Main Menu

રાજુલા શહેરનાં જાહેર સ્‍થળોએ સીસીટીવી કેમેરા લગાવવામાં આવે તો કાયદો-વ્‍યવસ્‍થા મજબુત બને

રોમિયોગરી, ચીલઝડપ, લુખ્‍ખાગીરી પર અંકુશ મેળવવો જરૂરી
રાજુલા શહેરનાં જાહેર સ્‍થળોએ સીસીટીવી કેમેરા લગાવવામાં આવે તો કાયદો-વ્‍યવસ્‍થા મજબુત બને
રાજુલા, તા. 4
રાજુલામાં ઘણા લાંબા સમયથી કાયદો અને વ્‍યવસ્‍થામાં કચાસ લાગતી હોય તેમ લાગી રહેલ છે અને જેના કારણે ગુન્‍હેગારોને   મોકળું મેદાન મળી ગયું હોય તેમ લાગી રહેલ છે. અમ જેના કારણે રાજુલા શહેરમાં ગુનેગારો બેફામ બની ગયા હોય તેમ લાગી રહેલ છે અને રાજુલા તાલુકામાં આવેલ નામી કંપનીઅનાં નોકરીયાત વર્ગની ફેમીલી રાજુલામાં ખરીદીઓ પણ કરવા આવે ત્‍યારે તેઓ પણ પોતે સુરક્ષિત નથી તેવો અહેસાસ થાય છે અનેબહારનાં લોકોને અમુક તત્‍વો અને ટાર્ગેટ કરતા હોય છે અને મહિલાઓની છેડતીઓ પણ કરવામાં આવતી હોય છે. પણ તેઓ બહારના હોવાથી એ મૂંગા મોઢે સહન કરતા નજરે પડે છે. આમ રાજુલા શહેરમાં અને જાહેર સ્‍થળો ઉપર જો સીસટીવી મુકવામાં આવે તો ભવિષ્‍યમાં કોઈ ગુન્‍હાઓ બને તો પોલીસને પણ ગુન્‍હાઓમાં ડિટેકશનમાં પણ ખુબ જ મદદ મળી રહે અને ગુન્‍હેગારને શોધવામાં પણ ખુબ જ ફાયદાકારક સાબિત થાય તેમ છે.
આમ રાજુલામાં આવેલ જાહેર સ્‍થળ ઉપર સીસીટીવી મુકવામાં આવે તો કાયદો અને વ્‍યવસ્‍થા ખૂબ જ મજબુત બનશે અને લોકોને પણ તેની સલામતીનો અહેસાસ થશે. જેથી રાજુલા એસ.ટી. ડેપોનાં રોડ ઉપર, જે.એ. સંઘવી હાઈસ્‍કૂલ નજીક, સિવિલ હોસ્‍પીટલ સર્કલ, રાજુલા કોર્ટ સામે ડો. આંબેડકર સર્કલ, મહુવા રોડ જગાત નાકા ઉપર, માર્કેટીંગ યાર્ડ ચાર રસ્‍તા ઉપર, સાવરકુંડલા જગાત નાકા રોડ ઉપર, કોહિનૂર હોટલની રોડ સાઈડમાં, હિંડોરણા બાયપાસ રોડ સર્કલ પાસે, ટી.જે.બી.એસ. ગર્લ્‍સ હાઈસ્‍કુલ પાસે, ભુવા કોલેજ પાસે.
આમ ઉપરોકત જગ્‍યાએ સીસીટી કેમેરા મુકવામાં રાજુલા તાલુકામાં અને આજુબાજુનાં વિસ્‍તારોમાં અને મોટી કંપનીઓ આવેલ હોય તેનો પણ આ જાહેર સ્‍થળ ઉપર સીસીટીવી કેમેરા મુકવામાં સહકાર માંગીને તેમની પણ મદદ માગી અને તેમનાસહભાગીદાર બનાવીને આ કામગીરી તાત્‍કાલીક કરવી ખૂબ જ જરૂરી બની ગયેલ છે. આમ રાજુલા શહેર ખુબ જ પ્રગતિ કરી રહેલ હોય ત્‍યારે આ શહેરની કાયદો અને વ્‍યવસ્‍થા જાળવવી. ત્‍યારે આ પ્રકારનું કાર્ય કરીને પ્રજાને પોલીસ તેમની સુરક્ષા માટે હંમેશા પ્રજા સાથે છે તેવો દરેક સમાજને આ કામગીરીથી મેસેજ જશે. તેમ એડવોકેટ મંજુર ગાહાએ          પોલીસ અધિક્ષકને પાઠવેલ પત્રમાં માંગ કરેલ છે.