Main Menu

બાબરાનાં ઉંટવડ ગામનાં યુવાનને બસ ચાલકે માર મારી ઈજા કરી

અમરેલી, તા. 3
આજકાલ ગરમીનો પ્રકોપ વધારે હોય, અને લોકો કોઈપણ જાતનાં કારણ વગર બાખડી પડે છે. ત્‍યારે આજે સવારે બાબરાનાં ઉટવડ ગામે રહેતાં એક યુવાનને મહુવા-ચોટીલા રૂટની બસનાં ચાલકે સામાન્‍ય બાબતે માર મારી ઈજા કરી હતી.
આ બનાવમાં ઉંવડ ગામે રહેતાં રઘુવીરભાઈ નટુભાઈ ધાધલ પોતાના માસીને મહુવા-ચોટીલા એસ.ટી. બસમાં બેસાડવા આવેલા ત્‍યારે આ બસનાં ચાલકે બસને નિયત સ્‍થળ કરતાં દૂર ઉભી રાખેલ જે અંગે આ યુવાને ચાલકને વાત કરતાં એસ.ટી. બસનાં ચાલકે ઉશ્‍કેરાઈ જઈ આગ બુઝાવવાનાં બાટલોમારી ઈજા કર્યાની ફરિયાદ પોલીસમાં નોંધાવી છે.
હજુ આ જ બસનાં કોઈ અજાણ્‍યા ચાલકે ગત રવિવારે પૂનમનાં દિવસે ભારે ટ્રાફીકનાં કારણે જસદણ એસ.ટી. ડેપોમાં ખેલ પાડયો હોવાની વાત પણ મુસાફરોમાંથી જાણવા મળી હતી.