Main Menu

ગાંધીનાં ગુજરાતમાં વિદેશીદારૂનાં કારખાનાનો ધમધમાટ

અહો આશ્ચર્યમ્‌ : જીરામાંથી વિદેશીદારૂની ફેકટરી ઝડપાઈ
પોલીસે રૂપિયા 4.14 લાખનો મુદ્‌ામાલ કબ્‍જેકરતાં સમગ્ર જિલ્‍લામાં ચકચાર
અમરેલી, તા. રર
મહાત્‍મા ગાંધીના ગુજરાતમાં આમ તો દારૂબંધી કાયદો અમલી છે. ભાજપ સરકાર બુટલેગરોને સીધા દોર કરવાની ગુલબાંગો ફેંકી રહી છે અને બીજી તરફ વિદેશીદારૂનું વેચાણ-સેવન તો ઠીક પરંતુ વિદેશીદારૂની બનાવટ શરૂ થતાં ભારે ચકચાર મચી ગઈ છે.
વિગત એવા પ્રકારની છે કે, ગઈકાલે અમરેલી એલસીબી પોલીસ ઈન્‍સ્‍પેકટર એ.પી. પટેલને બાતમીરાહે હકીકત મળેલ કે, ધારી તાલુકાના જીરા ગામની આથમણી સીમમાં આવેલ વાડીએ હરિયાણા બનાવટનો ડુપ્‍લીકેટ ઈંગ્‍લીશ દારૂ બનાવી વેચે છે તેવી ચોકકસ બાતમી મળતાં અમરેલી એલસીબી સ્‍ટાફ સાથે બાતમી વાળી જગ્‍યાએ રેઈડ કરતાં જીરા ગામની રાણાળો તરીકે ઓળખાતી આથમણી સીમમાં બાતમી વાળી જગ્‍યાએ અનિરૂઘ્‍ધભાઈ અમકુભાઈ વાળાની વાડીએથી ડુપ્‍લીકેટ ઈંગ્‍લીશ દારૂની ફેકટરી મળી આવેલ હતી. જેમાં હરિયાણા બનાવટની રોયલ સ્‍ટેગ કલાસીક વ્‍હીસ્‍કી લખેલ ડુપ્‍લીકેટ દારૂ ભરેલ બોટલ નંગ-1380 કિંમત રૂા. 4,14,000 તથા દારૂની બોટલો ભરવા માટેના ખાલી ખોખા, રોયલ સ્‍ટેગ કલાસીક વ્‍હીસ્‍કીના સ્‍ટીકર, બોટલ ઉપર મારવાના પ્‍લાસ્‍ટીકના ઢાંકણા, ઢાંકણા ઉપર મારવાના સીલના સ્‍ટીકર, મીનરલ વોટરની બોટલો, વ્‍હીસ્‍કી ભરવા માટેની ખાલી બોટલો તથા અન્‍ય સાધન સામગ્રી મળી કુલ રૂા. 4,1પ,ર00નો પ્રોહીમુદામાલ મળી આવતાં તમામ મુદામાલ કબ્‍જે કરેલ છે. અને વાડી માલિક અનિરૂઘ્‍ધભાઈ અમકુભાઈ વાળા રહે. જીરાવાળો વાડીએ હાજર મળી આવેલ ન હોય તેના વિરૂઘ્‍ધ પ્રોહિબીશન ધારા તળે ધોરણસર કાર્યવાહી હાથ ધરેલ છે. તથા તેને હસ્‍તગત કરવા ચક્રો ગતિમાન કરેલ છે. આરોપી પકડાયા પછી અહીં કેટલા સમયથી ડુપ્‍લીકેટ દારૂ બનાવવામાં આવતો હતો અને કોને કોને સપ્‍લાય કરવામાં આવતો હતો તેની વિગતો ઉપરથી પરદો ઉંચકાશે.
આ કામગીરી એલસીબી સ્‍ટાફના અબ્‍દલુભાઈ સમા, પ્રફુલ્‍લભાઈ જાની, સંજયભાઈ પદમાણી, ધર્મેન્‍દ્રરાવ પવાર, બાબુભાઈ ડેર, ગોવિંદભાઈ પરમાર, વિજયભાઈ ગોહિલ, જયદિપભાઈ ગોહિલ, જાવેદભાઈ ચૌહાણ, ઉમેદભાઈ મહેતા, સુરેશભાઈ ખુમાણ, રાણાભાઈ વરૂ, ભાવેશભાઈ બોરીસાગર, કિશનભાઈ હાડગરડા, મધુભાઈ પોપટ, જગદીશભાઈ ઝણકાત, તુષારભાઈ પાંચાણી, વિજયભાઈ વાઢેર, મયુરભાઈ માંગરોળીયા, ડ્રાઈવર નુરભાઈ સીરમાન, યુવરાજસિંહ ગોહિલ, પ્રતાપભાઈ ડેર વિગેરેએ કરેલ છે.