Main Menu

લાઠીના શેખપીપરીયામાં ગ્રીન ગુજરાતનો સંકલ્‍પ સાધવામાંઆવ્‍યો

અમરેલી, તા. પ
સમગ્ર રાજયમાં ચાલી રહેલ સુજલામ્‌ સુફલામ્‌ જળ અભિયાન અંતર્ગત અમરેલી જિલ્‍લામાં પણ નદીઓ, તળાવો અને ચેકડેમો ઊંડા ઉતારવાની કામગીરી ચાલી રહી છે. ત્‍યારે જળસિંચનના પ્રેરણાદાયી કાર્યોમાં લાઠી તાલુકાના શેખપીપરીયાનો પણ સમાવેશ થાય છે.
શેખપીપરીયાના વતની અને અમદાવાદ-સુરતમાં સ્‍થાયી થયેલા ઉદ્યોગપતિઓએ જળસિંચન અને ગ્રીન ગુજરાતનો સંકલ્‍પ સાધી નવો રાહ ચીંઘ્‍યો છે.
લાઠી તાલુકાના મામલતદાર નીનામાએ જણાવ્‍યું કે, સુજલામ્‌ સુફલામ્‌ યોજના તળે દાતાઓ અને સ્‍વૈચ્‍છિક સંસ્‍થાઓના સહયોગથી સમગ્ર લાઠી તાલુકામાં જળસિંચનના કાર્યો થઇ રહ્યા છે. તળાવ ઉંડા ઉતારવાની કામગીરીને લીધે આગામી સમયમાં વરસાદી પાણીની સંગ્રહશક્‍તિતમાં વધારો થશે.
તાલુકા વિકાસ અધિકારી જે.જે. ભટ્ટે જણાવ્‍યું કે, રાજય સરકાર દ્વારા શરૂ કરવામાં આવેલા સુજલામ્‌ સુફલામ્‌ જળ અભિયાન અંતર્ગત થઇ રહેલા કાર્યોને લીધે લાઠી તાલુકાના વિકાસ ગતિવાન બનશે. જમીનના તળ ઉંચા આવશે અને પિયત-પાણીના પ્રશ્નોનું નિવારણ આવશે.
દાતા અશોકભાઇ ભાદાણીએ જણાવ્‍યું કે, જળસિંચનની કામગીરી માટે રાજય સરકારનો નિર્ણય ખૂબ આવકારદાયક છે. આ અભિયાનમાં નદીઓ અને તળાવોમાંથી બાવળ તેમજ ઝાડીઝાંખરા દૂર કરવાની કામગીરીનો પણ સમાવેશ કરવામાં આવ્‍યોછે. શેખપીપરીયાના વતની અને દાતાઓએ પણ ગામમાંથી બાવળ દૂર કરવા પર વધુ ભાર મૂકયો છે.
ભાદાણીએ વધુમાં કહ્યું કે, આ વિસ્‍તારની ઉપરવાસમાં છ હયાત તળાવ છે. શેખપીપરીયાના સુખનાથ જલધારા ટ્રસ્‍ટના સહયોગથી ગામની લગભગ તમામ અને આજુબાજુના ગામની જમીનને પણ જળસિંચનની પ્રવૃત્તિથી લાભ થવાનો છે. ગ્રામજનોએ કાંપની આ માટીનો ઉપયોગ ખેતી માટે અને ગામના કામ માટે કરવાનો નિર્ધાર કર્યો છે ત્‍યારે ગ્રામજનો સ્‍વેખર્ચે આ માટી લઇ જઇ રહ્યા છે.
દાતા કલ્‍યાયણભાઇ ભાદાણીએ કહ્યું કે, ઉદ્યોગપતિઓ અને સ્‍થાનિક ખેડૂતો-ગ્રામજનોના સહયોગથી તળાવ ઉંડા ઉતારવાની કામગીરી અવિરત ચાલી રહી છે. 4પ વીઘામાં ફેલાયેલા તળાવમાં વરસાદી પાણીના સંગ્રહ માટે ખેડૂતો- ગ્રામજનોએ ખૂબ જ સહકાર આપ્‍યોં છે. ગામમાં અને આજુબાજુના વિસ્‍તારોમાં આ છઠ્ઠા તળાવની કામગીરી શરૂ છે.
જળસિંચન જેટલું જ ઉપયોગી અને મહત્‍વનું કાર્ય છે વૃક્ષારોપણ. શેખપીપરીયા અને આજબાજુના વિસ્‍તારમાં છેલ્‍લા બે માસમાં 1,000 જેટલા વૃક્ષોનું વાવેતર કર્યુ છે. ગ્રીન ગુજરાતના સંકલ્‍પ સાથે આગામી દિવસોમાં બાવળ તેમજ ઝાડીઝાંખરા દૂર કરી અંદાજે 10 હજાર જેટલા વૃક્ષોના વાવેતરની અને તેના ઉછેરની સઘન કામગીરી કરવાનો નિર્ધાર શેખપીપરીયાના દાતાઓ – ખેડૂતો – ગ્રામજનોનો છે.અન્‍યા દાતાઓએ તળાવ ઉંડા ઉતારવાની કામગીરીમાં મશીનરી પૂરી પાડીને સહકાર આપ્‍યો  છે.
શેખપીપરીયાના ખેડૂત સંજયભાઇ ચોથાણીએ કહ્યું કે, શેખપીપરીયામાં વરસાદી પાણીનો સંગ્રહ કરી પિયત અને પીવાના પાણીના પ્રશ્નોનું નિરાકરણ થઇ શકે તે અત્‍યારના સમયમાં આવશ્‍યક છે. સુજલામ્‌ સુફલામ્‌ યોજના તળે કરવામાં આવી રહેલી તળાવ ઉંડા ઉતારવાની કામગીરીથી જમીનના તળ પણ ઉંચા આવશે. જેનો લાભ પણ થવાનો છે.