Main Menu

જાફરાબાદની એક પરિણીતાએ આત્‍મહત્‍યા કરતાં પહેલા અભયમ્‌ 181ની મદદ લીધી અને જીંદગી બચી ગઈ 

અનેક નિરાશાઓ વચ્‍ચે આશાનું કિરણ ઉભી કરતી ઘટના બની
જાફરાબાદની એક પરિણીતાએ આત્‍મહત્‍યા કરતાં પહેલા અભયમ્‌ 181ની મદદ લીધી અને જીંદગી બચી ગઈ
કાઉન્‍સેલર રોબિનાબેન બ્‍લોચની સરાહનીય કામગીરી
અમરેલી, તા. 8
અમરેલી જિલ્‍લામાં કાર્યરત 181 અભયમ મહિલા હેલ્‍પ લાઈનમાં અમરેલી જિલ્‍લાનાં જાફરાબાદ ગામનાં એક મહિલાએ અમરેલી આવીને ફોન કરી જાણ કરેલ કે, હું આત્‍મહત્‍યા કરવા જાવ છું, જો તમારા ર્ેારા મને કોઈ મદદ મળે કે, મારી સમસ્‍યાનો કોઈ ઉકેલ આવી શકે તેવી મદદની જરૂર છે.
અમરેલી 181 અભયમ મહિલા હેલ્‍પ લાઈનનાં ફરજ પર હાજર કર્મચારી કાઉન્‍સેલર રોબિનાબેન બ્‍લોચ, પોલીસ મહિલા એલ.આર.ડી. દયાબેન જસાણી,તેમજ પાયલોટ દિવ્‍યેશભાઈ ર્ેારા તાત્‍કાલિક મિનિટોમાં જ સ્‍થળ પર હાજર મહિલા પાસે પહોચી ગયેલ. જયારે સ્‍થળ પર પહોચેલ તે સમયે મહિલા ખુબ જ રડતા હતા. આથી કાઉન્‍સેલર રોબિનાબેન ર્ેારા બેન પાસે જઈ તેમને શાન્‍તવના તેમજ હુંફ આપી બેનને શાંત કરેલ. બાદ બેનને પુછતા બેને રડતા રડતા પોતાની આપવિતી જણાવેલ કે, બેને આશરે 8 વર્ષ પહેલા આંતર જ્ઞાતિય પ્રેમ લગ્ન કરેલ. આથી માતા પિતાએ બેન માટે ઘરના દરવાજા હમેશ માટે બંધ કરી દિધેલ છે. બેન બાદ તેમનાપતિ સાથે જાફરાબાદ રહેતા હતા અને પોતે શિક્ષીકા તરીકે ફરજ બજાવે છે. આ લગ્ન જીવનથી તેમને સંતાનમાં એક પુત્ર છે. જે હાલ તેમના પતિ પાસે છે. બેનનાં લગ્ન બાદ તેમનો ઘર સંસાર થોડો સમયસારી રીતે ચાલેલ. બાદ તેમના પતિને દારુનું વ્‍યસન થતા તેમના પતિ સતત દારુનાં નશામાં રહેતા અને કાઈ કામ ધંધો કરતા નહિ. અને સવાર સાંજ દારુનાં નશામાં રહી બેનને શારીરીક માનસિક ત્રાસ જેવા કે બેનને મારકુટ કરવી, ગમે તે સમયે ઘરની બહાર કાઢી મુકવા. આવા રોજનાં ત્રાસથી કંટાળી બેને એક વખત મહિલા પો.સ્‍ટે.માં અરજી આપેલ. જે અનુસંધાને તેમના પતિને સમજાવવામાં આવેલ. ત્‍યારબાદ થોડા દિવસો તેમનું લગ્ન જીવન સારી રીતે ચાલેલ. ત્‍યાર બાદ ફરી એ જ પરિસ્‍થિતિ આવીને ઉભી રહેલ. પતિ ર્ેારા આવા અસહૃા ત્રાસથી કંટાળી આ બહેને હવે જીવન ટુંકાવવાનું નક્કી કરી લીધેલ. બાદ એક વખત 181 અભયમનો વિચાર આવતા બેને 181માં ફોન કરી મદદ માગેલ. આથી કાઉન્‍સેલર રોબીનાબેન ર્ેારા બેનને જીવન જીવવા માટે એક આશા જગાડી અને જે જીવનભર માટે માતા પિતાનાં ઘરના દરવાજા બંધ થયેલ. તે માતા પિતા પાસે કાઉન્‍સેલર ર્ેારા બેનને માતાપિતા પાસે લઈ ગયેલ. કાઉન્‍સેલર ર્ેારા બેનનાં માતાપિતાને ખુબ સમજાવવામાં આવેલ અને બેન અને તેમના માતા પિતા સાથે જે આઠ વર્ષોથી જેકોઈ જાતનો સંબંધ જ ન હતો ત્‍યાં એક દિકરી અને માતા પિતા સાથે સુખદ સમાધાન કરાવેલ. બેન હાલ પતિ વિરુઘ્‍ધ કોઈ ફરિયાદ કરવા માગતા નથી. બેન થોડો સમય વિચારી આગળની કાર્યવાહી કરશે.
આમ જીવનથી થાકી આત્‍મહત્‍યા કરવા તૈયાર થનાર મહિલાને એક નવી આશા સાથે જીવનદાન આપતી 181 અભયમ મહિલા હેલ્‍પલાઈન. 181 હેલ્‍પલાઈનની શરૂઆતથી જ ફરજ બજાવતા કાઉન્‍સેલર રોબિનાબેન બ્‍લોચની આ સરાહનીય કામગીરીબદલતેમના અધિકારી પ્રોજેકટ કો ઓર્ડિનેટર તુષારભાઈ બાવરવાએ તેમને શાબ્‍દિક શુભકામના પાઠવેલ.