Main Menu

અમરેલી જિલ્‍લામાં જળસિંચનની કામગીરીમાં જનજાગૃત્તિ પણ જરૂરી

રાજય સરકારે મહત્‍વની યોજના શરૂ કરી હોય ઠેર-ઠેર આવકાર
અમરેલી જિલ્‍લામાં જળસિંચનની કામગીરીમાં જનજાગૃત્તિ પણ જરૂરી
દરેક ગામનું પાણી ગામમાં જ રહે તો પીવા ઉપરાંત સિંચાઈ માટે જબ્‍બરો ફાયદો
અમરેલી, તા. પ
અમરેલી જિલ્‍લામાં રાજય સરકાર ઘ્‍વારા સુજલામ સુફલામ યોજના અંતર્ગત જળસિંચન કામગીરીનો ઉત્‍સાહભેર પ્રારંભ થયો છે. તેમાં જન ભાગીદારી વધે તો પાણીની સમસ્‍યા ચોકકસ હલ થઈ શકશે તે કહેવું અસ્‍થાને નથી.
અમરેલી જિલ્‍લાની જનતા દાયકાઓથી પીવાનાં અને સિંચાઈનાં પાણી માટે વલખા મારી રહી છે.ભાજપ સરકાર દર વર્ષે અવનવી યોજનાઓ ઘ્‍વારા પાણીની સમસ્‍યા દુર કરવાનો પ્રયાશ કરે છે જેને હજુ સંપૂર્ણ સફળતા મળી નથી.
તાજેતરમાં મુખ્‍યમંત્રી વિજય રૂપાણીએ પુનઃ સુજલામ સુફલામ યોજના અંતર્ગત જળસિંચનની કામગીરીનો પ્રારંભ કરાવ્‍યો છે અને જિલ્‍લામાં છેલ્‍લા પાંપ દિવસથી નદીઓ અને તળાવોને ઊંડા ઉતારવાનો ભગીરથ પ્રયાશ શરૂ કરવામાં             આવ્‍યો છે.
હવે જિલ્‍લાની જનતાએ પણ જાગૃત્તિ દાખવવાની જરૂર છે. જનતાની દરેક સમસ્‍યા કોઈપણ સરકાર ઉકેલી શકે નહી. જનતા જનાર્દનને પણ સરકારની મદદમાં જોડાવવું જોઈએ. સમાજનાં ભામાશાઓ અને સ્‍વૈચ્‍છીક સંસ્‍થાઓએ પણ કાર્યમાં જોડાવું જોઈએ.
લાઠી પંથકમાં મનજીભાઈ ધોળકીયા, સવજીભાઈ ધોળકીયા, બાબરા પંથકમાં ગોપાલભાઈ વસ્‍તરપરા, જે.પી. ઠેસીયા વિગેરે દાતાઓ જળસિંચનની ઉમદા કામગીરી કરી રહૃાા હોય જિલ્‍લાનાં તમામ આગેવાનો, ભામાશાઓ સહિત સૌ કોઈ માત્ર એક કે બે વર્ષમાં જળસિંચનની કામગીરી સામુહીકરૂપે ઉપાડે તો ચોકકસ જિલ્‍લામાં વરસાદી પાણીનો સંગ્રહ થાય જેનાથી પીવાનું અને સિંચાઈનું પાણી યોગ્‍ય પ્રમાણમાં    મળી રહેશે તેમાં કોઈ શંકા નથી.


(Next News) »