Main Menu

બાબરાનાં ચમારડીમાં શનિવારે મોડીરાત્રીનાં તસ્‍કરોએ 4 મકાનોમાં ખાખાખોળાકર્યા

અમરેલી, તા. 7
અમરેલીનાં પોલીસ અધિક્ષક જગદીશ પટેલ અને ક્રાઇમ પીઆઇ અનંત પટેલને બીટકોઇન કાંડમાં જેલ હવાલે કરવામાં આવ્‍યા બાદ જિલ્‍લાનાં પોલીસ વિભાગમાં હડકંપ આવી ચુકયો છે અને એક સાંધે ને તેર તુટેની પરિસ્‍થિતિ જોવા મળી રહી છે.
ઇન્‍ચાર્જ પોલીસ અધિક્ષક દેસાઇ કાયદો વ્‍યવસ્‍થા મજબુત કરવા માટે દિવસ-રાત એક રહી રહયા છે. પરંતુ, અપુરતા સ્‍ટાફને લઇને પરેશાની વધી રહી છે.
દરમિયાનમાં બાબરાના ચમારડી ગામે શનિવારે મોડીરાત્રીના તસ્‍કરોએ એકીસાથે 4 મકાનમાં ખાખાખોળા કર્યાની ઘટના પ્રકાશમાં આવી છે. જો કે, મકાનના માલીકોએ ફરિયાદ કરવાનું ટાળી દીધુ હતુ.
બાબરા પંથકમાં જુગારધામ ચાલતો હોવાના અહેવાલો બાદ ક્રાઇમ બ્રાન્‍ચ અને આરઆરસેલે કામગીરી કરવી પડી હતી. સ્‍થાનિક પોલીસની નિષ્‍ક્રીયતા ઉડીને આંખે વળગી રહી હોય પોલીસ અધિક્ષક હવે શું કરે છે. તેના પર સૌની નજર મંડાયેલ છે.