Main Menu

લીલીયાના કુતાણા ગામે થયેલ  બેવડી હત્‍યાનો બનાવનો ભેદ ઉકેલાયો 

યુવકની લાશને પટારામાં નાંખી દીધી હતી : ચકચાર
અમરેલી તા ર3
             સરકાર બેટી બચાવો, બેટી પઢાવો, પાછળ કરોડો રૂપીયા ખરચી અને દિકરીઓને પ્રોત્‍સાહન પૂરું પાડે છે તેવા સમયે જ અમરેલી જિલ્‍લાના લીલીયા તાલુકાના કુતાણા ગામે ગઈકાલે એક 18વર્ષની યુવતિ પોતાના ભાવિ પતી એકાંતમાં મળે તે વાતને લઈ યુવતીના પરિવાર દ્વારા જ તેમની પુત્રી તથા ભાવિ જમાઈની છરીનાં આડેધડ ઘા મારી બંનેની કરપીણ હત્‍યા કરી નાંખી પુત્રીની લાશ ઘરે લઈ જઈ અને ભાવી જમાઈની લાશને પટારામાં નાંખી દીધી હતી. પોલીસે આ ઘટનાનો ભેદ ગણતરીની કલાકોમાં ઉકેલી નાંખી હત્‍યારાઓ સામે કાર્યવાહી હાથ ધરી હતી.
          આ બનાવમાં પોલીસ સુત્રોમાંથી જાણવા મળતી વિગતો મુજબ સાવર કુંડલા તાલુકાનાં ગાધડકા ગામે રહેતાં રાજુ ઉકાભાઈ કલાણિયા  નામનો 18 વર્ષિય યુવક ગઈ કાલે સાવરકુંડલાના પીઠવડી ગામેથી લીલિયા તાલુકાના કુતાણા ગામે જાનમાં ગયેલ અને તેમની ત્‍યાં તેમની સગાઈ કુતાણા ગામે રહેતી રંજન  મુળુભાઈ  સાથળીયા નામની યુવતિ સાથે થયેલ હોય અને તેણી બાજુનાં મકાનમાં પોતાના ભાવી પતિને મળવા ગયેલી.
આ વાત  કુતાણા ગામે રહેતાં તેણીના પિતા મુળુભાઈ ભગવાનભાઈસાથલીયા,  તથા ભાઈ લાલજી મુળુભાઈ સાથલીયા તથા અજાણ્‍યા ઈસમોએ તે વાતનું મનદુઃખ રાખી ધારદાર હથીયારોથી આડેઘડ ધા મારી કરપીણ હત્‍યા કરી નાંખી હતી.
બાદમાં આરોપીઓ પોતાની પુત્રીનો મૃતદેહ પોતાના ઘરે લઈ ગયા હતાં  જયારે યુવાનના મૃતદેહને આ ઘરનાં એક પટારામાં મુકી દઈ  નાશી ગયા હતા. અને બનાવના સ્‍થળે લોહીના ધાબાં ઉપર ધૂળ નાંખી દીધી હતી. બાદમાં બન્‍ન્‍ેના મુવદેહને લીલીયા દવાખાને લઈ જવાયા હતા.
           આ હત્‍યા કોણે કરી, શા માટે કરી તેની કોઈ જ વિગતો ગઈકાલે મોડી સાંજ સુધી મળી શકી ન હોય, પોલીસ વિભાગના ઉચ્‍ચ અધિકારીઓ ઘટના સ્‍થળે પહોંચી તપાસ હાથ ધરી હતી.
               ત્‍યારે ગઈકાલે મોડી રાત્રિના સમયે પોલીસ તપાસનાં અંતે મૃતક યુવાનનાં પિતા ઉકાભાઈ છગનભાઈ કલાણિયાની ફરિયાદ લઈ આરોપીઓ મુળુભાઈ ભગવાનભાઈ સાથલીયા, લાલજી મૂળૂભાઈ સાથલીયા તથા અજાણ્‍યા ઇસમો સામે હત્‍યા, અને પુરાવાનો નાશ કરવા સબબની ફરિયાદ નોંધી હત્‍યાનો ભેદ ઉકેલી નાખ્‍યો હતો. અને આરોપીને ઝડપી લેવા પોલીસે ઠેરઠેર દરોડા ાડવાની કાર્યવાહી હાથ ધરી છે.