Main Menu

રાજુલા-જાફરાબાદ પંથકમાં કોંગી ઉમેદવાર અંબરીશ ડેરને હરાવવાનું ભાજપ માટે નામુમકીન

98-રાજુલા વિધાન સભાની ચૂંટણીને હવે કલાકો ગણાય રહયા છે. ત્‍યારે રાજુલા વિધાનસભામાં ખરાખરીનો જંગ ખેલાઈ રહયો છે. આ જંગ અત્‍યારે કોંગ્રેસના ઉમેદવાર અંબરીશભાઈ ડેર આગળ નીકળી ગયા છે. અને લોકો તેને વિજયી બનાવવા થનગનાટ કરી રહયા છે. ત્‍યારે આજરોજ અંબરીશભાઈ ડેર દ્વારા રાજુલાના વિવિધ વોર્ડમાં અને વિવિધ જ્ઞાતિઓમાં પ્રચાર કાર્ય અને ગૃપ મિટીંગો યોજવામાં આવેલ હતી. જેમાં લોકો દ્વારા ખૂબ જ સારી રીતે આવકાર આપવામાં આવેલ હતો અને સ્‍વયંભૂ રીતે લોકો અંબરીશભાઈ ડેરની સાથે જોડાયેલા છે. તેમજ રાજુલા, ખાંભા અને જાફરાબાદના ગામડાઓમાં પણ ખૂબ જ સારો પ્રતિસાદ મળતા અને લોકો નોટબંધી, જીએસટી અને મોંઘવારીના મામલે તથા પેટ્રોલ-ડિઝલના વધતા જતા ભાવોને કારણે રાજુલા, જાફરાબાદ, ખાંભાના વેપારીઓ અને ખેડૂતોને શીંગ, કપાસના ભાવો નહીં મળતા ખેડૂતો પણ ખૂબ જ પરેશાન છે અને બીજી બાજુ પાટીદારો પણ આ સરકાર દ્વારા થયેલ અત્‍યાચારનોબદલો લેવા કૃતનિશ્‍ચયી બન્‍યા છે અને દલિતો પણ ભાજપથી વિમુખ હોય જેથી તમામ જ્ઞાતિઓ કોંગ્રેસ તરફી હોય આ વખતે ભાજપના ધારાસભ્‍ય હીરાભાઈ સોલંકી ઘરભેગા થઈ જવાના છે તે નિશ્‍ચિત હોય ભાજપની છાવણીમાં સન્‍નાટો છવાયેલો છે. તેમજ રાજુલા, જાફરાબાદમાં ખાંભા હીરાભાઈ સોલંકીની સભાઓમાં ખૂબ જ પાંખી હાજરી જોવા મળી રહેલ છે. જે ઉપરથી લોકો ભ્રમ ભાજપ પ્રત્‍યેથી ભાંગી ગયો હોય હવે તેની હાર નિશ્‍ચિત છે. બીજી મીટીંગમાં મળતી વિગત મુજબ ભાજપ દ્વારા કેટલાક ગામોમાં મીટીંગ યોજવામાં આવેલ. જેમાં કોંગ્રેસના નારા લગાવવામાં આવતા ભાજપના લોકોને ભાગવું પડેલ હતું. આમ લોકો દ્વારા ભાજપ પ્રત્‍યેની નારાજગી ઉડીને આંખે વળગે તેવી છે. રાજુલામાં ર0-ર0 વર્ષથી ધારાસભ્‍ય તરીકે હોવા છતાં લોકોની નારાજગી શા માટે ? આ અંગે લોકો દ્વારા એવું જણાવવામાં આવે છે કે લોકોના કામ થતા ન હોય અને બેરોજગારી ખૂબ જ પ્રમાણમાં હોય જેથી તથા મોંઘવારી જેવા પ્રશ્‍નોને કારણે લોકો ખૂબ જ નારાજ છે. આજરોજ અંબરીશભાઈ ડેર દ્વારા યાદવ ચોક પાસે સમગ્ર આહીર સમાજની મિટીંગનું આયોજન કરવામાં આવેલ હતું. જેમાં મોટી સંખ્‍યામાં આહીર જ્ઞાતિના લોકો જોડાયેલ હતા અને સમગ્ર સમાજે અંબરીશભાઈ ડેરને ટેકો જાહેર કરેલ હતો. આ મિટીંગમાં આહીર સમાજનાઅગ્રણી એવા આર.એચ. હડીયા, બાબુભાઈ જાલંધરા, બાબુભાઈ રામ, માયાભાઈ આહીર, ભુપતભાઈ કાછડ, નરસિંહ આતા, ગાંગાભાઈ વિગેરે મોટી સંખ્‍યામાં લોકો ઉપસ્‍થિત રહયા હતા અને અંબરીશભાઈ ડેરને સંપૂર્ણ ટેકો જાહેર કરવામાં આવેલ હતો. અને જંગી બહુમતી વિજય તરફ આગળ વધી રહયા છે. ત્‍યારે સુરત અને બીજા શહેરોમાંથી અંબરીશભાઈ ડેરના પ્રચાર માટે લોકો રાજુલામાં રવાના થઈ ગયેલ છે અને મોટી સંખ્‍યામાં યુવાનો, આગેવાનો અંબરીશ ડેરના પ્રચારમાં જોડાઈને વિજય નિશ્‍ચિત બનાવેલ છે. આમ, રાજુલામાં ર0 વર્ષના શાસનના અંતની ઘડીઓ ગણાઈ રહેલ છે.