Main Menu

ટીંબી, પીઠવડી તથા વંડા ખાતેની 3 ઘરફોડ ચોરીનો ભેદ ઉકેલતીએલસીબી

તસ્‍કરરાજ સામે પોલીસની લાલ આંખ

ટીંબી, પીઠવડી તથા વંડા ખાતેની 3 ઘરફોડ ચોરીનો ભેદ ઉકેલતીએલસીબી

અમરેલી, તા. 13 આજરોજ અમરેલી એલ.સી.બી. પોલીસ ઈન્‍સ. એ.પી. પટેલની રાહબરી નીચે એલ.સી.બી. ટીમ રાજુલા ટાઉન વિસ્‍તારમાં પેટ્રોલીંગમાં હતા અને પેટ્રોલીંગ દરમ્‍યાન રાજુલાના તુલસીબાગમાંથી બે શંકાસ્‍પદ ઈસમો મળી આવતાં અને તેમની પાસેથી એક શાર્પ કંપનીનું મોટુ એલ.ઈ.ડી. ટી.વી. તથા એક ગોલ્‍ડન કલરનો સેમસંગ કંપનીનો મોબાઈલ ફોન હોય જે બન્‍ને વસ્‍તુઓ શંકાસ્‍પદ જણાતાં આ બંને ઈસમોની પુછપરછ હાથ ધરતાં તેમના નામ (1) જીલુભાઈ ઉર્ફે દીલુભાઈ ડાયાભાઈ ચારોલીયા, ઉ.વ. 3પ, રહે. ગાધકડા, તા. સાવરકુંડલા તથા (ર) દેવાયતભાઈ સગરામભાઈ ચારોલીયા, ઉ.વ. 40, રહે. વડલી, તા. મહુવા, જી. ભાવનગર વાળા હોવાનું જાણવા મળેલ. અને તેમની પાસેથી મળી આવેલ ટીવી અને મોબાઈલ ફોન અંગે બંને ઈસમોની પુછપરછ કરતાં અને તેમની પાસેથી મળેલ વસ્‍તુ અંગે આધાર પુરાવો અને બીલ હોય તો રજુ કરવાનું કહેતાં પહેલાં બંને ઈસમો ગલ્‍લા-તલ્‍લા કરવા લાગેલ અને કોઈ સંતોષકારક જવાબ આપતા ન હોય વધુ શંકા જતાં તેમની સઘન પુછપરછ કરતાં આ ઉપરોકત બન્‍ને ઈસમો તથા તેના મિત્ર નરેશભાઈ કેશુભાઈ દેવીપુજક, રહે. વિજપડી વાળાએ જીલુભાઈ ડાયાભાઈ ચારોલીયાના ટાટા 407 વાહનનો ઉપયોગ કરી ત્રણેય ઈસમો ભેગા થઈ આ મોબાઈલ ફોન તથા એલ.ઈ.ડી. ટી.વી.તેમણે આશરે બે મહીના પહેલા ટીંબી ગામે એક બંધ મકાનમાંથી સોના ચાંદીના દાગીનાની ચોરી કરેલ અને તેજ અરસામાં વંડા મુકામેથી બંધ મકાનના નકુચા તોડી સોના ચાંદીના દાગીનાની ચોરી કરેલાની પણ કબુલાત આપતાં આ અંગે તપાસ કરતાં નાગેશ્રી, સાવરકુંડલા રૂરલ તથા વંડા પોલીસ સ્‍ટેશનમાં ઘરફોડ ચોરીના ગુન્‍હાઓ રજી. થયેલ હોય અને આ મળી આવેલ મુદ્યામાલ મોબાઈલ ફોન તથા એલ.ઈ.ડી. ટી.વી. ચોરીનો મુદ્યામાલ હોવાનું જણાતું હોય જે મુદ્યામાલની કુલ કિ.રૂા.47,900 નો ગણી શકપડતી મિલકત તરીકે કબજે કરી ચોરી કરનાર બંને ઈસમોને ચોરીના મુદ્યામાલ સહિત રાજુલા પોલીસ સ્‍ટેશન હવાલે કરેલ છે. આમ, નાગેશ્રીના ટીંબી, સાવરકુંડલાના પિઠવડી અને વંડા મુકામે થયેલ ઘરફોડ ચોરીઓનો ભેદ ઉકેલવામાં અમરેલી એલ.સી.બી.એ સફળતા મેળવેલ છે.