Main Menu

અમરેલીમાં તાપમાનનો પારો 43 ડિગ્રી સુધી પહોંચી જતાં હાહાકાર

સમગ્ર જિલ્‍લામાં ગરમીનો પ્રકોપ
અમરેલીમાં તાપમાનનો પારો 43 ડિગ્રી સુધી પહોંચી જતાં હાહાકાર
બપોરનાંસમયે કુદરતી કર્ફયુનો માહોલ
અમરેલી, તા.પ
અમરેલી જિલ્‍લાની ભૌગોલિક પરિસ્‍થિતિ જ કંઈક અલગ છે. આ અમરેલી જિલ્‍લામાં ઉનાળા દરમિયાન આકાશમાંથી સતત અગનવર્ષા જ થતી રહી છે. અને અવાર-નવાર સમગ્ર ગુજરાતમાં આ અમરેલી જિલ્‍લામાં તાપમાન સૌથી ઉંચુ રહેતું હોય છે. જેને લઈ અમરેલીમાં લોકો પોતાના કામ બપોર પહેલા જ આટોપી લઈ અને બપોરના સમયે ઘરમાં પુરાય રહેવાનું પસંદ કરી રહયા છે. ત્‍યારે આજે બપોરે અમરેલીમાં મહત્તમ તાપમાન 43 ડિગ્રી અને ધારીમાં 43.7 ડિગ્રીએ પહોંચી જતાં અમરેલી જિલ્‍લો અગનભઠ્ઠીમાં ફેરવાય ગયો હતો. જેને લઈ માનવી તો શું પણ પશુ-પક્ષીઓ પણ આકરા તાપનાં કારણે વૈશાખની બપોરે જંપી જાય છે.
અમરેલીમાં આજે બપોરના સમયે અંગ દઝાડતી ગરમીનાં કારણે શહેરની મુખ્‍ય બજારોમાં કફર્યુ જોવા મળતો હતો. તો બીજી તરફ ભેંસ પણ આ કાળઝાળ ગરમીનાં કારણે પાણીમાં સ્‍નાન કરી આકરા તાપ સામે ઠંડક મેળવવાનો પ્રયાસ કર્યો હતો. તો બીજી તરફ પક્ષીઓ પણ ગરમીના કારણે પોતાના માળામાં બપોર ગુજારતા હતા.