Main Menu

અમરેલી જિલ્‍લાનાં ખેડૂતોમાં પાકવીમાને લઈને રોષની આંધી

ખેડૂતો પરસેવાનાં પૈસાથી વીમાની રકમ ભરે છતાં પણ ન્‍યાય મળતો નથી
અમરેલી જિલ્‍લાનાં ખેડૂતોમાં પાકવીમાને લઈને રોષની આંધી
ઘણા ખેડૂતો વર્ષોથી પાકવીમાનું પ્રિમીયમ ભરે છતાં પણ કયારેય વીમાની રકમ મળતી નથી
વીમા કંપનીઓ નિયમ મુજબ નુકશાનીનો સર્વે કરવાને બદલે બંધબારણે કરે છે સર્વે
અમરેલી, તા. 4
રાજય સરકાર ખેડૂતોને પાકવીમો ચુકવાયો હોવાની જાહેરાતો કરે છે પણ અમરેલી જીલ્‍લામાં 100 કરોડ જેવી પાકવીમાની રકમ આવી હોવાનું કહેવાય છે. પણ લાઠી-બાબરા સિવાય 10 તાલુકામાં ખેડૂતોને પાકવીમાની રકમ ન આવતા ખેડૂતોમાં રાજયની સરકાર સામેરોષ ફાટી નીકળ્‍યો છે. પ્રિમીયમ ઉઘરાવીને ખેડૂતોને પાકવીમો મળે છે કે કેમ તે અંગે અમરેલી એકસપ્રેસએ કર્યુ હતું અમરેલી જીલ્‍લાના ખેડૂતોમાં રીયાલીટી ચેક.
ગુજરાતના પ્રથમ મુખ્‍યમંત્રી ડો. જીવરાજ મહેતાનો ગણાતો અમરેલી જીલ્‍લો પાકવીમા માટે ખેડૂતોને હેરાન પરેશાન કરી રહૃાો છે. ત્‍યારે પાકવીમા માટે ખેડૂતોની સ્‍થિતિ જાણવા અમરેલી એકસપ્રેસ પહોંચ્‍યું અમરેલી-સાવરકુંડલા માર્ગ પર આવેલા ઓળીયા ગામ.
ઓળીયા ગામ ખેતી પર આધારિત ગામ છે. ઓળીયાનાં ખેડૂતો દર વખતે પાકવીમા માટે પ્રિમીયમ ભરે છે પણ પાકવીમા વખતે ઓળીયાનાં ખેડૂતોના ભાગ્‍યમાં ઠેંગો જ આવે છે. નાના ખેડૂતોથી લઈને મોટા વીદ્યા ધરાવતા ખેડૂતોએ મોટેભાગે પાકવીમાનું પ્રિમીયમ ભર્યુ છે પણ ખેડૂતોને પાકવીમો હજુ આવ્‍યો નથી. જયારે પાકવીમો જાહેર કર્યા બાદ ઓળીયાનાં ફકત બે જ ખેડૂતોને પાકવીમો મળ્‍યો હોવાની માહિતી મળી છે.
ઓળીયાના હરદાસભાઈ વેકરીયાએ 6 વીદ્યાની જમીનમાં કપાસનું વાવેતર કર્યુ હતું. ર હજાર પ્રિમીયમ ભર્યુ હતું. પાકવીમો આવી ગયો હોવાનું ગામમાંથી જાણવા મળ્‍યું છે. ત્‍યારે આજ ગામના અન્‍ય બીજા અનેક ખેડૂતો પાકવીમા માટે હેરાન પરેશાન થઈને સરકાર સામે રોષ ઠાલવી રહૃાા છે.
જયસુખ દેવાણી ર016થી પ્રિમીયમને વ્‍યાજ ભરે છે પણ આજદિનસુધી પાકવીમો આવ્‍યો નથી. આખા ઓળીયા ગામમાં બે ખેડૂતને જ પાકવીમો પાસ થયો છે. બીજા ખેડૂતો પ્રત્‍યે સરકાર ઓરમાયું વર્તન દાખવી રહી છે. ત્‍યારે મગફળી પકવતા ખેડૂતે પણ હૈયા વરાળ ઠાલવતા સરકાર અને બેંકો સામે રોષ પ્રગટ કર્યો હતો. ત્‍યારે સ્‍થાનિક મંડળીનાં સંચાલક અને અગ્રણી ખેડૂતે જણાવ્‍યું હતું કે, ભાવનગર ડીસ્‍ટ્રીકટ કો.ઓ. બેંકમાં 38 ખેડૂતોએ પ્રિમીયમ ભર્યુ હતું તેમાં ફકત બે જ ખેડૂતોને પાકવીમો મંજુર થયો છે. ત્‍યારે સરકાર ખેડૂતોના ભાવ બમણા કરવાની ફકત વાતો કરીને તાયફાઓ કરતી હોવાનો આક્ષેપ        ઓળીયાના ખેડૂતે કરીને સરકાર સામે બાંયો ચડાવવાનું નકકી કરી લીધું છે.
ત્‍યારે ભાજપના નેતા અને જીલ્‍લા મઘ્‍યસ્‍થ બેન્‍કનાં ચેરમેન દિલીપ સંઘાણીએ ખેડૂતોના પાકવીમા અંગે કોંગ્રેસ સામે આક્ષેપ કરતા જણાવ્‍યું હતું કે, મગફળી, ચણા, તુવેરનો પાક અમરેલી જીલ્‍લામાં વધુ થયો છે. ત્‍યારે ખેડૂતો પાકવીમાની વાતો કોંગ્રેસ રહી છે. ગળથુથીમાં ખેડૂતોનું સારૂ વિચાર્યુ નથી. ગાંધીનગરમાં ખેડૂતો પર ગોળી ચલાવનારા આજે ખેડૂતોના હામી થઈને ફરી રહૃાાં હોવાનું સંઘાણીએ જણાવતા કહૃાું હતું કે, અમરેલી જીલ્‍લા મઘ્‍યસ્‍થ બેંક પાસે પાકવીમાના 44 કરોડની રકમ આવી ચુકી છે પ કરોડ બાકી છે. અન્‍ય બેંકોમાં થઈને અમરેલી જિલ્‍લાને100 કરોડનો પાકવીમો મળ્‍યો છે. ત્‍યારે પોતાની ઓળીયા બેંકની શાખાના ખેડૂતોને પાકવીમો ન મળ્‍યા અંગે ક્રોપ કમિટી સાથે ખાનગી કપંનીઓ સામે દિલીપ સંઘાણીએ આંગળી ચીંધી હતી.
ત્‍યારે લાઠીના ધારાસભ્‍ય વિરજી ઠુંમરની દીકરી અને અમરેલી જીલ્‍લા પંચાયતના પ્રમુખ તરીકે સેવા આપતા જેનીબેન ઠુંમરે રાજયની સરકાર સામે રોષ ઠાલવતા જણાવ્‍યું હતું કે, અમરેલી જીલ્‍લો બધા જ જીલ્‍લા કરતા પાકવીમો મેળવવામાં હંમેશા છેલ્‍લા ક્રમે આવે છે. ફકત લાઠી-બાબરા તાલુકાને 90 કરોડ મળ્‍યા હોવાની જાહેરાતો થાય છે. તો આખા જીલ્‍લામાં 100 કરોડની જ ફાળવણી સરકારે કરી છે. ર01પમાં અમરેલી જીલ્‍લામાં થયેલી જળ હોનારત વખતે પણ ખેડૂતો પાયમાલ થયા હતા ત્‍યારે પણ પ્રિમીયમ ભર્યુ હતું તે પાયમાલી કે પાકવીમાનું વળતર આજદિન સુધી ન મળ્‍યું હોવાનું કોંગ્રેસ નેતા જણાવી રહૃાા છે. ત્‍યારે સરકાર પાકવીમાની વાતો મસમોટી કરે છે પણ અમરેલી જીલ્‍લામાં ખેડૂતોને પાકવીમો મોટાભાગે ન મળ્‍યો હોવાની વાસ્‍તવિકતા પણ છે જ.