Main Menu

આલે લે : ખાંભા-પીપળવા માર્ગ પર ર મહિના પહેલા બનેલ પુલમાં ગાબડુ પડતા નારાજગી

કાર્યપાલક ઈજનેર તાકીદે પુલની મરામત કરાવે તેવી માંગ
અમરેલી, તા.3
માર્ગ-મકાન પંચાયત અમરેલી દ્વારા બાંધકામમાં ખાંભા તાલુકાને ભ્રષ્‍ટાચારનો પર્યાય બનાવ્‍યો હોય તેમ ખાંભાના છેવાડાના સરાકડીયા ગામે બે વર્ષથી પુલમાં પડેલ ગાબડુ રીપેર કરાતું નથી.
માર્ગ મકાન પંચાયત દ્વારા ખાંભા તાલુકામાં રોડ કે પુલના કામમાં ભ્રષ્‍ટાચાર ન કરાયો હોય તોજ નવાઈ ગણાય. તાજેતરમાં ખાંભા- પીપળવા રોડ ઉપર બન્‍ને પુલો બન્‍યાના બીજા મહિને જ ભોંમાંથી ભાલા નીકળતા હોય તેમ પુલના સળીયા બહાર આવવાના બનાવની શાહી સુકાણી નથી ત્‍યાં ખાંભા તાલુકાના ખેતી અને મજૂરી ઉપર નભતા છેવાડાના દિવાનના સરાકડીયા ગામના ઝાંપામાં બે વર્ષથી પુલમાં પડેલું ગાબડુ અકસ્‍માતની રાહમાં રીપેર કરાતું નથી.
4 ફુટના પરીઘમાં ભ્રષ્‍ટાચાર આચરી બનાવાયેલો પુલમાં પડેલ ગાબડુ દિન પ્રતિદિન વધતું જતું હોય આગામી ચોમાસા પહેલા આ ગાબડુ રીપેર નહીં કરવામાં આવે તો પુલ તૂટી જવાથી ગામ સંપર્ક વિહોણું બનેતે પહેલા ભ્રષ્‍ટાચારમાં માહીર માર્ગ-મકાન પંચાયતના કાર્યપાલક ઈજનેર તાકીદે કાર્યવાહી કરી પુલ રીપેર કરાવે તેવું ગામજનો ઈચ્‍છી રહયાછે.