Main Menu

સાવરકુંડલામાં પૂ. દાદાબાપુ કાદરી અને પૂ. વિજયબાપુનું મિલન યોજાયું

સમાજમાં સંતો મહંતોએ દર્પણ છે. સમાજને એકરાહ, નેકરાહ પર લોકોને લઈ જવાનું કાર્ય સંતો જ કરી શકે છે. આવા જસમાજના બે અલગ-અલગ સમુદાયન સંતોનું અદકેરૂં મિલન સાવરકુંડલામાં થયું હતું. સમગ્ર મુસ્‍લિમ સમાજના રાહબર અને કોમી એકતાના હિમાયતી ગણાતા અલ્‍હાજ સરકાર દાદાબાપુ કાદરીના આંગણે પ્રસિઘ્‍ધ સતાધારની ભૂમિના સંત શિરોમણી પૂજય વિજયબાપુ પધારતા અદકેરૂં મિલન સર્જાયું હતું વ્‍યસન મૂકિત અભિયાન ચલાવીને વ્‍યસનના દુષણને દુર કરવા સુફીસંત અલ્‍હાજ દાદાબાપુ કાદરીના ભગીરથ પ્રયાસને બિરદાવવા ખુદ સતાધારના મહંત પૂજય વિજયબાપુ સૂફીસંતના નિવાસસ્‍થાન બાગે રહેમત ખાતે પધારીને એકતા, અનેકતા અને અખંડિતાના સમન્‍વયનો સુરજ જોવા મળ્‍યો હતો. સૂફીસંત દાદાબાપુની સમાજલક્ષી વ્‍યસન મુકિત અભિયાનની સરાહના કરીને સમાજમાં સંતો જ લોકોને સારા અને સાચા માર્ગે લઈ જતા હોવાનું પૂજય વિજયબાપુએ જણાવ્‍યું હતું. અને સૂફીસંતની સેવાને બિરદાવીને એક મંચ પર બે સમાજના સંતોએ સમાજમાં પડેલા જ્ઞાતિ, નાત જાતના વાડાઓથી દુર સમાજ સમરસતાની મિશાલ જોવા મળી હતી. પૂજય વિજયબાપુનું શાલ ઓઢાડીને સૂફીસંતે સન્‍માન કર્યુ હતું અને 1 કલાક સુધી વ્‍યસન મુકિત સાથે સમાજન રાહબરોએ ચર્ચા વિચારણાઓ કરીને કોમી એકતાની અનોખી પ્રણાલી સાવરકુંડલામાં જોવા મળી હતી. અત્રે ઉલ્‍લેખનીય છે કે હજુ થોડા દિવસો પહેલા ફીફાદ ખાતેના મુસ્‍લિમ સમુહલગ્નમાં પૂજયમોરારીબાપુ અને સૂફીસંત દાદાબાપુ એકમંચ પર આવીને સામાજિક એકતા પર ભાર મુકયો હતો. ત્‍યારે આજે પ્રસિદ્ધ સતાધારની જગ્‍યાના મહંત પુજય વિજયબાપુએ સુફીસંતના આંગણે પધારીને સામાજિક સમરસ્‍તાના દર્શન જોવા મળતા હતા. સાવરકુંડલા સુન્‍ની મુસ્‍લિમ જમાતના પ્રમુખ ઈરફાનભાઈ કુરેશી સહિત મુન્‍નાભાઈ કાદરીએ પુજય વિજયબાપુને સન્‍માનિત કર્યા હતા. ત્‍યારે સંત શુરાની ભૂમિ કાઠિયાવાડમાં હિન્‍દુ – મુસ્‍લિમ સમાજના બે સંત શિરોમણીનું અદકેરૂં મિલન સાવરકુંડલામાં થયું હતું.