Main Menu

‘રાહુલ ગાંધીએ માતાજી સમક્ષ ‘જનતાનું ભલુ કરવાની પ્રાર્થના કરી’

કોંગ્રેસ સમિતિના ઉપાઘ્‍યક્ષ રાહુલ ગાંધીની ત્રીજા દિવસે સોમવારે પાટણમાં કાલિકામૈયા અને વીરમાયાના દર્શન, 9-30 વાગે રાણકી વાવ, 10 વાગે દલિત સમાજના આગેવાનો સાથે બેઠક યોજી હતી. પાટણના હારિજમાં રાહુલ ગાંધીએ મદારીના ખેલ જોયા અને મદારીની જાદુગરી પણ નીહાળી. રાહુલે મદારીને 1 રૂપિયો આપ્‍યો અને મદારીએ જાદુ કરી રૂપિયો ગાયબ કર્યો. મદારીની જાદુગરીથી રાહુલે તરત જ નોટબંધીને લઈને મોદી પર જ કટાક્ષ કરતા જણાવ્‍યું હતું કે, પીએમ મોદી પણ જાદુગર છે અને ગુજરાતમાં રર વર્ષથી જાદુ કરી રહ્યા છે. તમે રુપિયા નાંખો છો અને મોદી રુપિયા ગાયબ કરી નાંખે છે. નોટબંધી અનેજીએસટી મુદ્‌ે ભાજપ પર કટાક્ષ કરતાં જણાવ્‍યું હતું કે,  ભાજપ દ્વારા નોટબંધી કરી ત્‍યારે લાખો લોકો નોટો બદલવા લાઈનમાં ઉભા રહ્યાં હતા જયારે ભાજપવાળા પાછલા બારણે નોટો બદલીને કાળા નાણાંને ધોળા કર્યા હતા. કોંગ્રેસ બદલાની રાજનિતી નહીં પરંતુ બદલાવની રાજનિતી કરે છે. પાટણમાં રાહુલ ગાંધીનો દલિત સ્‍વાધિકાર સંવાદ કાર્યક્રમનું આયોજન કરવામાં આવ્‍યુ, જેમાં મોટી સંખ્‍યામાં દલિત સમાજના લોકો હાજર રહ્યા. જયાં દલિત સમાજના લોકો સાથે વાતચીત કરી અને તેમની સમસ્‍યાઓ સાંભળી હતી. જે દરમિયાન રાહુલ ગાંધીએ જણાવ્‍યું હતું કે, ગુજરાતમાં થયેલા શિક્ષણના ખાનગીકરણના કારણે દલિતો અને વંચિતોને મોટુ નુકસાન થયું છે.  જો કોંગ્રેસની સરકાર બનશે તો અમારી સરકાર દલિતોનું શોષણ કરતા લોકોને સખત સજા આપશે. અને અમે અમારી સરકારમાં તેવો મુખ્‍યમંત્રી બનાવીશું જે સેપ્રથમ તેના કામોનું નિરાકરણ લાવે તે દલિતોના હિતમાં હોય. અખિલ ભારતીય કોંગ્રેસ સમિતિના ઉપાઘ્‍યક્ષ રાહુલ ગાંધીએ પાટણ ખાતે પત્રકારોના સવાલના જવાબ આપતા કહ્યું હતું કે હું શિવભક્‍તત છું, સચ્‍ચાઈ પર વિશ્વાસ રાખું છું. ભાજપને જે બોલવું હોય તે બોલે, હું મારી સાચી વાત પર વિશ્વાસ રાખું છું. પાટણના બોરટવાડાની મુલાકાત લીધી હતી. જયાં મોટી સંખ્‍યામાં લોકો ઉપસ્‍થિતરહ્યા હતા. રાહુલે ગાંધીએ મોટી સંખ્‍યામાં એક્‍ઠા થયેલા લોકોનું અભિવાદન ઝિલ્‍યું હતું અને મહિલાઓ સાથે સંવાદ કર્યો હતો. યુવાનો સાથે સેલ્‍ફી લીધી હતી. અખિલ ભારતીય કોંગ્રેસ સમિતિના ઉપાઘ્‍યક્ષ રાહુલ ગાંધીએ મા બહુચરાજી મંદિરના દર્શન શ્રી ખોડિયારના દર્શન ‘જનતાનું ભલું કરવાની પ્રાર્થના‘ કરી હતીઅને પૂજારીના હાથે પ્રસાદ લીધો હતો. ત્‍યારબાદ પૂજારી દ્વારા તેમને માતાજીની તસ્‍વીર તેમજ સાલ ભેટ આપી હતી.



« (Previous News)