Main Menu

સુરતનાં કિરીટ પાલડીયાએ પોલીસ અને પોલીટીશ્‍યનને ધંધે ચડાવી દીધા

અમરેલી પોલીસે બીટકોઈનકાંડમાં રૂપિયા 1.3ર કરોડનો તોડ કર્યો
સીઆઈડી ક્રાઈમનાં ડીઆઈજી દિપાંકર ત્રિવેદીએ પત્રકાર પરિષદ યોજી
અમરેલી, તા. 4
અમરેલીનાં પોલીસ અધિક્ષક જગદીશ પટેલ, એલસીબી પીઆઈ અનંત પટેલ અને અન્‍ય પોલીસકર્મીઓએ બીટકોઈન કાંડમાં રૂપિયા 1.3ર કરોડનો તોડ કર્યાનું બહાર આવતાં ભારે ખળભળાટ મચી ગયો છે.
સીઆઈડી ક્રાઈમનાં ડીઆઈજી દિપાંકર ત્રિવેદીએ આજે પત્રકાર પરિષદ યોજીને બીટકોઈન પ્રકરણ અંગે અનેક વિગતો મીડિયા જગત સમક્ષ રજુ કરી હતી.
તેઓએ જણાવ્‍યું હતું કે, શૈલેષ ભટ્ટનાં મોબાઈલમાંથી કે કિરીટ પાલડીયાનાં મોબાઈલથી અપહરણનાં 11 ફેબ્રુઆરીનાં દિવસે કોઈ બીટકોઈન ટ્રાન્‍સફર થયા નથી અને તે અગાઉ જ બીટકોઈન ટ્રાન્‍સફર કરી દેવામાં આવ્‍યા હતા અને શૈલેષ ભટ્ટને ગેરમાર્ગે દોરવાનો પ્રયાશ થયો હતો.
વધુમાં જણાવ્‍યું હતું કે, સમગ્ર કૌભાંડનો મુખ્‍ય સુત્રધાર કિરીટ પાલડીયા છે અને તેની ધરપકડ પણ કરી લેવામાં આવી હોવાનું જણાવીને પૂર્વ ધારાસભ્‍ય નલિન કોટડીયાની ભુમિકા સ્‍પષ્‍ટ કરવા માટે તેમને 3 વાગ્‍યે નિવેદન આપવા સમન્‍સ મોકલવામાં આવ્‍યું છે.
વધુમાં જણાવ્‍યું હતું કે, બીટકોઈનનાં વેચાણનાં કરોડો રૂપિયા મળતાં તેમાંથીઅમરેલી પોલીસને રૂપિયા 1.3ર કરોડ અને પીઆઈ અનંત પટેલને વધારે રૂપિયા 6.7પ લાખ કિરીટ પાલડીયાએ આપ્‍યા હતા.
વધુમાં જણાવ્‍યું હતું કે, પૂર્વ ધારાસભ્‍ય નલિન કોટડીયાનું ચિત્ર સ્‍પષ્‍ટ થતું નથી અને એડવોકેટ કેતન પટેલનાં ભાઈ જતીન પટેલની પણ ધરપકડ કરવામાં આવશે તેમજ સીબીઆઈનાં ઈન્‍સ્‍પેકટરની પણ ભુમિકા તપાસવામાં આવી રહી છે.
વધુમાં જણાવ્‍યું હતું કે, કિરીટ પાલડીયાએ ઘણા દિવસો સુધી પોલીસને ગેરમાર્ગે દોરી હતી. જો કે ફોરેન્‍સીક અધિકારીઓની મદદથી કેસ ઉકેલાઈ ગયો છે. ખરેખર શૈલેષ ભટ્ટનાં બીટકોઈન કિરીટે પોતાની પાસે જ રાખી અપહરણનાં દિવસે બીટકોઈન ટ્રાન્‍સફર થઈ ગયા હોવાનું જણાવ્‍યું હતું.
વધુમાં જણાવ્‍યું કે, અપહરણની ઘટના પહેલા ગાંધીનગર અને સુરતનાં સરકીટ હાઉસમાં નલિન કોટડીયા અને કિરીટ પાલડીયા વચ્‍ચે બેઠક યોજાઈ હતી અને જગદીશ પટેલની ધરપકડ બાદ તેમની મિલ્‍કતો અંગે પણ સીઆઈડીને પુરાવા મળ્‍યા છે. તે અંગે એસીબીને જાણ કરવામાં આવી છે.
વધુમાં જણાવેલ છે કે, કિરીટ પાલડીયાએ નેકસા કોઈનનાં નામે બહુ મોટી સંખ્‍યામાં રોકાણકારો સાથે છેતરપીંડી કરી હોવાનું સીઆઈડીનાં ઘ્‍યાને આવેલ છે. અને તેનો ભોગ બનનારને સીઆઈડીમાં જાણ કરવા અંતમાં ત્રિવેદીએ જણાવ્‍યું હતું.