Main Menu

લાઠીનાં જરખીયા ખાતે આગામી શનિવારે મુખ્‍યમંત્રી વિજય રૂપાણી તળાવ ઉંંડુ કરશે

કલેકટરનાં અઘ્‍યક્ષસ્‍થાને અધિકારીઓની બેઠક યોજાઈ
અમરેલી, તા. 8
રાજયભરમાં સુજલામ સુફલામ જળ અભિયાન શરૂ છે. આ અભિયાન અંતર્ગત મુખ્‍યમંત્રી વિજયભાઈ રૂપાણી તા.1રમી મે-ર018ને શનિવારનાં રોજ લાઠી તાલુકાનાં જરખીયા ખાતે તળાવ ઉંડુકરવાનાં ખાતમુર્હુત અને શ્રમદાન કાર્યક્રમમાં ઉપસ્‍થિત રહેશે.
મુખ્‍યમંત્રી વિજયભાઈ રૂપાણીનાં કાર્યક્રમનાં આયોજન અર્થે કલેકટર આયુષકુમાર ઓકનાં અઘ્‍યક્ષસ્‍થાને બેઠક યોજાઈ હતી.
કલેકટર ઓકે, સંબંધિત અધિકારી-કર્મચારીઓ પાસેથી કામગીરીની વિગતો મેળવી જરૂરી સૂચન કર્યા હતા. કાર્યક્રમ દરમિયાન પીવાનાં પાણીની વ્‍યવસ્‍થા કરવા તેમજ બેકડ્રોપ તૈયાર કરવા અંગેનાં સૂચનો આપ્‍યા હતા.
કલેકટર કચેરી-અમરેલી ખાતે યોજાયેલ આ બેઠકમાં અધિક જિલ્‍લા મેજીસ્‍ટે્રટ પાંડોર, કાર્યપાલક ઈજનેર સર્વ શિવમ રાઠોડ, જિલ્‍લાઆયોજન અધિકારી ટોપરાણી, જિલ્‍લા ખેતીવાડી અધિકારી પટેલ, નાયબ ખેતી નિયામક હિરપરા, નાયબ જિલ્‍લા પોલીસ અધિકારી, પ્રાંત અધિકારી સતાણી, લાઠી પ્રાંત અધિકારી બોડાણા, અમરેલી મામલતદાર જાદવ, લાઠી મામલતદાર નીનામા, સહિતના અધિકારી-કર્મચારીઓ ઉપસ્‍થિત રહૃાા હતા.
કલેકટર આયુષકુમાર ઓક અને અધિકારી-કર્મચારીઓએ જરખીયા ખાતે કાર્યક્રમનાં સ્‍થળોની મુલાકાત લીધી હતી.


« (Previous News)