ષ માટે શું કામ કરવું અને અન્‍ય આગેવાનો કહે છે કે પક્ષ જવાબદારી સોંપે તો કામ કરીશું અને કોંગી હાઈકમાન્‍ડમાં નિર્ણય શકિત જોવા મળતી નથી.
જિલ્‍લાનાં પાટીદારો,ખેડૂતો, દલિતો અને લઘુમતીઓ કોંગ્રેસ તરફી મતદાન કરી શકે તેમ છે અને કોંગીજનો મત લેવા ન હોય તેવું વર્તન કરી રહૃાા છે. લોકસભા નીચે આવતી 7 વિધાનસભા બેઠકોમાં પાંચ પર કોંગી અને બે પર ભાજપી ઉમેદવાર ધારાસભ્‍ય બન્‍યા છે.
પરંતુ કોંગી આગેવાનો સક્રીય નહી બને તો ગારીયાધાર, મહુવા ઉપરાંત સાવરકુંડલા અને રાજુલા વિસ્‍તારમાં કોંગ્રેસને મુશ્‍કેલીનો સામનો કરવો પડે તેમ છે. તેમજ અમરેલીનાં ધારાસભ્‍ય પરેશ ધાનાણીની સતત ગેરહાજરી પણ લોકસભા ચૂંટણીમાં ભારે પડી શકે તેમ છે.
બીજી તરફ લોકસભા વિસ્‍તારનાં ભાજપીઓમાંથી નિરાશા ક્રમશઃ દુર થઈ રહી છે અને ભાજપીઓ પુનઃ ઉભા થઈને લોકસભાનાં કાર્યમાં જોડાશે તો અમરેલી લોકસભા બેઠકનો કોળીયો કોંગ્રેસનાં મોં એથી છીનવાઈ જાય તો નવાઈ પામવા જેવું નહી રહે.