Main Menu

મેરી આવાઝ સુનો : પીપાવાવનાં શ્રમજીવીઓનો પોકાર

મહેસૂલ વિભાગે પેનબાજી બંધ કરીને માનવહિતનો વિચાર કરવો જરૂરી
મેરી આવાઝ સુનો : પીપાવાવનાં શ્રમજીવીઓનો પોકાર
મહેસૂલ વિભાગે મહાકાય કંપની અને ભૂમાફીયાઓની મદદ કરવાનું ટાળવું જોઈએ
અમરેલી, તા.7
પ્રધાનમંત્રી નરેન્‍દ્ર મોદી લોક સભાની ચુંટણીનાં પ્રચારમાં ભભસરકાર ગરીબો કે લિયે હોતી હૈભભ તેવું ભાષણ આપતા હતા. પરંતુ, તેની ભાજપ સરકારને આજેગરીબો કરતા ઉદ્યોગપતીઓ અને માફીયાઓ વધુ વ્‍હાલા લાગી રહયા હોય તેવું વાતાવરણ જોવા મળી રહયું છે.
દરિયાકાંઠે જી.એચ.સી. એલ. અને ખાનગી ભુમાફીયાઓએ અતિ કિંમતી જમીન પર ગેરકાયદેસર કબ્‍જો જમાવ્‍યો હોય તે હટાવીને સ્‍થાનિક ગામજનોને તે જમીન રોજગારી માટે આપવાની કામગીરી કરવામાં મહેસુલ વિભાગ નિષ્‍ફળ રહેતાં 13 દિવસથી અનેક ગામોના બાળકો, મહિલાઓ, વૃઘ્‍ધો અને શ્રમજીવીઓ રાજુલા ખાતે આંદોલન કરી રહયા હોય મહેસુલ વિભાગ ભભપેનબાજીભભ કરીને ફરિયાદીને જ આરોપી માની રહયું હોય તેવી વર્તુણુંક થઈ રહી છે.
આંદોલનને દરેક રાજકીય અને સામાજીક આગેવાનો ટેકો જાહેર કરી રહયા છે. છતાં પણ મહેસુલ વિભાગ દિલથી કામગીરી કરવાને બદલે દિંમાગથી કામગીરી કરીને પોતાની આવડતનો નમૂનો રજુ કરી રહયો હોય તેવું સૌ કોઈને લાગી રહયું છે. રાજુલા પીપાવાવ ધામની જમીન ઉપર જે જીએચસીએલ અને ભુમાફિયાઓના દબાણને હટાવવા માટેના આંદોલનને આજ 13 દિવસના અંતે આજથી આંદોલન ઐતિહાસિકરૂપ રંગ ધારણ કરી લીધુ છે. જેમાં ભાજપ સરકારના હિટલર શાહી અને એકહથ્‍થુ શાસન સામે આ ખેડૂતોના ન્‍યાય માટે કડીયાળીના જીલુભાઈ બારૈયાએ ભાજપ સરકાર સામે જ મોરચો માંડીને પોતે આમરણ ઉપવાસ ઉપર ઉતરી ગયાછે. અને તેમની સાથે ભાકોદરમાંધાતા ગૃ્રપના પ્રમુખ મધુભાઈ સાંખટ પણ આમરણ ઉપવાસ કરી રહયા છે. જે આંદોલને જ કેસરિયો રંગ ધારણ કરી રહયો છે. જે જીલુભાઈ અને મધુભાઈએ પોતાના ખેડુત ભાઈઓ માટે જીએચસીએલ અને ભુમાફિયા સામે આંદોલનનો શંખ ફુકયો છે. તેમના આમરણા ઉપવાસને અમરેલી જિલ્‍લા ખેડૂત સમાજના પ્રમુખ વિરાણી નરેશે જીલુભાઈ અને મધુભાઈને પ્રોત્‍સાહનરૂપી પત્ર પાઠવ્‍યો છે. અને પત્રમાં જણાવ્‍યું છે કે આ હિટલર શાહી સામે જુકતા નહિ. હિંમત હારતા નહી, જમીન લઈને જ જંપીશું. જમીનો ઉપર જે લોકોએ કબ્‍જો જમાવ્‍યો છે. એટલે જીએચસીએલ અને ત્‍યાંના ભુમાફિયાઓને જમીન ઉપરથી કબ્‍જો તો કોઈ પણ હિસાબે ઉઠાવવો જ પડશે. જમીન આપણા બાપદાદાની છે. એટલે આંદોલનમાં જયારે પણ જરૂર પડશે. ત્‍યારે ખેડૂત સમાજ ગુજરાત તમારી પડખે અડીખમ ઉભા રહેવા તૈયાર છે.
ખેડૂત સમાજ અમરેલી જિલ્‍લા પ્રમુખ નરેશ વિરાણીના આશ્‍વાસન પત્રનો જીલુભાઈ બારૈયા અને મધુભાઈએ આભાર વ્‍યકત કર્યો અને જરૂર પડયે જરૂર યાદ કરશું તેવી ફોનિક વાતચીત પણ કરી હતી.