Main Menu

આલેલે : રાજુલા પંથકમાં ગુણોત્‍સવ કાર્યક્રમમાં લોલમલોલ

રાજય સરકારનાં ઉમદા કાર્યક્રમનો પણ સ્‍થાનિક શિક્ષકોએ કર્યો ફિયાસ્‍કો
આલેલે : રાજુલા પંથકમાં ગુણોત્‍સવ કાર્યક્રમમાં લોલમલોલ
સમગ્ર પંથકની સરકારી શાળામાં પુનઃ મુલ્‍યાંકન કરવામાં આવે તેવી માંગ ઉભી થઈ
રાજુલા, તા. 9
રાજયભરમાં ગુજરાત સરકારના સારા અભિગમ સાથે શરૂ કરવામાં આવેલ ગુણોત્‍સવ કાર્યક્રમ રાજુલા તાલુકામાં તાયફો સાબિત થયેલ છે. આ ગુણોત્‍સવમાં રથી 8 નાં વિદ્યાર્થીઓની કસોટી ઓએમઆર સીટ આપીને સવાલોના સાચા જવાબો નિમેલા અધિકારીની હાજરીમાં આપવાના હોય છે. આ ઉપરોકત નીચેના ધોરણોમાં વાંચન અને ગણન પણ કરાવવાનું હોય છે અને તે પણ નીમેલા અધિકારીની હાજરીમાં. આમ સરકાર ઘ્‍વારા શિક્ષકો ઘ્‍વારા સ્‍કુલમાંકેવું શિક્ષણ આપેલ છે તેનું સમગ્ર વર્ષનું મુલ્‍યાંકન કરવામાં આવે છે. અને આ રીતે સરકાર ઘ્‍વારા સરકારી શાળાઓમાં ખાડે ગયેલ શિક્ષણનું સ્‍તર ઊંચું લાવવા માટેનું એક સુંદર આયોજન કરવામાં આવેલ છે. અને ખાનગી સ્‍કુલો કરતા તગડો પગાર મેળવતા સરકારી શિક્ષકોની કામગીરી ચકાસવા માટે ખૂબ જ સારૂ આયોજન ગુજરાત સરકાર ઘ્‍વારા કરવામાં આવેલ છે અને આ મુલ્‍યાંકન થયા બાદ જે તે શાળાઓને ગ્રેડ એ, બી, સી, ડી આપવામાં આવે છે. અને નીચા ગ્રેડમાં આવેલ શાળાઓમાં એકસ્‍ટ્રા કલાસ ચલાવીને શિક્ષણનું સ્‍તર ઉપર લાવવાનો ગુજરાત સરકાર ઘ્‍વારા સરાહનીય પ્રયત્‍ન કરવામાં આવેલ છે. પરંતુ રાજુલામાં આ ગુણોત્‍સવને જાણે તાયફો બનાવી દેવામાં આવેલ હોય તે રીતે આપવામાં આવતા ઓએમઆર શીટ પ્રશ્‍ન જવાબ વહીમાં ખુદ શિક્ષકો વિદ્યાર્થીઓને લખાવતા હોય અને ચકાસણી માટે આવેલ અધિકારીની જાણ બહાર કે પછી આંખ આડા કાન કરતા હોય તે રીતે વિદ્યાર્થીઓને ચોરી શિક્ષકો ઘ્‍વારા કરાવવામાં આવતી હોય અને તેના કારણે ગ્રેડ ઉપર લાવીને શિક્ષકો ઘ્‍વારા વાહવાહી મેળવી લેવામાં આવે છે. તેવું આ બે દિવસીય શાળા ગુણોત્‍સવ પ્રોગ્રામમાંગી જાણવા         મળેલ છે.
બીજી એવી હકીકતો પણ બહાર આવેલ છે કે આ શાળા ગુણોત્‍સવમાં હાજર રહેલા અધિકારીઓશિક્ષણ વિભાગ સિવાયનાં હોય છે. જેથી તેઓને આ ગુણોત્‍સવ વિષે પુરૂ જ્ઞાન હોતું નહી હોવાથી અને પુરી પઘ્‍ધતિ જાણતા નહી હોવાથી શાળાના શિક્ષકો ઘ્‍વારા આવા અધિકારીને કોઈને કોઈ રીતે સાચવી લેવામાં આવે છે અને ગુણોત્‍સવનાં અભિગમને નુકશાન પહોંચાડે છે. જેથી ગુણોત્‍સવમાં નિમવામાં આવતા અધિકારીઓને ગુણોત્‍સવની ચકાસણી વિશેની પુરતી ટ્રેનીંગ અને સમજણ આપવી જોઈએ. જેથી તેવો પુરા ઘ્‍યાનથી શાળાનું મુલ્‍યાંકન કરી શકે છે. પરંતુ આ વખતે તો મોટાભાગની રાજુલાની શાળાઓમાં મુલ્‍યાંકન બરાબર નહી થયું હોવાનું શિક્ષણ આલમમાંથી જાણવા મળેલ છે. જેથી ખૂબ જ કડક રીતે ફરીથી શાળાઓનું મુલ્‍યાંકન કરવાની લોક માંગણી   ઉઠેલ છે.
આમ ઉપરના મુદાઓની સાથે રાજુલામાં શાળા ગુણોત્‍સવનો કાર્યક્રમ યોજાયો હતો. જેમાં વિવિધ વિભાગોનાં અઘ્‍કિારીઓ ઘ્‍વારા  શાળાઓમાં લેખન, ગણન અને વાંચનનું કાગળ પર મુલ્‍યાંકન કરવામાં આવેલ હતુ.
આમ ગુજરાત સરકારના સારા અભિગમ સામે લોકોએ પણ જાગૃતિ દાખવીને સારી રીતે શાળાનું મુલ્‍યાંકન થાય તેવા પ્રયત્‍ન હાથ ધરવા જોઈએ અને શિક્ષકોએ પણ પોતાની ફરજ સારી રીતે પગાર મેળવે છે તેટલી અદા કરીને લોકોના ઋણમાંથી મુકત થવું જોઈએ.