Main Menu

અમરેલીમાં લાયન્‍સ કલબ (રોયલ) દ્વારા ખેલ મહાકુંભ ખેલાશે

આજે આખો દિવસ રમશે અમરેલી
અમરેલીમાં લાયન્‍સ કલબ (રોયલ) દ્વારા ખેલ મહાકુંભ ખેલાશે
જિલ્‍લાકક્ષાનાં ખેલકુંભમાં 1100 રમતવીરો ભાગ લેશે
અમરેલી, તા.રર
અમરેલી ખાતે સમગ્ર જિલ્‍લાના રમતવીરોને પ્રોત્‍સાહન પુરૂ પાડવાના શુભ હેતુથી આવતીકાલ મંગળવારના રોજ અત્રેના ચિતલ રોડ ઉપર આવેલ પેવેલીયનના પટાંગણમાં જિલ્‍લા કક્ષાનો ખેલ મહાકુંભનું આયોજન કરવામાં આવેલ છે. આ ખેલ મહાકુંભમાં 1100 જેટલા વિવિધ રમતવીરો ભાગ લઈ અને પોતાનું કૌશલ્‍ય બતાવશે.
આ પ્રસંગે લાયન્‍સ કલબ (રોયલ)ના વડા વસંતભાઈ મોવલીયાએ પત્રકારોને માહિતી આપતા જણાવ્‍યું હતું કે આજના રમતવીરોને પ્રોત્‍સાહન પુરૂ પાડવા તથા અને રમતવીરોમાં રહેલું કૌશલ્‍ય બહાર આવે તે માટે થઈ આવતીકાલે આ ખેલ મહાકુંભનું આયોજન કરવામાં આવેલછે. સાથોસાથ જિલ્‍લાભરની શાળાઓનાં વિદ્યાર્થીઓ દ્વારા ખોખો, હોકી, સ્‍વીમીંગ, વોલીબોલ, ગોળાફેંક જેવી આપણી પરંપરા મુજબની રમતો રમાશે તેમ જણાવ્‍યું હતું.
આવતીકાલે જોગાનું જોગ લાયન્‍સ કલબ (રોયલ)ના વડા વસંતભાઈ મોવલીયાની મેરેજ એનીવર્સરી હોય, રોયલ્‍સ દ્વારા કાર્યક્રમમાં બેવડો આનંદ પ્રસરી   રહયો છે.
આ કાર્યક્રમમાં લાયન્‍સ કલબ (રોયલ)ના તમામ પદાધિકારીઓ ઉપસ્‍થિત રહયા હતા.