Main Menu

દામનગરમાં શિવકથાનો આસ્‍થાભેર પ્રારંભ

દામનગર 111, પ્‍લોટ વિસ્‍તારમાં સંજયગીરી પ્રભાતગીરી ગોસ્‍વામી ર્ેારા તેમના પિતાજી કૈ.વા. પ્રભાતગીરી બાપુ તેમજ કૈ.વા. કૈલાશગીરીનાં સ્‍મરણાર્થે શિવ મહાપુરાણ કથાનું આયોજન કરવામાં આવેલ છે. શિવકથાનાં વકતા ઉમરીયાવાળા સુપ્રસિઘ્‍ધ કથાકાર મુકેશભારથીબાપુ સંગીતમય શૈલીમાં કથાનું રસપાન કરાવી રહેલ છે. કથા દરમ્‍યાન સંતો, મહંતો, અગ્રણીઓ કથા શ્રવણ કરી રહેલ છે. કથાનાં ત્રીજા દિવસે સતી પ્રાગટય પ્રસંગની ઉજવણી કરવામાં આવેલ. જેમાં માતાજીનાં નવ સ્‍વરૂપો માટે 9 કન્‍યાઓને માતાજીનો શણગાર સજવામાં આવેલ. તે માટે મીનાબેન ગોસ્‍વામીએ ભારે જહેમત ઉઠાવેલ. તેમજ દશનામ સમાજ સંતો અમરાપુરથી વસંતગીરીબાપુ અને ભાનુપુરીબાપુ (લુણકી)એ હાજરી આપેલ. પીઢ પત્રકાર અને જ્ઞાતિ અગ્રણી નટવરગીરીબાપુનું વિશેષ સન્‍માન ગોસ્‍વામી પરિવારે કરેલ. તા. પ-પ-18 ના રોજશિવ વિવાહનો પ્રસંગ ધામધુમથી ઉજવવામાં આવશે. શિવજીનો વરઘોડો હિંમતભાઈ આલગીયાનાં નિવાસસ્‍થાનેથી નીકળશે. કથા દરમ્‍યાન આવતા પાવન પ્રસંગોની ધામધુમથી ઉજવણી કરવામાં આવી રહેલ છે.


« (Previous News)