Main Menu

સાવરકુંડલા પંથકમાં બાઈક ચોરીની હારમાળા સર્જનારને ઝડપી લેવાયો

સાવરકુંડલા, તા. 13 સાવરકુંડલા શહેર સહિત ગ્રામ્‍ય વિસ્‍તારોમાં બાઈક તસ્‍કરે તરખાટ મચાવી દીધો હતો. અને કોઈને કોઈ ગામમાંથી બાઈક ચોરાઈ જતા હતા તેથી બાઈક ચાલકોમાં ફફડાટ વ્‍યાપી ગયો હતો. જેને લઈને સાવરકુંડલા સીટી પી.આઈ. એ.બી. પટેલે ડી સ્‍ટાફને બાઈકચોરને પકડવા સૂચના આપતાં ડી સ્‍ટાફ ર્ેારા શકમંદઈસમોને પુછપરછનો દોર ચાલુ કરવામાં આવેલ. જે દરમ્‍યાન તા. 1ર/11 રવિવારનાં રોજ સાવરકુંડલાની નાવલી નદિ બજારમાંથી તાલુકાનાં પીઠવડી ગામનો ભાયલાલ નાગજીભાઈ મકવાણા નામનો શખસ શકમંદ હાલતમાં પસાર થતા પોલીસ ર્ેારા અટકાવી પુછપરછ કરતાં મજુર શખ્‍સ ગલ્‍લા-તલ્‍લા કરવા લાગેલ. જેથી શંકા વધુ મજબુત થતા પોલીસે લાલ આંખ કરતા જ આરોપીએ ખુટવડા, લીલીયા, પીયાવા અને સાવરકુંડલાથી જુદી જુદી જગ્‍યાએથી પાંચ બાઈક ઉઠાવી લીધાનું કબુલી લેતા ડી સ્‍ટાફનાં, મયુરભાઈ માંગરોળીયા, પીયુષભાઈ ઠાકર, હિંગરાજસિંહ ગોહિલ, દેવુભા અને પી.એસ.આઈ. ર્ેારા પાંચેય બાઈકનો કબ્‍જો લઈ આગળની કાર્યવાહી હાથ ધરી છે. બાઈકચોર જડપાઈ જતા શહેરીજનોમાં હાશકારો થયો છે. બાઈકચોરને પકડી પાડતાં પી.આઈ. એ.બી. પટેલે ડી સ્‍ટાફને અભિનંદન આપ્‍યા હતા.