Main Menu

સાવરકુંડલામાં લીમડી ચોકમાં બે પડોશી વચ્‍ચે થઈ મારામારી

રોડ બનાવવા ઓટલા તોડી નાખતા
સાવરકુંડલામાં લીમડી ચોકમાં બે પડોશી વચ્‍ચે થઈ મારામારી
અમરેલી, તા.3
સાવરકુંડલા ગામે આવેલ લીમડી ચોક વિસ્‍તારમાં રહેતા ઈકબાલભાઈ ઉંમરભાઈ ચૌહાણ તથા ફિરોજ રહીમભાઈ ચૌહાણ એક જ લતામાં રહેતા હોય, આ લતામાં રોડ બનાવવા માટે ઓટલા તોડી નાખવામાં આવતા તે વાતનું મનદુઃખ રાખી ફિરોજે ઈકબાલભાઈને બોલાવી તું મારા વિશે કેમ બોલેલો તેમ કહી ગરદન પકડી હમીદ ઉમરભાઈ ચૌહાણે તલવારનો એક ઘા કપાળમાં મારી દઈ ઈજા કરેલ હતો. મુસ્‍તફા હમીદભાઈ, સલીમ ઉંમરભાઈ તથા ઈમરાન રહીમભાઈએ ત્‍યાં આવી લાકડાના ધોકા વડે માર મારી ઈજા કર્યાની ફરિયાદ સાવરકુંડલા ટાઉન પોલીસમાં ફરિયાદ નોંધાઈ છે. તો સામા પક્ષે ફિરોજભાઈ રહીમભાઈ ચૌહાણે પણ આ જ કારણોસર તેમને ગેરકાયદે મંડળી રચી અને ઈકબાલ ઉર્ફે જીણીયો ઉમરભાઈ ચૌહાણ, ગુલમમદ ચૌહાણ, મુસ્‍તાક ઉંમરભાઈ, સલમાન રાજેશભાઈ ચૌહાણ, ઈરફાન ઉંમર ચૌહાણ, સોહિલ અહેમદભાઈ તથા અસલમ કાળુભાઈ વિગેરેએ ગાળો આપી આડેધડ માર માર્યાની સામી પોલીસમાં ફરિયાદ નોંધાવી છે.