Main Menu

ધારીનાં ખોડીયાર જળાશયમાં ડૂબી જવાથી અને જરખીયામાં ઝેરી દવા પીવાથી ખેડૂતનું મૃત્‍યુ

અમરેલી, તા.13 અમરેલીના ધારી તથા જરખીયા ગામે બે અલગ અલગ બનાવમાં બે ખેડૂતોના અપમૃત્‍યુના બે બનાવો પોલીસ ચોપડે નોંધાયા છે. જેમાં ધારી નજીક આવેલ ખોડીયાર ડેમમાં અકસ્‍માતે પડી જતા આધેડ ખેડૂતનું મૃત્‍યુ નિપજયું હતું.જયારે જરખીયા ગામે ભૂલથી ઝેરી દવાવાળા વાટકામાં પાણી ભરીને પી લેતા ખેડૂત યુવકનું મૃત્‍યુ નિપજયું હતું. આ બનાવમાં ધારી તાલુકાના મોરજર ગામે રહેતા અને ખેતી કામ કરતાા ભોળાભાઈ શંભુભાઈ ભેસાણીયા નામના પર વર્ષીય ખેડૂત ગઈકાલે સાંજના સમયે ધારી નજીક આવેલખોડીયાર ડેમના પાળા ઉપર ચાલીને જતા હતા ત્‍યારે અકસ્‍માતે આ આધેડ ખેડૂતનો પગ પાળા ઉપરથી લપસીને પડતા તેઓ પાણી ભરેલા ડેમમાં પડી જતા તેમનું પાણીમાં ડૂબી જવાથી મૃત્‍યુ થયાનું ધારી પોલીસમાં રમણીકભાઈ ધનજીભાઈ ભેસાણીયાએ જાહેર કર્યું છે. જયારે બીજા બનાવમાં લાઠી તાલુકાના જરખીયા ગામે રહેતા અને ખેતીકામ કરતા હકુભાઈ સામંતભાઈ ડેર નામના 3પ વર્ષીય ખેડૂત ગત તા.9ના રોજ બપોરે પોતાની વાડીએ વાવેલા કપાસમાં દવાનો છંટકાવ કરવા માટે વાટકામાં દવા ભરી અને પંપમાં નાખી હતી. અને તે જ ઝેરી દવાવાળા વાટકા વડે પોતે તેમાં પાણી ભરીને પી લેતાં તેમને ઝેરી અસર થઈ જતાં અત્રેની સરકારી દવાખાને સારવાર માટે ખસેડાયા હતા. જયાંથી વધુ સારવાર માટે ખાનગી દવાખાને ખસેડાતા તેમનું સારવાર દરમિયાન મૃત્‍યુ થયાનું લાઠી પોલીસમાં જાહેર થવા પામેલ છે.