Main Menu

ખાંભાનાં ભાડ ગામે બનેલ પુલમાં ભ્રષ્‍ટાચારનો આક્ષેપ

માર્ગ-મકાન વિભાગનાં અધિકારીઓ તટસ્‍થ તપાસ કરાવે
ખાંભાનાં ભાડ ગામે બનેલ પુલમાં ભ્રષ્‍ટાચારનો આક્ષેપ
પુલનું કામ અધૂરૂ હોવા છતાં પણ પુલ કાર્યરત થતાં અકસ્‍માતનો ભય ઉભો થયો
ખાંભા, તા.14
ખાંભા તાલુકો બોડી બામણીનું ખેતર હોય તેમ ખાંભા તાલુકામાં માર્ગ મકાન સ્‍ટેટ હોય કે પંચાયત દ્વારા વ્‍યાપક પણે ભ્રષ્‍ટાચાર આચરાઈ રહયો છે.
ખાંભાના ભાડ ગામના ઝાંપામાં બનેલા પુલમાં વ્‍યાપક પણે ભ્રષ્‍ટાચાર આચરાતા ભીખુભાઈબાંટાવાળાએ સોશ્‍યલ મીડિયામાં ભ્રષ્‍ટાચાર ઉજાગર કરાતા માર્ગ મકાન સ્‍ટેટ દ્વારા ભાડ ગામે બનાવેલા પુલના અધૂરા કામ છતાં ખુલ્‍લો મૂકી દેવાતા આઠ દિવસમાં બે-ત્રણ નાના મોટા અકસ્‍માતો સર્જાયા હોવાનું ચર્ચાઈ રહયું છે.
પુલના કામમાં નિયમ મુજબના જાડાઈ વાળા ફાળીયા તે પણ વધુ અંતરમાં બાંધી માટી વાળી, રેતી, કપચી વાપરી બનાવેલા પુલમાં પેચ વર્ક કર્યા વગર અને પુલના બન્‍ને છેડા ઉપર રોડ સંરક્ષિત દિવાલ વગર ખુલ્‍લા મુકામયેલા પુલના બન્‍ને છેડે ફોર વ્‍હીલ કે ટ્રક, ટ્રેકટર પસાર થાય ત્‍યારે માટી ખસી જવાના કારણે પુલના બન્‍ને છેડા સાંકડા થવાથી સામ સામા વાહન પસાર થઈ શકતા નથી. તેમજ પુલના બન્‍ને બાજુના છેડામાં માટી ભરતી કરી લેવલીંગ ન કરાતા વાહનોને પણ ઝટકા વાગતા હોય ભાડના આ પુલમાાં પેચ વર્ક અને માટી કામ કરી રોડ સંરક્ષિત દિવાલ બનાવવામાં નહીં આવે તો આગામી ચોમાસામાં બન્‍ને છેડા ધોવાઈ જવાથી ગમે ત્‍યારે પુલને નુકશાન થવાનો ભય ઉભો થયો છે.