Main Menu

Friday, November 30th, 2018

 

તાતણીયા ગામે બંધ રહેણાંક મકાનમાંથીરૂા. 1.3પ લાખનાં મુદ્યામાલની ચોરી

 

રોકડ રૂા. 7પ હજાર તથા સોનાના ચેઈન તસ્‍કરો ઉઠાવી ગયા

અમરેલી, તા.ર9

ખાંભા તાલુકાના તાતણીયા ગામના વતની અને હાલ અમદાવાદ ખાતે રહેતા કાળુભાઈ નાનજીભાઈ મારૂ નામના પપ વર્ષીય કડીયાકામ કરતા કારીગર છેલ્‍લા 8 માસથી અમદાવાદ રહેવા જતા રહેલ હતા ત્‍યારે ગત તા.6/11થી તા.ર6/11ના સમયગાળા દરમિયાન કોઈ અજાણ્‍યા તસ્‍કરોએ બંધ મકાનની દિવાલ ઠેકી રૂમનું તાળુ તોડી રૂમની અંદર રાખેલ કબાટનો નકુચો તોડી ઘરમાં રાખેલ રોકડ રકમ રૂા. 7પ હજાર તથા સોનાના ચેઈન નંગ-ર કિંમત રૂા.60 હજાર મળી કુલ રૂા. 1,3પ,000ના મુદામાલની ચોરી કરી લઈ ગયાની ફરિયાદ ખાંભા પોલીસમાં નોંધાઈ છે.


હદ થઈ : નિવૃત્ત શિક્ષિકાને તેના દીકરાએ માર મારતા ફરિયાદ

હદ થઈ : નિવૃત્ત શિક્ષિકાને તેના દીકરાએ માર મારતા ફરિયાદ

અમરેલી, તા. ર9

અમરેલી ચકકરગઢ રોડ અમૃતનગરમાં રહેતાં નિવૃત શિક્ષિકાએ પોતાના દીકરા ઉપર માર મારવાની ફરિયાદ નોંધાવી હોવાની ઘટના સામે આવી છે.

પોલીસ સુત્રોમાંથી જાણવા મળતી વિગત અનુસાર તા. ર6નાં સવારે 11-30 વાગ્‍યે ચકકરગઢ રોડ અમૃતનગર શેરી નં. 1માં રહેતાં મંજુલાબેન કાનજીભાઈ માલનીયા (ઉ.વ. 61) નિવૃત શિક્ષકે તેમના દીકરા મેહુલભાઈ બાબુભાઈ સેદડિયા વિરૂઘ્‍ધ પોતાને માર મારવાની ફરિયાદ નોંધાવી છે.

અમરેલીના ચકકરગઢ રોડ અમૃતનગરખાતે સાથે રહેતા દીકરા મેહુલભાઈ પોતાના ચશ્‍મા આવ્‍યા હતા જે નહીં મળતા તેણે કાગળ કયાં છે ? તેમ કહી એકદમ ઉશ્‍કેરાઈ ગયો હતો તેમજ મામા રમેશના ઘરે તુ શું કામ ગઈ હતી ? તેમ કહી મને આડેધડ                         ઢીકાપાટુથી તથા છાશ વલોવાનું બ્‍લેન્‍ડર વડે તેણીના મોઢાનાં ભાગે તથા નાકના ભાગે મારી હથિયાર મારી ગુનો કર્યો હતો. આ બાબતે મંજુલાબેન કાનજીભાઈ માલનીયા (ઉ.વ. 61) નિવૃત શિક્ષિકાએ અમરેલી સીટી પોલીસ સ્‍ટેશનમાં ફરિયાદ કરી છે. આગળની તપાસ જે.વી. રાઠોડ હેડ કોન્‍સ્‍ટેબલ અમરેલી સીટી પોલીસ સ્‍ટેશન ચલાવી રહૃાાં છે.


બગસરાની તરૂણી કોઈ અજાણ્‍યા શખ્‍સ સાથે જતી રહેતાં ફરિયાદ નોંધાઈ

બગસરાની તરૂણી કોઈ અજાણ્‍યા શખ્‍સ સાથે જતી રહેતાં ફરિયાદ નોંધાઈ

અમરેલી, તા. ર9

બગસરા ગામે રહેતી અને ધો.10માં અભ્‍યાસ કરતી એક 14 વર્ષની તરૂણી સવારે સાયકલ લઈ અને સ્‍કૂલે જવા નિકળ્‍યા બાદ કોઈ અજાણ્‍યો ઈસમ લલચાવી ફોસલાવી અપહરણ કરી લઈ જતાં આ અંગે તરૂણીનાં પિતાએ પોલીસમાં ફરિયાદ નોંધાવી છે.


અમરેલીનાં બિસ્‍માર માર્ગોને લઈને આંદોલનની તૈયારી

કોંગી યુવા અગ્રણી સંદિપ ધાનાણીએ ઉચ્‍ચકક્ષાએ પત્ર પાઠવ્‍યો

અમરેલીનાં બિસ્‍માર માર્ગોને લઈને આંદોલનની તૈયારી

ભૂગર્ભ ગટરનાં લીધે શહેરીજનો છેલ્‍લા પાંચ વર્ષથી નર્કાગારનો સામનો કરી રહૃાા હોય રોષ

અમરેલી, તા. ર9

અમરેલીનાં કોંગી નગરસેવક સંદિપ ધાનાણીએ શહેરીવિકાસ વિભાગનાં સચિવને પત્ર પાઠવેલ છે.

પત્રમાં જણાવેલ છે કે, અમરેલી શહેરમાં ભૂગર્ભ ગટર યોજના અંતર્ગતની કામગીરી છેલ્‍લા પ વર્ષ જેવા સમયથી ચાલી રહેલ છે. આ કામગીરીમાં અમરેલી નગરપાલિકા ર્ેારા અલગ અલગ વિસ્‍તારમાં બનાવવામાં આવેલ નાના મોટા રસ્‍તાઓનું ભંગાણ કરી કંપની ર્ેારા પોતાની કામગીરી ગોકળગાય ગતીએ કરી રહેલ છે. પરંતુ ભંગાણ થયેલ અમરેલી શહેરનાં નાના મોટા પાકા રસ્‍તાઓ મનફાવે તેમ અને મનફાવે ત્‍યાં શહેરનાં નાગરિકોની હલન ચલન તેમજ ટ્રાફીક સમસ્‍યાને અડચણરૂપ થાય તે રીતે નાગરિકોને બાનમાં લઈ કામગીરી કરવામાં આવી રહેલ છે.

વધુમાં જણાવે છે કે, જે વિસ્‍તારનાં ભૂગર્ભ ગટર યોજનાનાં પાઈપો પાકા રસ્‍તાનું ભંગાણ કરી નાખવામાં આવેલ છે. તેમજ નાની મોટી ચેમ્‍બરો બનાવવામાં આવેલ છે. પરંતુ આજદિન સુધી જે વિસ્‍તારમાં આ કામગીરી પૂર્ણ થયેલ છે, ત્‍યાં હજુ સ્‍પષ્‍ટ થતું નથી કે ભૂગર્ભ ગટર યોજનાનું ગટર જોડાણ સદર કંપની કરી આપશે ? કે પછી અમરેલી નગરપાલિકા ર્ેારા નાગરીકોનાં ઘરથી ચેમ્‍બર સુધી જોડાણ કરી આપશે કે પછી શહેરનાં નાગરીકોએ સ્‍વખર્ચે આ જોડાણ કરવાનું રહેશે. આ વાતની સ્‍પષ્‍ટતા હજુ સુધી આપેલ કોન્‍ટ્રાટકર કે નગરપાલિકાના જવાબદાર અધિકારીઓ કરી શકેલ નથી.

વધુમાં જણાવે છે કે, અમરેલીનગરપાલિકા ર્ેારા ભૂગર્ભ ગટર યોજનાની કામગીરી પૂર્વે અંદાજીત 3પ કરોડ જેવી માતબર રકમનાં પાકા આર.સી.સી. રોડ / બ્‍લોક પેવિંગ રોડ બનાવવામાં આવેલ હતા પરંતુ જયારથી આ કામગીરી શહેરમાં ચાલી રહેલ છે, ત્‍યારથી શહેરનાં નાગરીકોનાં નાકે દમ આવી ગયેલ છે. એટલે કે અમરેલી શહેરને જયાં જુઓ ત્‍યાં ધુળ, ડમરી અને ઉબડખાબડ રસ્‍તાઓનું સર્જન કરી શહેરના નાગરીકોની મુશ્‍કેલીમાં પણ વધારો કરેલ છે. જેના કારણે નાના બાળકો તેમજ અબાલ વૃઘ્‍ધ નાગરીકો અવારનવાર ટુવ્‍હીલ, સાયકલની મુસાફરી દરમ્‍યાન તો ઠીક ચાલતા ચાલતા પણ આકસ્‍મિક પડી જવાનાં કારણે આ નાના મોટા ઉબડખાબડ રસ્‍તાઓમાં પડી જવાથી પોતાના હાથ, પગ ભાંગી જવાના કારણે બેહદ શારીરિક પીડા સહન કરેલ છે. સાથે સાથે આર્થિક સંકડામણ પણ ભોગવેલ છે. તો આ રસ્‍તાઓ વ્‍યવસ્‍થિત જેમ હતા તેમ કરવાની જવાબદારી કોની ? ગુજરાત સરકારની, કે પછી આપવામાં આવેલ કોન્‍ટ્રાકટની ? કારણ કે અમરેલી શહેરનાં નાગરીક પ્રથમથીજ આર્થિક સંકડામણનાં હિસાબે પીસાતો આવતો હોય અને તેમાં પણ ભુગર્ભ ગટર યોજનાની આડે ધડ કામગીરીનાં કારણે અનુભવેલ પીડાથી મનમાં ને મનમાં મુંજવણ થઈ અમરેલી શહેર છોડવા કે પછી આજુબાજુનાં વિસ્‍તારમાં એટલે કે નાના ગામડાઓમાં રહેવા મજબુર થઈ રહેલ છે. જેમાંઅમરેલી શહેરમાંથી છેલ્‍લા પાંચ વર્ષ દરમ્‍યાન ઘણા નાગરીકો કાયમ માટે સ્‍થળાંતર કરી ગયેલ છે. આ સ્‍થળાંતરનાં જવાબદાર કોણ ?

વધુમાં જણાવે છે કે ભુગર્ભ ગટર યોજનાનાં કારણે શહેરનાં પાકા રસ્‍તાઓનું ભંગાણ કરી ધુળ, ડમરીનું સામ્રાજય રચી, ઉબડખાબડ રસ્‍તાઓનું સર્જન કરી નાગરીકોની મુશ્‍કેલીમાં વધારો કરેલ છે. તેમજ ભુગર્ભ ગટર યોજનાનું જોડાણ કરી કાર્યરત કરવા અને જે નાગરીકોનાં ભાગ્‍યમાં અપાર પીડા સહન કરવામાં આવેલ છે, તેની સંપૂર્ણ જવાબદારી નક્કી કરી સંબંધકર્તા, અધિકારી, પદાધિકારી, કોન્‍ટ્રાકટરને દિન-10માં તાત્‍કાલિક ધોરણે હુકમ કરવા નહી તો શહેરનાં તમામ નાગરીકોને ઉકત કામગીરી સંદર્ભમાં ભોગવેલ પીડા બાબતે સમજુત કરી ઉગ્ર આંદોલન ઉપવાસ, ધરણા, રેલીનું આયોજન કરી રોડ રસ્‍તાને ચક્કાજામ કરવામાં જેની અત્‍યંત ગંભીર નોંધ લેવા અંતમાં જણાવેલ છે.


શેત્રુંજી નદીમાંથી કરોડો રૂપિયાની રેતીની ચોરી ?

જિલ્‍લા હિત રક્ષક સમિતિએ મુખ્‍યમંત્રીને પત્ર પાઠવ્‍યો

શેત્રુંજી નદીમાંથી કરોડો રૂપિયાની રેતીની ચોરી ?

નદીમાંથી રેતી ઉપાડવા પર પ્રતિબંધ હોવા છતાં પણ ખુલ્‍લેઆમ રેતી ચોરી થઈ રહી છે

સ્‍થાનિક પોલીસ અને ખાણ-ખનીજ વિભાગની મીઠ્ઠી નજર હોવાનો પણ કર્યો આક્ષેપ

અમરેલી, તા. ર9

અમરેલી જિલ્‍લા હિત રક્ષક સમિતિના કન્‍વીનર દિપકભાઈ માધડ ઘ્‍વારા રાજયના મુખ્‍યમંત્રી વિજયભાઈ રૂપાણીને પત્ર લખી અમરેલી શેત્રુંજી નદીમાંથી અમરેલી તાલુકા પોલીસ અધિકારી અને ખાણ-ખનીજ અધિકારીની હપ્‍તા પઘ્‍ધતિથી બેફામ ખનીજ ચોરી થઈ રહી હોવાનું જણાવવામાં આવેલ છે.

વિશેષમાં જણાવવાનું કે, અમરેલીની શેત્રુંજી નદીમાંથી રેતી ઉઠાવવા પર પ્રતિબંધ હોવા છતાં લાખો ટન રેતીની ચોરી થઈ છે અને હાલ પણ ડમ્‍પરો તથા ટ્રેકટરો મારફત રેતીની ચોરી તંત્રની મીલીભગતથી થઈ રહી છે. આ નદીમાંથી કરોડોની ખનીજ ચોરી  લાખો ટન રેતી ઉપડી ગઈ છે તેના માટે જવાબદાર કોણ ? હાલ પ્રતિબંધિત વિસ્‍તાર હોવા છતાં બેરોકટોક આખી રાત રેતીની ચોરી થઈ રહીછે. જેમાં તંત્ર ઘ્‍વારા ચોકકસ મદદથી હપ્‍તા ઉઘરાવી ચોરી કરવા માટે પ્રોત્‍સાહિત કરવામાં આવે છે. ખરેખર શેત્રુંજી નદીનું સર્વે કરવામાં આવે તો લાખો ટન રેતીની ચોરી થઈ છે તેના જવાબદાર સામે કાર્યવાહી કરી કરોડોની ખનીજ ચોરી માટે જવાબદાર અધિકારી સામે કાર્યવાહી કરી, સસ્‍પેન્‍ડ કરી તેની જવાબદારી નકકી કરી વળતર માટે જવાબદારી નકકી કરવા રજુઆત કરવામાં      આવી છે.


અમરેલીમાં ટીવીનાં ખેડૂતલક્ષી કાર્યક્રમમાં ભાજપનાં એકપણ ખેડૂત આગેવાનો હાજર ન રહૃાા

ભાજપ સરકાર ખેડૂતલક્ષી કામગીરીમાં નિષ્‍ફળ નીવડી છે

અમરેલીમાં ટીવીનાં ખેડૂતલક્ષી કાર્યક્રમમાં ભાજપનાં એકપણ ખેડૂત આગેવાનો હાજર ન રહૃાા

આંત્તરરાષ્‍ટ્રીય હિન્‍દુ પરિષદનાં ડો. જી.જે. ગજેરાનું નિવેદન

અમરેલી, તા.ર9

તાજેતરમાં ટી.વી. ઉપર અમરેલીના ભાજપા અને કોંગ્રેસના આગેવાનો વચ્‍ચે રાજકીય ચર્ચા બતાવવામાં આવી. આ ચર્ચામાં ખેડૂતોના પ્રશ્‍નો અને મુશ્‍કેલીઓ વિશે પણ ચર્ચા થઈ. આમાં ભાજપાના આગેવાને સરકાર ખેડૂતતરફી છે એવી વાત કરીને દલીલો કરી. જે વ્‍યકિતએ ખેતરનો શેઢો કોને કહેવાય, જેણે કદી ખેતરનો શેઢો જોયેલો પણ નહીં હોય તેણે દલીલો કરી. ભાજપને આ ચર્ચા કરવા કોઈ ખેડૂત આગેવાન ન મળ્‍યા ? જો ખરેખર તેને ખેડૂતોની ચિંતા હોય તો સરકારમાં રજૂઆત કરીને ખેડૂતોનાં પ્રશ્‍નો ઉકેલ્‍યા હોત. આજે ગામડાના ખેડૂતો આપઘાત કરી રહયાછે, પાક વીમો મળતો નથી, ખેતપેદાશોના ભાવો મુળ ઉત્‍પાદન ખર્ચ કરતા પણ નીચા મળે છે, પીયત માટે પાણી મળતું નથી, ખેડૂત દેવામાં ડુબી ગયેલ છે. વગેરે જેવા અનેક પ્રશ્‍નોના જવાબ તેઓ આપી શકયા નહીં. આ આગેવાન બીજુ કાંઈ ન કરે તો કાંઈ નહીં પરંતુ અમરેલી તાલુકાની સાંતલી ડેમ યોજના કે જે કેટલાયે વર્ષોથી લટકે છે તે ડેમની કાર્યવાહી કરીને ડેમ બનાવે તો પણ ઘણું પરંતુ સરકારને ખેડૂતોના હિત જોવાના બદલે બધી જ બાબતોમાં ખેડૂતો કેમ હેરાન થાય તે જ જોવાની નીતિ રહી છે. એને લીધે જ સરકાર ચૂંટણીમાં માર ખાઈ રહી છે. ખરેખર સરકારે ખેડૂતોને કઈ રીતે પોષણક્ષમ ભાવ મળે, સ્‍વામીનાથન આયોગની ભલામણ મુજબ કુલ ખર્ચના દોઢગણા ભાવ     મળે, સિંચાઈ માટે પુરતુ પાણી મળી રહે, ખાતર યોગ્‍ય સમયે વ્‍યાજબી ભાવે મળી રહે તેવું આયોજન કરવું જોઈએ. જો સરકાર આ બાબતો ઉપર ઘ્‍યાન નહીં આપે તો આવતી ચૂંટણીમાં પણ ગઈ ચૂંટણી જેવો જ માર સહન કરવો પડશે તે પણ હકીકત છે. તેમ આંતરરાષ્‍ટ્રીય હિન્‍દુ પરિષદના ડો. જી.જે. ગજેરાએ અંતમાં જણાવેલ છે.


ધારીમાં ગરીબ લાભાર્થીઓને ગ્રામપંચાયત દ્વારા સનદ વિતરણ

સ્‍થળ પર જ સોગંદનામા કરાવી આપ્‍યાં

ધારી, તા.ર9

ધારી ગામમાં વસતા ગરીબ લાભાર્થીઓને સરકાર દ્વારા મફતપ્‍લોટ ફાળવવામાં આવ્‍યા છે. જેની સનદ અને કબ્‍જા પાવતીનું વિતરણ ગ્રામ પંચાયત કચેરીના પરિસરમાં કરવામાં આવેલ કુલ 79 લાભાર્થીઓને આ મફત પ્‍લોટનો લાભ મળવા જઈ રહયો છે. ત્‍યારે લાભાર્થીઓના મુખ પર ઘરના ઘરનું સપનું પુરૂં થયાનો અહેસાસ તેમજ હરખ ઉડીને આંખે વળગતો હતો.

ધારી ગામમાં જગ્‍યાન હોવાથી ગરીબો માટેના મફત પ્‍લોટ સ્‍થાનિક રેવન્‍યુ તાબના હરિપરાના પરા એવા હિમખીમડીમાં આવેલા સર્વે નંબરમાં કલેકટર દ્વારા ફાળવવામાં આવેલ જે બાબતે હરિપરા ગ્રામપંચાયતે હાઈકોર્ટમાં પડકારી ત્‍યાં પ્‍લોટ ન ફાળવવામાં આવે તેવી દાદ માંગેલ જેની સામે સરપંચ જીતુભાઈ જોશીએ અને તેમની પંચાયતની ટીમ દ્વારા લડત ચલાવી કોર્ટનું જજમેન્‍ટ ધારી ગ્રામ પંચાયતના ફેવરમાં આવે તેવી સતત જહેમત ઉઠાવેલ જેના ફળ સ્‍વરૂપે હવે ગરીબોને પોતાના ઘરના ઘરનું સપનું પુરૂં થવા જઈ રહયું છે.


અમરેલીમાં પોલીસ હેડકવાર્ટરની શાળામાં ‘‘આરોગ્‍યલક્ષી” કાર્યક્રમ યોજાયો    

સરકારનાં આરોગ્‍ય શાખા ર્ેારા દર વર્ષે શાળા આરોગ્‍યનાં કાર્યક્રમો યોજી બાળકોની તંદુરસ્‍તી માટે શારીરિક ચેકઅપ કરી નિદાન અને સારવાર આપે છે. ર7 નવેમ્‍બર ર018 નાં દિવસે ન.પ્રા. પોલિસલાઈન શાળા અમરેલીમાં શાળા આરોગ્‍ય, રાષ્‍ટ્રિય બાળસ્‍વાસ્‍થ્‍ય કાર્યક્રમનું આયોજન કરવામાં આવેલું. આ કાર્યમાં ડી.ડી.ઓ. ડોબરીયા, પ્રાંત અધિકારીસતાણી, જિલ્‍લા આરોગ્‍ય અધિકારી એચ. એફ. પટેલ તથા જે. એચ. પટેલ તથા ન.પ્રા. શિક્ષણ સમિતિનાં ચેરમેન જે. પી. સોજીત્રા, શાસનાધિકારી એમ. ડી. ચુડાસમા, સદસ્‍ય અમીનભાઈ તાલુકા હેલ્‍થ ઓફિસર આર. કે. સિન્‍હા, મેડિકલ ઓફિસર ડો. ક્રિષ્‍નાબેન ખુંટ તથા ડો. દિવ્‍યાબહેન, સી.ડી.પી.ઓ. સુપરવાઈઝર જયશ્રીબહેન તથા હેલ્‍થ સ્‍ટાફ, શિક્ષકગણ, વાલીઓ અને શાળાનાં તમામ બાળકો સામેલ થયેલા. આ કાર્યક્રમની શરૂઆત શાળાની નિયત પ્રાર્થના કાર્યક્રમથી કરવામાં આવેલી. મહેમાનોનું શબ્‍દોથી સ્‍વાગત શાળાનાં આચાર્ય આશાબહેન પી. ચાવડાએ કરેલું તથા પુષ્‍પગુચ્‍છ આપી શાળાનાં બાળકોએ કરેલંું. મહેમાનોનાં વરદ હસ્‍તે દિપ પ્રાગટયકરવામાં આવ્‍યું. ત્‍યાર બાદ મેડિકલ ઓફિસર ડો. ક્રિષ્‍નાબેને કાર્યક્રમ વિષયનું પ્રારંભિક પ્રવચન આપ્‍યું તેમજ વિસ્‍તૃત માહિતી ડી.ડી.ઓ. અને આરોગ્‍ય અધિકારીએ સુંદર શૈલીમાં આપી. જેમાં નિરોગી રહેવાની ટીપ્‍સ પણ આપી હતી. આ સમગ્ર કાર્યક્રમનું સંચાલન શાળાનાં બાળકો ર્ેારા કરવામાં આવેલું. યોગાનુયોગ શિક્ષણ સમિતિનાં ચેરમેન જે. પી. સોજીત્રાનો જન્‍મદિવસ હોય તેઓને બાળકોએ જન્‍મદિવસની શુભેચ્‍છા આપી અને જે. પી. તરફથી ચોકલેટ વિતરણ કરાયેલું. અંતમાં મહેમાનોનાં વરદ હસ્‍તે વૃક્ષારોપણ કરવામાં આવ્‍યું. શાળા આરોગ્‍ય ઉદઘાટન કાર્યક્રમમાં ઉપસ્‍થિત તમામને ઉદેશીને સોહિલભાઈ પડિયારે પોતાની આગવી શૈલીથી આભારવિધી કરી હતી. આમ શાળા આરોગ્‍ય રાષ્‍ટ્રિય બાળ સ્‍વાસ્‍થ્‍યનાં આ ઉદઘાટન કાર્યક્રમને સફળ બનાવવા શાળાનાં આચાર્ય આશાબહેન પી. ચાવડા મ.શિ. સોહિલભાઈ પડિયાર, પ્રજ્ઞાબહેન માઢક, હસીનાબહેન માકડા, તેજલબહેન ભેડા, હેમલતાબહેન જાની તથા શાળાનાં વિદ્યાર્થીઓએ સુંદર પ્રયાસ અને મહેનત કરેલી હતી.


સાવરકુંડલામાં મગફળી ખરીદી કેન્‍દ્રની આગેવાનોએ મુલાકાત લીધી

સાવરકુંડલા માર્કેટયાર્ડમાં ચાલતા સરકારના ટેકાના ભાવથી મગફળી ખરીદવાના કેન્‍દ્રની મુલાકાત આજરોજ તાલુકાના ખેડૂત કાર્યકરો અને સહકારી પદાધિકારીઓ જશુભાઈ ખુમાણ,દેવાતભાઈ બલદાણીયા, દુર્લભજીભાઈ કોઠીયા, ચેતનભાઈ માલાણી, હિંમતભાઈ ગુર્જર, તાલુકા સંઘના ડાયરેકટરો ભનુભાઈ રાદડીયા, હિંમતભાઈ વેકરીયા, તાલુકા કિસાન મંડળના જયસુખભાઈ કસવાળા, દેવશીભાઈ વિરાણી, નટુભાઈ દેસાઈ, માવજીભાઈ, હિંમતભાઈ દોમડીયા, મગનભાઈ શ્‍યોરા, અરશીભાઈએ માર્કેટયાર્ડમાં ટેકાના ભાવથી મગફળી વેચવા આવેલા ખેડૂતોની રૂબરૂ મુલાકાત લઈ સંવાદ કરેલ. ઉપસ્‍થિત ખેડૂતોએ જે કાંઈ રોજિંદી મુશ્‍કેલી કે હાલાકીઓમાંથી પસાર થવું પડે છે તેની રજૂઆતો સાથે સુચનો થતા આગેવાનોએ સંબંધિત સતાવાળાઓ સમક્ષ રજૂઆત કરવાની હૈયાધારણા આપી વિશેષમાં જણાવેલ કે આ વખતે સરકારના પુરવઠા અને મહેસુલી તંત્ર મારફત ખરીદી થતી હોવાથી બધી પ્રક્રિયા સરકારી તંત્ર કરે છે એટલે ખેડૂતો નિયમોની જડતામાંથી પસાર થવાની સ્‍થિતિ આવી છે. અને કર્મચારીઓ શો-કોજ નોટીસ, ઈન્‍કવાયરી વિગેરેની ભીતિ અને નોકરીની સલામતીને નજરમાં રાખીને બધી પ્રક્રિયા કરતા હોય એ સ્‍વાભાવિક છે. એટલે ખેડૂતોને વધારે સમય યાર્ડમાં રોકાવું પડે, નજીવા ટેકનીકલ કારણોસર રીજેકટ થાય વિગેરે મુશ્‍કેલી છે. તે હકીકત છે. સહકારી સંસ્‍થા મારફત હોય તો ઘણી સરળતાથી અને ઝડપથી ચાલે તેવો અનુભવ રહયો છે છતાં પણ જે કાંઈ છે તે સિસ્‍ટમ સાથે સાથે આપણે પરસ્‍પરકો-ઓપરેટીવ થઈ વધુમાં વધુ ખેડૂતો લાભ લઈ શકે તેવી સમજણ અને ધીરજ રાખવાની છે તેવો અનુરોધ કરેલ. વધુમાં આ આગેવાનોએ સર્વસંમત રીતે જણાવેલ કે ખેડૂતોને મુશ્‍કેલીઓ અને હાલાકીમાંથી પસાર થવું પડે છે તેમાં બેમત નથી પણ તેઓ ઉપાય ખેતીસાથે લેવાદેવા નથી કે મગફળી પકવતા નથી તેવા લોકો માર્કેટયાર્ડમાં આવીને પોતાનો રાજકારણનો ધંધો કરી જાય કે આપણને કે ખેડૂતોને ઉશ્‍કેરી જાય તે ઉપાય નથી અને ખેડૂતોએ આ બધાને ઓળખીને દૂર રહેવું જોઈએ અને અસહકાર કરવા જોઈએ. જીણવટભરી રીતે તપાસીએ તો આ વખતની ખરીદી આપણી જ થયેલ વિરોધ અને ઉપવાસ આંદોલન છે તેમાં મુખ્‍ય રોલ કોનો છે તેની પણ આપણને સૌને ખ્‍યાલ આવી જવો જોઈએ. ગઈકાલે દૈનિકમાં એક ધારાસભ્‍યના લઘુબંધુએ અમરેલી યાર્ડની ઓચિંતી મુલાકાત લીધી અને હાજર અધિકારીઓ હતા નહીં અને તતડાવ્‍યા વિગેરે સમાચાર જોયા. આ તો ખેડૂતોની મુશ્‍કેલી સમજવા કે દૂર કરવાને બદલે તેના નામે રાજકીય તમાશાબાજી કે રાજકીય સીન-સપાટા કહેવાય. મોટાભાઈના ઉપવાસ અને સમજયા વગરના આડેધડ આક્ષેપોને કારણે સરકારે તેમાંથી બચવા માટે આ વખતે ખરીદી સરકારી તંત્રને સોંપી છે અને આ મુશ્‍કેલી પડવાનું મુળ કારણ તો જેતપુર, ગોંડલ, પેઢલા વિગેરે ગોડાઉન ઉપર થયેલ ઉપવાસ અનેકેટલાક કેન્‍દ્રો ઉપરથી થયેલ પથ્‍થરો, માટી, ઢેફા ભેળવવાની ગોલમાલ તે સત્‍ય ખેડૂતો માટે આરસની તકતીમાં લખી લેવા જેવું છે. પાછા વળી લઘુબંધુ આ સિસ્‍ટમ આવી તો તેની સામે રાજકીય સીન-સપાટા કરી લેય બોલો કેવું ચાલે છે. જો આપણે વધેલા ચૂંટણીફંડના નાણામાંથી જમીન ખરીદનારાઓને સાચા ખેડૂત કે ખેડૂતોના કાર્યકર માની બેસશું તો કામ નહીં ચાલે. ખેડૂત કાર્યકર જયસુખભાઈ કસવાળાએ જણાવેલ કે આપણે ખેડૂતોને તો શું કોંગ્રેસ કે શું ભાજપ શું સરકાર કે વિરોધપપક્ષ, બધુ જ સમાન રાખવાનું પણ સરકાર તરફથી ખેડૂતોના હિતમાં સારૂ થતુ હોય તો પણ વર્ષોથી ખેડૂતોને માત્ર વિરોધ અને ઉશ્‍કેરવાની કેળવણી આપવાની કામગીરી કરતા લોકોને ખેડૂતોએ કહી દેવું જોઈએ કે અમારૂ જે થવું હોય તે થાય, કોંગ્રેસ વાળાએ મગફળી ખરીદીના પ્રશ્‍નમાં આવવાની જરૂર નથી. ખેડૂતોને ટેકાના ભાવમાં કેટલીક મુશ્‍કેલીઓ, હાલાકીઓ છે પણ બીજી સાઈડ આ કોંગ્રેસવાળાએ ખેડૂતોને બતાવવી જોઈએ, જેવી કે અગાઉ કોઈ સરકારે આઠ લાખ ટન મગફળીની ખરીદી 19પર થી ર000 સુધીમાં ખરીદી છે. આઠ લાખ તો નહીં એક લાખ ટન પણ નથી ખરીદી. પૂછી જુએ નાફેડને કે ગુજકોમાસોલને સરકાર ભલે બદલી પણ નાફેડ અને ગુજકોમાસોલ તો એની એ જ છે ને ? 30 કિલોની ભરતીવાળી મગફળીપણ ખરીદવાની છુટ અગાઉની કોઈ સરકારે આપી છે ખરી ? 19પરથી ર000 સુધી ખેડૂતોને અકસ્‍માત મૃત્‍યુમાં રૂપિયા બે લાખની સહાય મળે તેવું કોઈએ કર્યું છે ? 19પર થી ર000 સુધી ખેડૂતોને કોઈએ ટ્રેકટરની સબસીડી, ખેતી ઓજારોની સબસીડી, ઈલેકટ્રીક મોટરની સબસીડી કોઈ દિવસ આપી છે ? કોંગ્રેસના રાજમાં ખેડૂતોના પાક વીમાની લીમીટ રૂા. દસ હજાર બાંધી દીધી હતી એ કેમ ભૂલી જાવ છો ? એ નથી કહેતા ખેડૂતોને અને ગ્રાન્‍ટના અભાવે જે રહી જાય છે એ ખેડૂતોના નામે દેખાવો અને આંદોલનો કરાવે. આવી ઘણી બાબતો છે જેમકે ગયા વર્ષે ખેડૂતોનું કૃષિ ધિરાણનું વ્‍યાજ સરકારે માફ કરી દીધુ છે તે ખેડૂતોને નથી કહેતા અને બીજા નજીવા બહાને યેનકેન બહાને ખેડૂતોને ઉશ્‍કેરે છે. અને ટેકાના ભાવે મગફળી ખરીદીની કામગીરી બંધ કરાવવા આવે છે આ ખેડૂતોની કુસેવા છે જે કમનસીબ છે.


અમરેલી જિલ્‍લામાં ‘‘રવિપાક”નાં વાવેતરમાં થશે ઘટાડો

જિલ્‍લાનાં જળાશયોમાંથી સિંચાઈનું પાણી મળી શકે તેમ ન હોવાથી

અમરેલી જિલ્‍લામાં ‘‘રવિપાક”નાં વાવેતરમાં થશે ઘટાડો

જિલ્‍લામાં ખેડૂતો મગફળી, ઘઉં, ચણા અને કપાસનું ભભરવિભભ મૌસમમાં વાવેતર કરતાં હોય છે

જિલ્‍લાનાં 10 જળાશયમાંથી 3 માં તો તળીયાઝાટક જોવા મળી રહૃાું છે

નોટબંધી, જીએસટી અને હવે અપુરતા વરસાદથી જિલ્‍લાની જનતાની હાલત અત્‍યંતકફોડી

અમરેલી, તા. ર9

અમરેલી જિલ્‍લામાં ભભરવિપાકભભનાં વાવેતરમાં જબ્‍બરો ઘટાડો થવાની શકયતાઓ જોવા મળી રહી છે. કારણ કે અપુરતા વરસાદથી ખેડૂતોની જમીનમાં પાણી નથી,         જળાશકયો, ચેકડેમ કે તળાવોમાં પણ પાણીનો અભાવ જોવા મળી રહૃાો છે.

અમરેલી જિલ્‍લાનાં મોટાભાગનાં ખેડૂતો ભભરવિભભ મૌસમમાં ઘંઉ, ચણા ઉપરાંત મગફળી અને કપાસનું વાવેતર કરતાં હોય છે. પરંતુ હાલ પાણીની તંગી ઉભી થઈ હોવાથી જિલ્‍લાનાં જળાશયોમાં રહેલ પાણીને પીવા માટે અનામત રાખવું જરૂરી  બન્‍યું છે.

જિલ્‍લાનાં 10 જળાશયોમાંથી 3 માં તો બિલકુલ પાણી જ નથી. આથી સિંચાઈ માટે પાણી મળી શકે તેમ ન હોય ખેડૂતોને ખરીફ બાદ રવિ મૌસમમાં પણ નિરાશાનો સામનો કરવો પડશે.

નોટબંધી, જીએસ.ટી. અને હવે અપુરતા વરસાદથી જિલ્‍લાનાં આર્થિકતંત્રને મરણતોળ ફટકો પડયો હોય જિલ્‍લાની જનતામાં નિરાશાનો માહોલ જોવા મળી રહૃાો છે.


સાવરકુંડલાનાં પીઆઈ વતી લાંચ લેતા પોલીસકર્મી ઝડપાયા

ઝેરી દવા પીધેલ યુવક સામે ગુન્‍હો નોંધવા માટે

સાવરકુંડલાનાં પીઆઈ વતી લાંચ લેતા પોલીસકર્મી ઝડપાયા

પોલીસ અધિકારી લાંચ લેતા ઝડપાયા અને આતશબાજી થાય તે બાબત પોલીસ વિભાગ માટે ચેતવણીરૂપ

અમરેલી, તા. ર9

સાવરકુંડલાનાં એક યુવાને 10 દિવસ પહેલા પીધેલ ઝેરી દવા અંગે પોલીસ ફરિયાદ ન નોંધવા અંગે સીટી પીઆઈ સહિત ત્રણ પોલીસે માંગેલ રૂા. 80 હજારની લાંચમાં ગત રાતનાં એસીબીએ જમાદારને લાંચ લેતા ઝડપી લેતા અફડાતફડીનાં માહોલમાં જમાદાર ભાગી છુટતા ફિલ્‍મી દ્રશ્‍યોની જેમ જમાદારને ઝડપી લેવામાં આવેલ હતો. જયારે પીઆઈ અને એએસઆઈ ભાગી છુટેલ હતા.

એસીબીની ટ્રેપથી સાવરકુંડલામાં આતશબાજી સાથે દિવાળી જેવા માહોલ વચ્‍ચે શહેરીજનમાં હર્ષની લાગણી છવાયેલ હતી.

પ્રાપ્‍ત વિગત મુજબ ગત તા. 19નાં રાત્રીનાં સાડા દશેક વાગ્‍યાનાં સુમારે સાવરકુંડલા શહેરનાં નેસડી રોડ ઉપર ખોડીયારનગરમાં રહેતા પ્રદિપ મનસુખભાઈ વાળા ઉર્ફે મુન્‍નો (ઉ.વ. 30)એ ઝેરી દવા પી લેતા સાવરકુંડલા સીટી પોલીસમાં જાણવાજોગ દાખલ થયેલ હતી. આ ઘટનાની તપાસ સીટી પોલીસનાં બીટ એએસઆઈ નરેન્‍દ્રસિંહ ગોહિલ કરતા હોય તેમણે તપાસમાં રૂા. 1પ હજારની લાંચની માંગણી કરેલ હતી. પરંતુ આ તપાસમાં પીઆઈ પી.બી. ચાવડાની દાઢ પણ ડળકતા તેમણેફરિયાદીને પોલીસ મથકે બોલાવી ફયિાદીનાં મામા સામે ગુન્‍હો નોંધવાનું કહેલ અને ગુન્‍હો દાખલ ન કરવો હોય તો રૂા. 80 હજારમાં પતાવટ કરવાનું કહેતા ગત રાતનાં સીટી પોલીસ જમાદાર અરવિંદ પાચાભાઈ પરડવાએ લાંચની રકમ રૂા. 80 હજાર સ્‍વીકારતા ફરિયાદીએ આજીજી કરતા રૂા. પાંચ હજાર પરત કરતા એસીબી ટીમને જોઈ જતાં ટ્રાફીક જમાદાર રેલ્‍વે પાટા બાજુ અંધારામાં ભાગવા લાગેલ અને લાંચની રકમ રૂપિયા 7પ હજાર ફેંકી દીધેલ હતી. પોલીસ-પોલીસ વચ્‍ચે ફિલ્‍મી દ્રશ્‍યો સર્જાયા બાદ ભાગી છુટેલ જમાદારને ઝડપી લેવામાં આવેલ હતો. પરંતુ અન્‍ય બે આરોપી (1) નરેન્‍દ્રસિંહ ગોહિલ એ.એસ.આઈ. અને (ર) ઈન્‍ચાર્જ પી.આઈ. પી.બી. ચાવડા નાસી છુટેલ હતા.

ઈન્‍ચાર્જ પીઆઈ પી.બી. ચાવડાની કાર્યશૈલીથી ત્રાહીમામ પોકારી ઉઠેલ નગરજનોમાં આજે ભારે હર્ષોઉલ્‍લાસ સાથે શહેરની બજારમાં ફટાકડા ફોડી હર્ષની લાગણી છવાયેલ હતી.

ભગવાનની ઘરે દેર છે પણ અંધેર નથી

સાવરકુંડલા તાલુકાના ટાઉન પોલીસ સ્‍ટેશનના ઈન્‍ચાર્જ પી.બી. ચાવડા તથા કોન્‍સ્‍ટેબલ અરવિંદ ઉર્ફે એ.પી. તથા નરેન્‍દ્રસિંહ એ.સી.બી.ની ટ્રેપમાં લાંચ લેતા રંગે હાથ પકડાયા. આ બાબતે સાવરકુંડલા બાર એસોસિએશનના પ્રમુખ કલાબેન એમ. ત્રિવેદી પાસે એ.સી.બી.એ આ બાબતે અગાઉકરેલ અરજીઓ તથા નિર્દોષ લોકોને માર મારેલાની ફરિયાદના તમામ કાગળો એકત્રિત કરી આ બાબતે કલાબેન ત્રિવેદીએ આ પી.બી. ચાવડા વિરૂઘ્‍ધ જે નિવેદન આપવું પડે તો તેની પણ તૈયારી બતાવેલ અને અમે અંતમાં એવું પણ કહેલ કે, બધા કાયદાઓ કર્મના સિઘ્‍ધાંત પરથી બનાવેલા છે. જેથી કર્મ કોઈને છોડતું નથી અને આ પી.બી. ચાવડાના ત્રાસથી આખુ સાવરકુંડલા મુકત થયું છે. અને સાવરકુંડલામાં તમામ જનતાએ હર્ષોલ્‍લાસથી ફટાકડા ફોડી આ બનાવને ઉજવ્‍યો છે. લોકોનું કહેવું છે કે “ભગવાનના ઘરે દેર છે પણ અંધેર નથી”


નવી ઉપાધી : સાવરકુંડલા માર્કેટયાર્ડમાં ટેકાનાં ભાવે મગફળી ખરીદીમાં મજુરી ચુકવવામાં ઠાગાઠૈયા

ખેડૂતો બાદ હવે શ્રમજીવીઓમાં પણ નારાજગી

નવી ઉપાધી : સાવરકુંડલા માર્કેટયાર્ડમાં ટેકાનાં ભાવે મગફળી ખરીદીમાં મજુરી ચુકવવામાં ઠાગાઠૈયા

નાયબ કલેકટરે શ્રમજીવીઓને ન્‍યાય આપવાની ખાત્રી આપી

અમરેલી, તા.ર9

ટેકાના ભાવની મગફળી ખરીદીને વાદવિવાદ એકબીજાના પૂરક હોય એવું અમરેલી જિલ્‍લામાં જોવા  મળી રહયું છે. ટેકાનાં ભાવની           મગફળી વેચવા આવેલા ખેડૂતો હાલાકી ભોગવતા હોય છે. ઉપરથી એપીએમસીના સેન્‍ટર પર મજુરોની પૈસાના ચુકવતા સાવરકુંડલા એપીએમસીમાં મજુરો હડતાલ પર ઉતરતા ટેકાના ભાવની ખરીદી પ્રક્રિયા ખોરંભે ચડી જતાં પ્રાંત કલેકટર એપીએમસી ખાતે દોડી આવ્‍યા હતા.

ટેકાના ભાવનીમગફળીની ખરીદીના અમરેલી જિલ્‍લામાં 9 સેન્‍ટરો પરનું સાવરકુંડલા એપીએમસીમાં આજે ટેકાનાં ભાવની ખરીદી પ્રક્રિયા મગફળી તોળતા મજુરોને કારણે ખોરંભે ચડી જતા ટેકાના ભાવની ખરીદી બંધ રહેતા ખેડૂતોમાં વ્‍યાપક પણે રોષ ભભૂકી ઉઠયો છે. ત્રણ – ચાર દિવસથી ટેકાના ભાવની મગફળી વેચવા આવેલા ખેડૂતોની ખરીદી પ્રક્રિયા બંધ રહેતા ખેડૂતોને હાલાકી ભોગવી રહયા હોવાથી ખેડૂતોમાં સરકાર સામે રોષ જોવા      મળી રહયો છે.

ખેડૂતો ત્રણ-ત્રણ દિવસથી ભૂખ્‍યા, તરસ્‍યા એપીએમસી ખાતે હેરાન – પરેશાન છે. રોજના જમવાથી લઈને રહેવાના પૈસાઓનો વ્‍યય થઈ રહયો છે. ત્‍યારે એપીએમસી પર મગફળીના ઢગલાઓ ઢાંકીને ખેડૂતો ટેકનાભાવની પ્રક્રિયા બંધ રહેવાથી પરેશાન છે. ત્‍યારે સહકારી આગેવાનો પણ એપીએમસી ખાતે પહોંચ્‍યા હતા. અને ખેડૂતોની હૈયા વરાળ જાણવાનો પ્રયત્‍ન કર્યો હતો.

પ્રજાના મતે ચૂંટાઈને ચૂંટયેલા પ્રજાના પ્રતિનિધિ ધારાસભ્‍ય પણ ટેકાના ભાવના સેન્‍ટરની મુલાકાત લેતા ન હોય અને ખેડૂતોને હાલાકી ભોગવવી પડતી હોવાની યાતનાઓ પણ વ્‍યકત કરતા કોંગ્રેસના ધારાસભ્‍યને તેમના મળતીયા પર દોષારોપણ કરી રહયા છે. ત્‍યારે ટેકાના ભાવની ખરીદી ખોરંભે પડતા મજુરોની સમસ્‍યાને કારણે ખરીદી બંધ થતાં પ્રાંત કલેકટર પણ એપીએમસી ખાતે પહોંચીનેટેકાના ભાવની ખરીદી શરૂ કરવાની કવાયત શરૂ કરી છે.

નિગમના અધિકારી કલેકટરને મળવા ગયા છેને બે ચાર કલાકમાં મજુરોના મજુરીના પૈસાનો પ્રોબ્‍લમ સોલ થઈ જવાની આશાઓ પ્રાંત કલેકટર વ્‍યકત કરી રહયા છે. સાથે ટેકાના ભાવની વેચેલ મગફળીના પૈસા ખેડૂતોને ખાતામાં જમા થઈ જવાની વાત પણ પ્રાંત કલેકટરે કરી હતી. ત્‍યારે સવારથી બપોર સુધી ટેકાના ભાવની મગફળી ખરીદી બંધ છે. ને મજુરોના મજુરીના પૈસા ચુકવવાનું કોકડું ગુંચવાાયેલું હોય ત્‍યાં સુધી ખેડૂતોને હાલાકી ભોગવવી રહી તે વાસ્‍તવિકતા છે.


બાબરામાં 18 લાખનાં ખર્ચે બનનારા માર્ગનું ખાતમુર્હુત કરાયું

               બાબરામાં વોર્ડ એકના રામનગર વિસ્‍તારમાં નગરપાલિકા દ્વારા રૂપિયા 18 લાખના ખર્ચે પેવિંગ બ્‍લોગ રોડબનાવવાનું આયોજન કરવામાં આવતા જિલ્‍લા શિક્ષણ સમિતિના ચેરમેન મીનાબેન કોઠીવાળ દ્વારા રોડનું ખાતમુર્હુત કરી કામ શરૂ કરાવતા સ્‍થાનિક લોકોમાં આનંદની લાગણી પ્રસરી ગઈ હતી. આ તકે નગરપાલિકા પ્રમુખ સહિત સ્‍થાનિક કોંગેસના અગ્રણીઓ ઉપસ્‍થિત રહયા હતા. બાબરામાં નગરપાલિકાના નવનિયુકત પ્રમુખ વનરાજભાઈ વાળા દ્વારા શહેરના અલગ અલગ વિસ્‍તારમાં સર્વે કરી જરૂરિયાત વિસ્‍તારોમાં પ્રાથમિકતા આપી માર્ગ બનાવવાની એક ઝુંબેશ હાથ ધરી છે. અગાઉ વોર્ડ પાંચના અમરધામ સોસાયટીમાં રૂા.ર4 લાખના ખર્ચે બ્‍લોગ રોડનું કામ શરૂ કરાવ્‍યું છે. ત્‍યારે આજે વોર્ડ એકના રામનગરમાં મુખ્‍ય બે માર્ગોમાં રૂા. 18 લાખના ખર્ચે પેવિંગ બ્‍લોગ રોડ બનાવવાનું શરૂ કરવામાં આવ્‍યું હતું. જેનું વિધિવત ખાતમુર્હુત જિલ્‍લા શિક્ષણ સમિતિ ચેરમેન મીનાબેન કોઠીવાળ દ્વારા કરવામાં આવ્‍યું હતું. આ તકે નગરપાલિકા પ્રમુખ વનરાજભાઈ વાળા, ઉપપ્રમુખ જગદીશભાઈ કારેટીયા, ખીમજીભાઈ મારૂ, વિનુભાઈ કરકર, મૂળશંકર તેરૈયા સહિતના નગરપાલિકાના સભ્‍યો અને સ્‍થાનિક કોંગેંસના અગ્રણીઓ તેમજ લોકો ઉપસ્‍થિત રહયા હતા.


સાવરકુંડલામાં પ0પ ઘર વિહોણા પરિવારોને સાંસદનાં હસ્‍તે પ્‍લોટની સનદનું વિતરણ

               સાવરકુંડલાના હાથસણી રોડ ખાતે ભારતીય જનતા પાર્ટીની સંવેદનશીલ સરકાર ર્ેારા અમરેલી જિલ્‍લાનાં લોકલાડીલા સાંસદ નારણભાઈ કાછડીયા ર્ેારા ગરીબોનાં સાચા હમદર્દ બની પ0પ ઘર વિહોણા પરિવારોને ઘરના ઘરનું સપનું સાકાર કરી બતાવ્‍યું હતું. સાવરકુંડલા શહેરનાં હાથસણી રોડખાતે સને ર01પથી ટલ્‍લે ચડેલા પ્રશ્‍નનું લાભાર્થી વતી સરકારમાં અને જિલ્‍લા સંકલનમાં મંજુર કરાવી પ્‍લોટની અર્પણવિધિ ગરીબોને કરવામાં આવી હતી. આ તકે અમરેલી જીલ્‍લાનાં લોકલાડીલા સાંસદ નારણભાઈ કાછડીયા, પૂર્વ કૃષિમંત્રી વી. વી. વઘાસીયા, જીલ્‍લા કલેકટર આયુષ ઓક, નાયબ કલેકટર પ્રજાપતિ, મામલતદાર પરમાર, ચીફ ઓફિસર પી. જી. ગોસ્‍વામી, શહેર ભાજપ પ્રમુખ મયુરભાઈ ઠાકર, તાલુકા ભાજપ પ્રમુખ પુનાભાઈ ગજેરા, સાવરકુંડલા નગરપાલિકા પ્રમુખ વિપુલભાઈ ઉનાવા, ઉપપ્રમુખ ભાવેશભાઈ હિંગુ, પાલિકાનાં જાગૃત સદસ્‍ય અને શહેર ભાજપ મહામંત્રી જયસુખભાઈ નાકરાણી, એ. બી. યાદવ, પાલિકાનાં પૂર્વચેરમેન પ્રવિણભાઈ કોટીલા, જીલ્‍લા ભાજપ અગ્રણી મહેશભાઈ સુદાણી, પાલિકા પૂર્વ પ્રમુખ રાજુભાઈ દોશી, પાલિકા સદસ્‍ય અને શહેર ભાજપ ઉપપ્રમુખ પ્રતિક નાકરાણી, રામદેવસિંહ ગોહિલ, ધર્મેન્‍દ્રભાઈ ચૌહાણ, ધર્મેન્‍દ્રભાઈ મહેતા, હેમાંગભાઈ ગઢિયા, રવીન્‍દ્રભાઈ ધંધુકીયા, જાનીદાદા, ભીમભાઈ ચુડાસમા, અતુલભાઈ રાદડિયા, કિશોરભાઈ બુહા, પ્રશાંતભાઈ ગોર, રાજુભાઈ નાગ્રેચા, પીયુષભાઈ મશરૂ, મયુરભાઈ ખાચર, કેશુભાઈ વાઘેલા, શરદભાઈ પંડયા, ઘનશ્‍યામભાઈ ડોબરીયા, શરદભાઈ ટાંક, રાજુભાઈ શીંગાળા, પ્રવીણભાઈ સાવજ, દીપકભાઈ વઘાસીયા, કેતનભાઈ કેશુર, મયુરભાઈ રબારી, મેરાભાઈ મેર,ધર્મેન્‍દ્રભાઈ જોષી વગેરે શહેરીજનો તથા રાજકીય કાર્યકરો મોટી સંખ્‍યામાં ઉપસ્‍થિત રહૃાા હતા અને ગરીબોને પ્‍લોટ વિતરણ કર્યુ હતું.


શેખપીપરીયામાં સાસરે જતી દીકરીને મીક્ષરની ભેટ  

              આતિથ્‍ય અને સત્‍કાર માટે ગામડાઓ અને ગ્રામજનો અપાર લાગણી ધરાવતા હોય છે તેમા પણ સૌરાષ્‍ટ્રની ધરા વિશિષ્‍ટ લાગણીનો પરિચય કરાવે છે. લાઠી તાલુકાના શેખપીપરીયા ગામે અમરેલી જિલ્‍લા ભાજપ મહામંત્રી અને યુવા અગ્રણી કૌશિક વેકરીયાના અઘ્‍યક્ષસ્‍થાને યોજાયેલ કાર્યક્રમમાસંજયભાઈ ચોથાણીના માર્ગદર્શનથી ગ્રામ પંચાયત દ્વારા એક નવતર પ્રયાસનો પ્રશંસનીય પ્રારંભ કરવામા આવેલ છે કે, ગામની જે દિકરી સાસરે વિદાય થાય તેવા સમયે પંચાયત દ્વારા મિક્ષર ભેટ આપવામાં આવશે આ વિચારને સંજયભાઈ ચોથાણીએ મૂર્તિમંત કરીને ગામની પુત્રીઓ સાથે ગામના સંસ્‍કરણો જળવાય તેવા શુભાશ્રય સાથે કરવામા આવેલ નવતર નિર્ણયને ઉપસ્‍થિત અનેક આગેવાનોએ આવકારી અભિનંદન પાઠવ્‍યા છે. કાર્યક્રમમા વેકરીયા ઉપરાંત ભરતભાઈ સુતરીયા, રાજેશભાઈ કાબરીયા સહિત અનેક આગેવાનો અને ગ્રામજનો ઉપસ્‍થિત રભ હતા. અત્રે એ યાદ રહે કે, શેખ પીપરીયા ગ્રામ પંચાયત અને સંજયભાઈ ચોથાણીના ક્રાંતિકારી પગલા અન્‍ય ગ્રામ પંચાયતને પણ પ્રેરણારૂપ બની રહેશે તેમા બેમત નથી.


30-11-2018