Main Menu

સત્તાધારી કોંગ્રેસનાં 4 નગરસેવકોએ “અમરેલી એકસપ્રેસ”ની મુલાકાત લીધી રાજુલા શહેરમાં ઐતિહાસિક વિકાસ કાર્યો કરાશે

સત્તાધારી કોંગ્રેસનાં 4 નગરસેવકોએ “અમરેલી એકસપ્રેસ”ની મુલાકાત લીધી
રાજુલા શહેરમાં ઐતિહાસિક વિકાસ કાર્યો કરાશે
જાહેર માર્ગો કે સાર્વજનિક પ્‍લોટમાં થયેલ દબાણ દુર કરવાની કામગીરી કરવામાં આવશે
અમરેલી, તા. 7
રાજુલા પાલિકાનાં અગાઉના શાસકોએ જો કોઈ ગેરરીતિ કરી હશે તો તેને તટસ્‍થ તપાસ કરીને ગેરરીતિ કરનાર સામે નિયમ મુજબ કાર્યવાહી કરવામાં આવશે તેવો રણટંકાર પાલિકાનાં શાસક પક્ષનાં 4 નગર સેવકોએ કર્યો હતો.
પાલિકાનાં કિશોરભાઈ ધાખડા, રમેશભાઈ કાતરીયા, વિનોદભાઈ લુહાર અને રમજાનભાઈ કુરેશીએ “અમરેલી એકસપ્રેસ” કાર્યાલયની શુભેચ્‍છા મુલાકાત લીધી હતી અને શહેરના વિકાસ અંગે વિસ્‍તૃત ચર્ચાઓ કરી હતી.
કોંગી નગર સેવકોએ જણાવ્‍યું હતું કે, શહેરમાં જાહેર માર્ગો કે સાર્વજનિક પ્‍લોટમાં થયેલ ગેરકાયદેસર દબાણને દુર કરવામાં આવશે અને ગેરકાયદેસર રીતે બાંધકામો નિયમિત કરાવનાર સામે પણ કાર્યવાહીકરાશે.
પાલિકાની તિજોરીમાં જમા થતાં શહેરીજનોનાં પરસેવાનાં એક-એક પૈસાનો સદઉપયોગ કરાશે અને કોઈ કર્મચારી ભ્રષ્‍ટાચાર કરશે તો તેની સામે પણ શિક્ષાત્‍મક કાર્યવાહી કરવામાં આવશે.
વધુમાં જણાવ્‍યું હતું કે, શહેરમાં પીવાના પાણી, ગટર, સ્‍વચ્‍છતા, સ્‍ટ્રીટ લાઈટ, માર્ગો સહિતની સુવિધાઓમાં વધારો કરવામાં આવશે. શહેરને રળીયામણું બનાવવા માટે સૌનો સાથ લઈને વિકાસકાર્યો કરાશે અને શહેરીજનોનાં સુચનોને પણ ઘ્‍યાનમાં લેવામાં આવશે તેમ અંતમાં જણાવ્‍યું હતું.