Main Menu

ખાંભાની તાલુકા પંચાયતની કચેરીનાં નવા મકાનમાં સુવિધા જ નથી

કરોડો રૂપિયાનાં ખર્ચે બનેલ મકાનમાં શ્‍વાનઅને નિશાચરોનો મુકામ
ખાંભાની તાલુકા પંચાયતની કચેરીનાં નવા મકાનમાં સુવિધા જ નથી
કોંગી ધારાસભ્‍યોએ લોકાર્પણની લ્‍હાયમાં સુવિધા ઉભી કરવામાં પણ ઉદાસીનતા દાખવી
ખાંભા, તા.14
લોકાર્પણની લ્‍હાયમાં તાલુકા પંચાયતના લોકાર્પણ થયાને ત્રણ માસ વીતી જવા છતાં કોઈ સુવિધા કરવામાં આવી નથી.
રાજકીય હુંસા-તુંસીમાં લાઈટ, ફર્નિચર, બિલ્‍ડીંગનું નામ, પીવાના પાણીની સુવિધા વગરના તાલુકા પંચાયતના બિલ્‍ડીંગનું કોંગ્રેસ પક્ષ દ્વારા ધારાસભ્‍ય જે.વી. કાકડીયા તથા અમરીશભાઈ ડેરના વરદ હસ્‍તે તાલુકા પંચાયતના બિલ્‍ડીંગનું લોકાર્પણ કરાયાને ત્રણ માસ વીતી જવા છતાં ફર્નિચર સહિતની સુવિધાના અભાવે તાલુકા પંચાયત સેવાસદન ખાલી ઉભુ હોવાથી અને ચોકીદાર કે સ્‍ટાફ વગરના તાલુકા પંચાયતના બિલ્‍ડીંગમાં કૂતરા દિવસ દરમિયાન અને નિશાચરો રાત્રીના સમયે ઉપયોગ કરી રહયા છે.
જૂની અને અસુવિધા જનક તાલુકા પંચાયતની કચેરીમાં પણ અરજદારો માટે બેસવા તેમજ પંખાની સુવિધા ન હતી અને આજે પણ ન હોવાથી કરોડોના ખર્ચે બનેલ તાલુકા પંચાયતની નૂતન બિલ્‍ડીંગ રાજકીય હુંસા-તુંસીમાં આજે પણ ઉભી છે. જેમાં પણ કોઈ સુવિધા ન હોવાથી નૂતન બિલ્‍ડીંગ બન્‍યાને 6 મહિના અને લોકાર્પણને 3 મહિના વીતી જવા છતાં અરજદારો અને અધિકારીઓ સહિતના તમામકર્મચારીઓ તથા પદાધિકારીઓ સુવિધા વગરની જૂની કચેરીમાં પારાવાર મુશ્‍કેલી ભોગવી રહયા હોય તાલુકા પંચાયતના નૂતન બિલ્‍ડીંગમાં વહેલી તકે તમામ પ્રકારની સુવિધા ઉભી કરી તાલુકાના પ્રજાજનોને સગવડતા પુરી પડાય તેવું લોકો ઈચ્‍છી રહયા છે.


« (Previous News)