Main Menu

અમરેલી જિલ્‍લામાં ‘‘પદ્માવત” ફિલ્‍મનો વિરોધ

ખાંભામાં રાજપુત સમાજે મામલતદારને આવેદનપત્ર પાઠવ્‍યું
અમરેલી-ખાંભા માર્ગ પર ચકકાજામ કરાતાં બંને બાજુ વાહનોની કતાર લાગી
ફિલ્‍મનાં નિર્માતા સંજયલીલા ભણશાલી વિરૂઘ્‍ધ નારાઓ લાગ્‍યા
ખાંભા, તા. રર
પદમાવત ફિલ્‍મનો ઠેર-ઠેર વિરોધ કરવામાં આવી રહેલ છે ત્‍યારે અમરેલી જીલ્‍લાના ખાંભા શહેરમાં પણ પદમાવત ફિલ્‍મને રીલીઝ કરવાના નિર્ણય સામે વિરોધ કરવામાં આવેલ હતો. રાજપૂત સમાજના લોકોએ મામલતદારને આવેદનપત્ર પણ પાઠવેલ હતું અને સંજયલીલા ભણસાલી ઘ્‍વારા ઈતિહાસ સાથે છેડછાડ કરીને રાજપૂત સમાજની લાગણીઓ દુભાવવાનું હિનકૃત્‍ય કરેલ છે. અને આ ફિલ્‍મ પર આજીવન પ્રતિબંધ મુકવાની માંગણી કરેલ છે. સાથોસાથ મોટી સંખ્‍યામાં રાજપૂત સમાજના લોકો એકઠા થઈ ગયા હતા અને અમરેલી-ખાંભા હાઈવે પર ચકકાજામ કરીને વિરોધ દર્શાવેલ હતો.જેના કારણે 1 કિ.મી. લાંબી વાહનોની કતારો લાગી જવાના દ્રશ્‍યો નિહાળેલ હતા. પદમાવત ફિલ્‍મના નિર્માતા સંજયલીલા ભણશાલીના હાઈ હાઈના નારા લાગ્‍યા હતા અને વાતાવરણમાં ભારે ગરમાવો જોવા મળેલ રહેલ હતો. ફિલ્‍મ પદમાવતના બેન (પ્રતિબંધ)ના નારા સાથે ખાંભા-અમરેલી હાઈવે પર ચકકાજામ થઈ જવા પામેલ હતું. એકાદ કલાક સુધી ચાલેલ આ વિરોધ પ્રદર્શન અને હાઈવે ચકકાજામ થતાં પોલીસ દોડી આવેલ હતી. આ સમય દરમિયાન હાઈવે ઉપર ટાયર સળગાવવાની ઘટના પણ બનેલ હતી. પોલીસે પરિસ્‍થિતિને કાબુમાં લઈને ખડેપગે રહેલ હતી.