Main Menu

સાવરકુંડલાનાં ધારાસભ્‍ય પ્રતાપ દુધાત વિદેશની સહેલગાહે

સમગ્ર પંથકનાં ખેડૂતો પાકવીમો, પોષણક્ષમ ભાવોને લઈને પરેશાન છે ત્‍યારે
સાવરકુંડલાનાં ધારાસભ્‍ય પ્રતાપ દુધાત વિદેશની સહેલગાહે
સમગ્ર પંથકની જનતા જુદી-જુદી સમસ્‍યાને લઈને ધારાસભ્‍યને ગોતાગોત થઈ છે
અમરેલી, તા. 3
અમરેલી અને સાવરકુંડલા પંથકનાં ખેડૂતો પાકવીમો, પોષણક્ષમ ભાવો સહિતનાં પ્રશ્‍નોને લઈને પરેશાન થઈ રહૃાા છે. તેવા જ સમયે અમરેલીનાં ઈન્‍ચાર્જ ધારાસભ્‍ય શરદ ધાનાણી અને સાવરકુંડલાનાં ફુલટાઈમ ધારાસભ્‍ય પ્રતાપ દુધાત આફ્રીકાનાં પ્રવાસે રજાનો આનંદ માણી રહૃાા છે.
સાવરકુંડલાનાં ધારાસભ્‍ય એ છેલ્‍લા 4 મહિનામાં જનહિતમાં કાર્ય કરવામાં ઉણા ઉતર્યા હોય છે. અવનવા વિવાદોમાં જ ફસાઈ રહૃાા હોય ચૂંટણીનાં દિવસોમાં મતદારોને આપેલ વચનો પુર્ણ કરવામાં સદંતર નિષ્‍ફળ સાબિત થઈ રહૃાા છે.
સાવરકુંડલા-લીલીયા પંથકની જનતા પીવાનું પાણી, પોષણક્ષમ ભાવો, પાકવીમો, કાયદો-વ્‍યવસ્‍થા, એસ.ટી.ની કથળેલી હાલત, શિક્ષણ અને આરોગ્‍ય તેમજ બિસ્‍માર માર્ગો જેવી અનેક સમસ્‍યાઓ ભોગવી રહી છે.ત્‍યારે જનતા જનાર્દનની સંગાથે રહેવાને બદલે લાખો રૂપિયાનો ખર્ચ કરીને વિદેશમાં મોજ માણી રહૃાા છે.
ધારાસભ્‍ય એ ભુલી જાય છે કે, ગરીબોની સેવા કરવા જેવો આનંદ જગતમાં કોઈ જગ્‍યાએ મળતો નથી. પરંતુ હવે જનતાને પાંચ વર્ષ સુધી એકલાજ તેમની સમસ્‍યા સામે ઝઝુમવું પડશે તે નકકી જ છે.