Main Menu

બાબરા પાલિકાનાં ઉપપ્રમુખનો પુત્ર કરે છે પાણી પીને ઉપાસના

સૂર્ય નારાયણ ભગવાનને રાજી કરવા
બાબરા પાલિકાનાં ઉપપ્રમુખનો પુત્ર કરે છે પાણી પીને ઉપાસના
બાબરા, તા.18
છેલ્‍લા 100 વર્ષથી પણ વધારે વર્ષોથી કાઠી ક્ષત્રિય સમાજ દ્વારા ભગવાનશ્રી સૂર્ય નારાયણ ભગવાનના આશિર્વાદ મેળવવા માટે ખાલી પ્રવાહી પીને સાડા ત્રણ દિવસના ઉપવાસ કરે છે. આ ઉપવાસ થાન નજીક આવેલ ભગવાન સૂર્ય નારાયણના આવેલ જૂના સૂરજદેવળ તેમજ ચોટીલા પાસે આવેલ નવા સૂરજદેવળ મંદિરના સાનિઘ્‍યમાં કરવામાં આવે છે. આ ઉપવાસ કરનાર તમામ ભાઈઓ દાદાના સાનિઘ્‍યમાં ખાલી ચા પાણી ઉપર સાડા ત્રણ દિવસ ઉપવાસ કરે છે અને સૂર્યનારાયણ ભગવાનની માળા જપે છે અને દાદાના આશિર્વાદ મેળવી ધન્‍યતા અનુભવે છે. ત્‍યારે બાબરા નગરપાલિકાના ઉપપ્રમુખ વનરાજભાઈ વાળાનો 8 વર્ષનો પુત્ર જયરૂદ્ર ખાલી પ્રવાહીપીને કરે છે સાડા ત્રણ દિવસના ઉપવાસ. ગુજરાત તેમજ ગુજરાત બહાર વસતા તમામ કાઠી ક્ષત્રિય સમાજના ભાઈઓ આ ઉપવાસ કરે છે. તો અમુક વડીલો અને યુવાનો પોતાના ઘરે રહીને ઉપવાસ કરે છે. જયારે નાની ઉંમરના જયરૂદ્ર વાળાએ ઉપવાસ કરતા તેના પર અભિનંદનની વર્ષા વરસી રહી છે.