Main Menu

શિયાળબેટમાં આઝાદીનાં 70 વર્ષ બાદ પીવાનું પાણી મળશે

કાયમી પાણી મળે છે કે કેમ તે જોવુંરહૃાું
શિયાળબેટમાં આઝાદીનાં 70 વર્ષ બાદ પીવાનું પાણી મળશે
કાયમી પાણી મળે છે કે કેમ તે જોવું રહૃાું
અમરેલી, તા. 13
આઝાદી સમયથી પાણી માટે ટળવળતા અમરેલીનાં શિયાળબેટ વાસીઓને હવે ઉનાળામાં મીઠુ પાણી આપવા માટે રૂપાણી સરકાર જાગી છે. કેટલાય સમયથી ખારા પાણીથી ઝઝુમી રહેલા લોકોને સૌપ્રથમવાર મીઠું પાણી મળશે. રાજુલાના પીપાવાવ પોર્ટ નજીક એક નોટીકલ માઈલ દુર શિયાળબેટ આવેલો છે. દરિયાઈ વિસ્‍તારથી બેટ ઘેરાયેલો હોવાથી અહી લોકોને મીઠું પાણી મળતું ન હતું. છેલ્‍લા કેટલાય વર્ષોથી ગંભીર પાણીની સમસ્‍યા હતી. ત્‍યારે સંપમાં ખારૂ પાણી આવતા લોકોને પારાવાર મુશ્‍કેલીઓ પડતી હતી.
6 કિલોમીટર દુર ચાંચના સંપમાંથી નર્મદાની પાઈપલાઈન દરિયામાંથી નાખવામાં આવી રહી છે. આ પાઈપલાઈન ઘ્‍વારા લોકોને હવે પીવાનું મીઠું પાણી મળશે. હાલ પાઈપલાઈન નાખવાની કામગીરી પૂરજોશમાં ચાલી રહી છે.
છેલ્‍લા કેટલાય વર્ષોથી લોકો ખારા પાણીનો સામનો કરતા હતા હવે રહી રહીને તંત્ર જાગતા મીઠું પાણી મળશે. ત્‍યારે અહી સવાલ થાય છે કે કયાં સુધી મીઠું પાણી મળશે.