Main Menu

અમરેલી જિલ્‍લામાં ઠેરઠેર ઉભી રાખેલ પોલીસ ચેકપોસ્‍ટથી એક ડઝન જેટલા પીધેલા ઝડપાયા

પ શખ્‍સો દારૂની હેરફેર કરતા ઝડપાતા બુટલેગરોમાં ફફડાટ

અમરેલી, તા. 13 આગામી વિધાનસભાની ચૂંટણીને લઇ કાયદો અને વ્‍યવસ્‍થા વધુ મજબુત કરવા માટે જિલ્‍લા પોલીસ વડા જગદીશ પટેલ દ્વારા ઠેરઠેર ચોકીઓ ઉભી કરી વાહન ચેકીંગ તથા શકમંદોની તપાસ હાથ ધરી છે ત્‍યારે આવી ચેકપોસ્‍ટ ઉપર નશો કરેલા 1ર જેટલા લોકોને ઝડપી લીધા હતા જયારે પ જેટલા ઇસમોને દારૂની હેરફેર કરતા ઝડપી લઇ કાર્યવાહી હાથ ધરી હતી. વડીયા પોલીસ સ્‍ટેશન વિસ્‍તારમાં ચોકી ચાર રસ્‍તા ઉપર ગઇકાલે સવારે પોલીસે વાહન ચેકીંગ હાથ ધરતા ગોંડલ તાલુકાના મોટી ખીલોરી ગામના પ જેટલા ઇસમો નશો કરેલી હાલતમાં નિકળતા પોલીસે તમામને ઝડપી લઇ કાયદેસરની કાર્યવાહી હાથ ધરી હતી. આ ઉપરાંત બગસરા, ખાંભા, સાવરકુંડલા, લાઠી-લીલીયા સહિતના વિસ્‍તારોમાં પોલીસે ઠરેઠેર ચેકીંગ કરી અને નશો કરેલ વધુ 7 ઇસમોને ઝડપી લઇ કાર્યવાહી હાથ ધરી હતી. આ ઉપરાંત દેશીદારૂની હેરફેર કરતા પ જેટલા ઇસમોને પોલીસે ઝડપી લઇ કાયદેસરની કાર્યવાહી હાથ ધરતા નશો કરવાની તથા દારૂની હેરફેર કરવાનો વ્‍યવસાય કરતા ઇસમોમાં ભારે ફફડાટ ફેલાયો છે.