Main Menu

રાજુલાની સબ રજીસ્‍ટાર કચેરીનાં જુનિયર કલાર્ક લાંચ લેતા ઝડપાયા

રાજુલા,  તા. 9
બી.પી.ગાધેર ઈન્‍ચા પી.આઈ.અમરેલી એસીબી તથા બોટાદ અને ભાવનગરની એસીબી ટીમ દ્વારા ટોલ ફ્રી નંબર પરની ફરિયાદન અનુસંધાને રાજુલામાં દુર્લભનગરમાં આવેલ મુરલીધર પાન સેન્‍ટર પાસે ફરીયાદી દ્વારા દસ્‍તાવેજની નકલ કાઢી આપવા બાબતે કાયદેસરની થતી ફ્રી ઉપરાંત રૂા.3પ00 લાંચની રકમ આરોપી અને સબ રજીસ્‍ટ્રાર કચેરી રાજુલામાં જુ.કલાર્ક વર્ગ-3 માં ફરજ બજાવતા મહેશભાઈ લલ્‍લુભાઈ ઘાંઘલાને પંચોની રૂબરૂમાં માંગી અનેસ્‍વીકારતા રંગે હાથે ઝડપી પાડતા નોકરીયાતોમાં ફફડાટ વ્‍યાપી ગયેલ છે. આમ રાજુલામાં સરકારી બાબુઓ દ્વારા લોકોને ખંખેરવાનો કારસો કરતા કર્મચારીની પોલી ખુલી જવા પામેલ છે. જયારે રાજુલામાં બેફામ બનેલા લાંચીયા કર્મચારીઓનો ગાળીયો કસવો જરૂરી છે. તે મુજબ આ તો ફકત પાશેરીમાં પુણી જ છે. આ કર્મચારીની સઘન પુછપરછ કરવામાં આવે તો આમા મોટા માથાઓની સામેલગીરી સામે આવે તેમ છે.
જયારે રાજુલાના લોકોમાંથી એવી માંગણી ઉઠેલ છે. કે, રાજુલા સબ રજીસ્‍ટ્રાર કચેરી, મામલતદાર કચેરી, સીટી સર્વે કચેરીમાં કેટલાક દલાલો અવાર-નવાર આવન-જાવન કરતા રહે છે. આવા કામ વગરના ફકત દલાલી કરવા આવતા તત્‍વોને સીસી ટી.વી. ફુટેજના આધારે કંપાઉન્‍ડમાં આવતા અટકાવવા માંગણી ઉઠેવા પામેલ છે.