Main Menu

Wednesday, November 7th, 2018

 

બગસરા માર્કેટયાર્ડમાં ભાજપનો ભગવો લહેરાયો

કોંગી ધારાસભ્‍યો ધાનાણી, ઠુંમર, કાકડીયા અને રીબડીયાનો પન્‍નો ટૂંકો પડયો
બગસરા માર્કેટયાર્ડમાં ભાજપનો ભગવો લહેરાયો
પૂર્વ ધારાસભ્‍ય બાવકુભાઈ ઉંઘાડનાં માર્ગદર્શન તળે સતાસીયાને જબ્‍બરી સફળતા મળી
અમરેલી, તા. 6
બગસરા માર્કેટીંગ યાર્ડની પ્રતિષ્ઠાભરી ચુંટણી યોજાઈ હતી. ચુંટણી જાહેર થઈ ત્‍યારથી જ કોંગ્રેસ વિપક્ષના નેતા પરેશ ધાનાણી, કોંગે્રસનાં ધારી વિધાનસભાના ધારાસભ્‍ય જે.વી. કાકડીયા, લાઠી વિધાનસભાના ધારાસભ્‍ય વિરજી ઠુંમર તેમજ વિસાવદર વિધાનસભાના ધારાસભ્‍ય હર્ષદભાઈ રીબડીયા, ધારી માર્કેટીંગ યાર્ડના પૂર્વ ચેરમેન સુરેશ કોટડીયા સહિતનાં કોંગે્રસી આગેવાનો બગસરા માર્કેટીંગ યાર્ડ કબ્‍જે કરવા કાવાદાવા અને ધમપછાડા કરી રહયા હતા. અનેક વિપરીત સંજોગો વચ્‍ચે પણ ભારતીય જનતા પાર્ટીની સંગઠન શકિત અને આગેવાનોની કુનેહના કારણે બગસરા માર્કેટીંગ યાર્ડમાં ફરીથી ભાજપનો ભગવો લહેરાયો છે. આ ચુંટણી જંગ વચ્‍ચે કોંગ્રેસે ગામડે ગામડે ખેડુતોમાં કાવાદાવા કરી વૈમનસ્‍ય ફેલાવવાનો હીન પ્રયાસ પણ કર્યો હતો. પરંતુ બગસરા, કુંકાવાવ, વડીયા તાલુકાના ખેડુતોએ ફરી એકવાર ભાજપની વિકાસની રાજનીતીમાં વિશ્‍વાસ મુકી કોંગ્રેસની વિનાસની રાજનીતીને જાકારો આપ્‍યો છે. ત્‍યારે છેલ્‍લા કેટલાય દિવસથી અડીંગો જમાવી બેઠેલા વિપક્ષનેતા પરેશ ધાનાણી સહિતનાં કોંગ્રેસી આગેવાનોને ખેડુતોએ અને વેપારીઓએ તેમને તેમનો રસ્‍તો બતાડી દીધો છે. તે સાથે જ ભાજપ તરફી આ ચુંટણી પરીણામોથી કોંગ્રેસી આગેવાનોની ખોટી પ્રતિષ્ઠા ધુળધાણી થઈ ગઈ છે. ગામડે ગામડે કોમ-કોમ વચ્‍ચે જ્ઞાતી-જાતીના વેરઝેર ફેલાવી રાજકારણ કરતી કોંગ્રેસને આ ચુંટણી પરીણામોએ સાબીત કરી આપ્‍યુ છે કે, હજુ પણ આ જિલ્‍લાનો ખેડુત સમાજ ભારતીય જનતા પાર્ટી સાથે જ છે. સૌનો સાથ સૌનો વિકાસના મંત્ર સાથે કામ કરતી ભારતીય જનતા પાર્ટીના હૈયે સર્વે સમાજનું સુખ સમાયેલુ છે.
બગસરા માર્કેટીંગ યાર્ડની આ પ્રતિષ્ઠાભરી જંગમાં જિલ્‍લા ભાજપ પ્રમુખ હિરેન હિરપરા, રાષ્‍ટ્રીય સહકારી જગતનાં આગેવાન અને જિલ્‍લા ભાજપના મોભી દિલીપભાઈ સંઘાણી, સાંસદ નારણભાઈ કાછડીયા, પૂર્વ ધારાસભ્‍ય અને મંત્રી બાવકુભાઈ ઉંઘાડ, લોકસભા સીટનાં ઈન્‍ચાર્જ અને પૂર્વ ધારાસભ્‍ય વ મંત્રી વી.વી. વઘાસીયા, પૂર્વ જિલ્‍લા ભાજપના પ્રમુખ અને પૂર્વ ધારાસભ્‍ય બાલુભાઈ તંતી, અમર ડેરીના ચેરમેન અશ્‍વિનભાઈ સાવલીયા, બગસરા માર્કેટીંગ યાર્ડનાં પૂર્વ ચેરમેન કાંતીભાઈ સતાસીયા સહિતના જિલ્‍લાનાં મુખ્‍ય આગેવાનોએ માર્કેટીંગ યાર્ડમાં ભાજપનો ભગવો લહેરાય તે માટે ગામડે ગામડે મંડળીઓનાં પ્રમુખ અને ડીરેકટરો તેમજ તાલુકા કક્ષાના મુખ્‍યઆગેવાનો સાથે બેઠક-મીટીંગો કરી જરૂરી આયોજન કરી જીત નિશ્ચિત થાય તે માટે કમર કસી હતી. મુખ્‍ય આગેવાનો સાથે બગસરા તાલુકા ભાજપના પ્રમુખ ધીરૂભાઈ માયાણી, બગસરા શહેર ભાજપના પ્રમુખ એ.વી. રીબડીયા, મહામંત્રી મુકેશભાઈ ગોંડલીયા, જિલ્‍લા ભાજપના મંત્રી રાજુભાઈ ગીડા, ધીરૂભાઈ કોટડીયા, બાબુભાઈ વઘાસીયા, મનોજભાઈ મહિડા, જિલ્‍લા કીસાન મોરચાના મંત્રી રમેશભાઈસતાસીયા, તાલુકા ભાજપ મહામંત્રી વિપુલભાઈ કયાડા, પ્રવિણભાઈ રફાળીયા, જિલ્‍લા યુવા મોરચાના મંત્રી દિનેશભાઈ વસાણી, તાલુકા ભાજપનાં આગેવાન પ્રવિણભાઈ કારેતા, કીરીટભાઈ દેવમુરારી, ધીરૂભાઈ દેવમુરારી, ઘનશ્‍યામભાઈ સાદરાણી, નિલેશભાઈ સાંગાણી, મોટી કુંકાવાવના સરપંચ સુભાષભાઈ ભગત, વડીયાનાં પૂર્વ સરપંચ વિપુલભાઈ રાંક, બાબરા તાલુકા ભાજપના આગેવાન બીપીનભાઈ રાદડીયા, અલ્‍તાફભાઈ નથવાણી, મહેશભાઈ ભાયાણી, બહાદુરભાઈ બકોતરા, નિર્મળભાઈ ચાવડા, લાઠી એપી.એમ.સી.ના ચેરમેન રાજુભાઈ ભુતૈયા, બાબરા એપીએમસીના ચેરમેન જીવાજીભાઈ રાઠોડ સહિતનાં આગેવાનોએ જહેમત ઉઠાવી હતી.
ભાજપ પ્રેરીત ખેડુત વિભાગની પેનલમાં 1રમાંથી 11 સીટ ભાજપે જીતી હતી. જેમાં કાંતીભાઈ સતાસીયા, બાવાભાઈ મોવલીયા, ગોરધનભાઈ કાનાણી, વલ્‍લભભાઈ ગોધાણી, પરશોતમભાઈ કુનડીયા, દેવરાજભાઈ રાંક અનેબાબુભાઈ સખવાળાનો જવલંત વિજય થયો હતો. તેજ રીતે વેપારી વિભાગની પેનલની ચારે ચારે સીટ ભાજપે જીતી હતી. જેમાં વિકાસભાઈ મોદી, જયંતિભાઈ ખાંદલ, સંજયભાઈ રફાળીયા, હાર્દીકભાઈ માધાણીનો જવલંત વિજય થયો હતો. બગસરા માર્કેટીંગ યાર્ડનાં આ ભવ્‍ય વિજયથી વિપક્ષ નેતા પરેશ ધાનાણી અને તેની મંડળીઓનો ફુગ્‍ગો ફુટી ગયો છે.


દીપોત્‍સવીની રજાઓમાં સિંહોને પરેશાની ઉભી ન થાય તે માટે વનવિભાગે આળશ ખંખેરી

ગેરકાયદેસર લાયન શો કરનાર પર તવાઈ ઉતારાશે

દીપોત્‍સવીની રજાઓમાં સિંહોને પરેશાની ઉભી ન થાય તે માટે વનવિભાગે આળશ ખંખેરી

અલગ-અલગ ટીમો પ્રવાસીઓ પર નજર રાખશે

ખાંભા, તા. 6

ગીરમાં દિવાળી ના તહેવાર ને લઈને લાઇન શો અટકાવવા વન વિભાગે અલગ – અલગ ટીમો બનાવી  પેટ્રોલિંગ સંઘન બનાવ્‍યું. ગીર પૂર્વના દલખાણીયા એક જ રેન્‍જમાં ર3 જેટલા સિંહોના મોત થયા હતા જેને લઈને સિંહપ્રેમીઓ અને લોકોમાં ફફડાટ ફેલાયો હતો અને જેને ધયાને લઈને વન વિભાગ દ્વારા પૂરતી કાળજી લેવામાં આવી રહી છે અને ગીર પૂર્વમાં દિવાળીના તહેવારને લઈને સઘન પેટ્રોલિંગ કરવામાં આવ્‍યું છે અને વન વિભાગે પોલીસને પણ સાથે રાખી લાઇન શો કરનાર સામે પગલાં ભરશે.

આ અંગે ખાંભા-તુલસીશ્‍યામ રેન્‍જના આર.એફ.ઓ પરિમલ પટેલે જણાવ્‍યુંહતું કે,  ખાંભા-તુલસીશ્‍યામ રેન્‍જ અને આસપાસનાં વિસ્‍તારમાં સિંહોની સંખ્‍યા બહોળી હોય અને ખાસ કરીને રેવન્‍યુ વિસ્‍તારમાં સિંહો આવી ગયા છે અને સિંહોની અવર-જવર હોય છે અને લાઇન શોના બનાવો બનતા હોય છે.  અલગ -અલગ ટીમો બનાવામાં આવી છે અને સઘન પેટ્રોલિંગ ર નવેમ્‍બરથી શરૂ કરેલ. અને પોલીસનો સ્‍ટાફ પણ માંગ્‍યો છે અને કોઈ લાઇન શો કરતા પકડાશે તો કાયદેસરની કાર્યવાહી કરવામાં આવશે. ત્‍યારે ગીર પૂર્વ અને પશ્ચિમમાં છેલ્‍લા થોડા દિવસોથી વન વિભાગે ગેરકાયદેસર હોટેલો અને ગેરકાયદેસર રીતે યોજાતા લાયન શો સામે સંકજો કસ્‍યો છે અને વન વિભાગે પ્રવાસીઓને અપીલ કરી છે કે, તેઓ જે હોટેલોમાં રોકાય તે કાયદેસર છે કે નહીં તે પહેલા તપાસ કરી લે અને પછી જ રોકાય. આ સિવાય ગેરકાયદેસર રીતે લાયન શો મામલો કોઇ લલચાવે તો તેનાથી દૂર રહે નહીં તો મોટી મુશ્‍કેલીમાં મુકાઇ જશે.

ગીર વન્‍ય પ્રાણી વર્તુળ (જુનાગઢ)નાં ગીર ટાસ્‍ક ફોર્સનાં નાયબ વન સંરક્ષક જે પ્રવાસીઓ દિવાળી વેકેશન દરમિયાન ગીરમાં સાસણ ખાતે સિંહદર્શન માટે આવે છે તેમને ખાસ સૂચના આપવામાં આવે છે કે, તેઓ જે હોટેલમાં રોકાય છે તે કાયદેસર છે કે નહીં તે ચકાસી લે. નહીં તો, પ્રવાસીઓ મુશ્‍કેલીમાં મુકાઇ શકે છે. વળી, પ્રવાસીઓને ખાસ સૂચના આપવામાં આવેછે કે, સાસણ ટૂરિઝમ ઝોન અને દેવળીયા સફારી પાર્ક અને આંબરડી પાર્કમાં જે સિંહ દર્શન માટેની વન વિભાગની સુવિદ્યા છે એ સિવાય ગેરકાયદેસર રીતે સિંહ દર્શન જોવા ન જાય. કેમ કે, સ્‍થાનિક રીતે કોઇ વ્‍યકિત દ્વારા યોજવામાં આવતા સિંહ દર્શન ગેરકાયદેસર છે અને આ માટે કાયદાકીય રીતે મોટી સમસ્‍યા સર્જાઇ શકે છે. પ્રવાસીઓ ગીરમાં આવે અને સિંહ સરંક્ષણમાં મદદરૂપ થાય એવી અપીલ કરીએ છીએ.

પ્રદિપ સિંઘે વધુમાં જણાવ્‍યું કે, સાસણની આસપાસ (ગીર પશ્ચિમ વિભાગ)માં 38 હોટલો એવી છે કે, જેની પાસે કાયદેસરની માન્‍યતા છે. આ લીસ્‍ટ વન વિભાગ દ્વારા તેના ઓફિસીયલ ટ્‍વીટર પર મુકવામાં આવ્‍યુ છે. આથી લોકોને મળી શકે છે કે, કઇ  હોટેલ કાયદેસર છે તેની વિગતો ઓનલાઇન મેળવી શકે છે.

વન વિભાગ દ્વારા લોકોની અને પ્રવાસીઓની જાગૃતિ અને માહિતી માટે ઠેર-ઠેર ગેરકાયદેસર લાયન શો ન થાય અને જો કોઇ કરે તો તે માટે કાયદામાં શું જોગવાઇ છે તેના બોર્ડ મુકયા છે. અમે અત્‍યાર સુધીમાં 1પ0થી વધુ ગેરકાયદેસર હોટેલો સીલ મારી દીધી છે અને આ કાર્યવાહી સતત ચાલુ રહેશે. અમને ખ્‍યાલ છે કે, દિવાળીનાં વેકેશન દરમિયાન ગેરકાયદેર લાયન શોની ઘટનાઓ બનતી હોય છે એટલા માટે અમે અમારુ પેટ્રોલીંગ વધારી દીધું છે. અને જો કોઇ પણ વ્‍યકિત આપ્રકારની પ્રવૃતિ કરતા પકડાશે તો તેને છોડવામાં આવશે નહીં. લોકોએ એ સમવજવું જોઇએ કે, સિંહ તેના કુદરતી વાતાવરણમાં મુકત રીતે ફરે અને તેને કોઇ ખલેલ પહોંચાડવામાં ન આવે. સિંહ આપણું ગૌરવ છે તેમ પ્રદિપ સિંઘે વધુમાં માહિતી આપતા જણાવ્‍યું હતું.


મોટા દેવળીયા મુકામે ‘‘પ્રધાનમંત્રી સુરક્ષા વીમા યોજના” અંતર્ગત ચેકનું થયેલ વિતરણ

અમરેલી જિલ્‍લા મઘ્‍યસ્‍થ સહકારી બેન્‍ક લિ. ર્ેારા

મોટા દેવળીયા મુકામે ‘‘પ્રધાનમંત્રી સુરક્ષા વીમા યોજના” અંતર્ગત ચેકનું થયેલ વિતરણ

અમરેલી, તા.6

અમરેલી જિલ્‍લા મઘ્‍યસ્‍થ સહકારી બેંક લિ., મોટા દેવળીયા શાખા મારફત “પ્રધાનમંત્રી સુરક્ષા વીમા યોજના”માં જોડાયેલ રાંદલ દડવા ગામનાં સભાસદ સ્‍વ. મગનભાઈ ભીમજીભાઈ ખુટનું અવસાન થયેલ. જેની વીમા કલેઈમની રકમ રૂા. ર,00,000 મંજુર થતા ચેક વિતરણનો કાર્યક્રમ રાંદલ દડવા મુકામે રાખવામાં આવેલ હતો. વીમા કલેઈમનાં રકમનાં ચેકનું વિતરણ અમરેલી જિલ્‍લા મઘ્‍યસ્‍થ સહકારી બેંક લિ.ના જનરલ મેનેજર (સી.ઈ.ઓ.) બી. એસ. કોઠીયાનાં વરદ હસ્‍તે તેમના વારસદાર કેવિનભાઈ મગનભાઈ ખુટને કરવામાં આવેલ.આ કાર્યક્રમના પ્રારંભમાં મોટા દેવળીયા શાખાના કર્મચારી એ. એ. દેસાઈએ સ્‍વાગત પ્રવચન સાથે થાપણો વિશે માહિતી આપેલ તથા બ્રાન્‍ચ એકાઉન્‍ટન્‍ટ જે. કે. ધાનાણીએ લોન અને વસુલાત અંગેની માહિતી આપેલ તેમજ બ્રાન્‍ચ મેનેજર વી. એલ. ગજેરાએ બેંકના કોર બેન્‍કિંગ સોલ્‍યુશન્‍સ (સીબીએસ)ને લગતી તથા શાખાની પ્રગતિ વિશે માહિતી આપેલ હતી. તેમજ હેડ ઓફિસ, અમરેલીના ઈન્‍સ્‍યોરન્‍સ વિભાગનાં જુનીયર ઓફિસર એમ. એમ. કથીરીયાએ પ્રધાનમંત્રી સુરક્ષા વીમા યોજના, પ્રધાનમંત્રી જીવન જયોતી વીમા યોજના અને અટલ પેન્‍શન યોજના તેમજ કેશ લેસ ટ્રાન્‍જેકશન, એનઈએફટી, આરટીજીએસ તેમજ બેંકે અપનાવેલ વિવિધ ટેકનોલોજીના માઘ્‍યમથી બેંક ર્ેારા અપાતી વિવિધ સેવાઓનીમાહિતી વિસ્‍તૃતમાં આપેલ. બેંકનાં જનરલ મેનેજર (સી.ઈ.ઓ.) બી. એસ. કોઠીયાએ સહકારી મંડળીનું ગ્રામિણ અને કૃષિ વિકાસમાં યોગદાન તેમજ બેંક મારફત કરવામાં આવતી ખેડૂતલક્ષી વિવિધ યોજનાની માહિતી આપેલ તેમજ બેંકના અને નાફસ્‍કોબ અને ગુજકોમાસોલના ચેરમેન દિલીપભાઈ સંઘાણીની માર્ગદર્શન મુજબ બેંકની શાખાઓ અને પેકસ મંડળીઓના ધંધામાં કદમાં થયેલ વધારો, વિદ્યાર્થીઓને તેમજ મહિલાઓને બચતની ટેવને ઉતેજન મળે તે માટે રૂા.1 થી મહિલાઓ અને વિદ્યાર્થીઓને બચત ખાતાઓ ખોલવાની સુવિધા પુરી પાડી સેવાનું પ્રેરણાદાયી કાર્ય કરી બેકીંગ પ્રવૃતિઓ સાથે બેંક વિકાસનાં પંથે લોકોને સેવા પુરી પાડી રહેલ છે તેમ જણાવેલ.આ કાર્યક્રમમાં મંડળીના પ્રમુખ વેલજીભાઈ ગાંડાભાઈ ખુટ, ઉપપ્રમુખ બાબુભાઈ નારણભાઈ ખુટ તથા ગામનાં સરપંચ મનસુખભાઈ બરવાળીયા, મંડળીના મંત્રી સુરેશભાઈ ખુટ, ગામના આગેવાન કાનાભાઈ ગાંડાભાઈ ખુટ, ઘનશ્‍યામભાઈ સવજીભાઈ ખુટ તથા શાખાના કર્મચારી જે. ડી. સાવલીયા,


અમરેલીમાં આજે અસામાજિકતત્‍વોને કાબુમાં લેવા પડશે

પોલીસ અધિક્ષક નિર્લિપ્‍ત રાય પોલીસ વિભાગને એલર્ટ કરે

અમરેલીમાં આજે અસામાજિકતત્‍વોને કાબુમાં લેવા પડશે

શહેરની યુવતીઓ અને મહિલાઓને પુરતા પ્રમાણમાં રક્ષણ આપવા માટે પોલીસ સતર્ક રહે

જાહેર માર્ગ પર સીનસપાટા કરતાં અને આતશબાજી કરનાર સામે લાલ આંખ કરવી પડશે

અમરેલી, તા. 6

અમરેલી શહેરમાં આવતીકાલ બુધવારે દીપોત્‍સવી પર્વને લઈને પોલીસ વિભાગે ખાસ કરીને રાત્રીનાં 9 થી 1ર સુધી શહેરનાં રાજમાર્ગો પર આતંક ફેલાવનાર શખ્‍સોને કાબુમાં લેવા પડશે. આ માટે પોલીસ અધિક્ષક નિર્લિપ્‍ત રાયે પોલીસ વિભાગને જરૂરી આદેશ કરવો પડશે.

અમરેલીનાં શહેરીજનો મોટી સંખ્‍યામાં દિવાળીની રાત્રીનાં 8 થી 1 વાગ્‍યા સુધી રોશનીનો ઝગમગાટ નિહાળવા નીકળતાં હોય છે. જેમાં મોટી સંખ્‍યામાં બાળકો, યુવતીઓ, મહિલાઓ પણ હોવાથી પુરતી સુરક્ષા રાખવી જરૂરી છે.

દરમિયાનમાં દર વર્ષે શહેરનાં અસામાજિક તત્‍વો જાહેર માર્ગ પર ધુમ સ્‍ટાઈલમાં બાઈક લઈને વાતાવરણમાં અશાંતિ ઉભી કરવાનો પ્રયાસ કરતાં હોય છે. તેમજ જાહેર માર્ગો પર આતશબાજી કરીને ભયનું વાતાવરણ ઉભું કરતાં હોય પોલીસ વિભાગ ઘ્‍વારા ચાંપતો બંદોબસ્‍ત ગોઠવવામાં આવે તેવી માંગ શહેરીજનો કરી રહૃાા છે.


અમરેલી લોકસભાનાં ભાજપી ઉમેદવાર વસંત મોવલીયા ?

વર્તમાન સાંસદનો નો રીપીટમાં સમાવેશ થવાની શકયતાઓ

અમરેલી લોકસભાનાં ભાજપી ઉમેદવાર વસંત મોવલીયા ?

જિલ્‍લા ભાજપનાં તમામ કદાવર નેતાઓ પણ તેમના નામ સામે સર્વસંમત થઈ શકે તેમ છે

અમરેલી, તા. 6

અમરેલી લોકસભા ચૂંટણીને હવે પાંચ મહિના કરતાં પણ ઓછો સમય હોય ભાજપનાં સંભવિત ઉમેદવારને લઈને અનેકવિધ અટકળો ચાલી રહી છે. તેમાં વર્તમાન સાંસદ કાછડીયા ઉપરાંત અનેક વ્‍યકિતઓનાં નામનો સમાવેશ થઈ રહૃાો છે. દરમિયાનમાં એક નવું નામ ચર્ચામાં આવ્‍યું છે અને તે છે ખોડલધામનાં પ્રમુખ વસંત મોવલીયાનું.

વસંત મોવલીયા નામ જિલ્‍લાભરમાં જાણીતું છે. તેમનાં પિતા વર્ષ ર007માં બાબરા-વડીયા વિધાનસભા ચૂંટણી કોંગી ઉમેદવાર બાવકુભાઈ ઉંઘાડ સામે ભાજપમાંથીલડયા હતા. જો કે ત્‍યારે તેઓ પરાજિત થયા હતા.

વસંત મોવલીયા લગભગ દોઢ દાયકાથી બાંધકામ વ્‍યવસાય સાથે સંકળાયેલા છે અને છેલ્‍લા ર-3 વર્ષથી તેઓ લેઉવા પટેલ સમાજનાં મહત્‍વનાં ખોડલધામનાં જિલ્‍લા પ્રમુખ છે અને લાયન્‍સ કલબ ઓફ અમરેલી (રોયલ)નાં પ્રમુખ તરીકે પણ અનેક સેવાકીય પ્રવૃત્તિઓ કરી રહૃાા છે. તો લેઉવા પટેલ સમાજ માટે પણ અર્ધી રાતનાં હોંકારા સમાન છે.

વસંત મોવલીયાએ છેલ્‍લા એક વર્ષથી મીડિયાજગતમાં પણ ઝંપલાવ્‍યું છે અને દૈનિક વર્તમાનપત્રનાં તેઓ તંત્રી તરીકે ફરજ બજાવી રહૃાા છે. તેઓ લેઉવા પટેલ સમાજની સાથે દરેક સમાજમાં પણ સારૂ એવું વર્ચસ્‍વ ધરાવે છે. સરળ સ્‍વભાવ અને સેવભાવી હોવાનાં કારણે તેમનાં મિત્રો, શુભેચ્‍છકોમાં જબ્‍બરો વધારો થયો છે.

તદઉપરાંત જિલ્‍લા ભાજપનાં તમામ આગેવાનો સાથે સારો એવો સંબંધ ધરાવે છે. વર્તમાન જિલ્‍લા પ્રમુખ હિરેન હિરપરા, લોકસભાનાં ઈન્‍ચાર્જ વી.વી. વઘાસીયા સહિતનાં આગેવાનો સાથે નિકટતાં વધારે હોવા ઉપરાંત ખોડલધામનાં પ્રમુખ નરેશ પટેલનાં વિશ્‍વાસુ હોય. આ પ્રકારે અનેક પરિબળોનાં કારણે ભાજપ તેમને લોકસભાનાં ચૂંટણીજંગમાં મેદાનમાં ઉતારે તો નવાઈ પામવા જેવું નહી રહે.


અરેરાટી : પાગલપ્રેમીનાં ત્રાસનાં કારણે મહિલાએ ઝેરી દવા ગટગટાવી લીધી

અરેરાટી : પાગલપ્રેમીનાં ત્રાસનાં કારણે મહિલાએ ઝેરી દવા ગટગટાવી લીધી

પોલીસે મરી જવા મજબુર કર્યાની ફરિયાદ નોંધી

અમરેલી, તા. 6

બાબરા તાલુકાનાં   ખંભાળા ગામની સીમમાં રહેતી એક મહિલાને તે જ ગામે રહેતાં બીજલ ઘનાભાઈ ડાભી સાથે આડા સંબંધ હોય, જે બાબતે પરિવારના લોકો ઠપકો આપતા અને ગામ છોડી સીમમાં રહેવા જતાં રહૃાાં છતાં પણ આરોપી બીજલ ત્‍યાં અવારનવાર મળવા આવી કાનનાં કાપ લઈ ગયેલ અને તેમની પુત્રવધુનાં દાગીનાની પણ માંગણી કરી શારીરિક માનસિક ત્રાસ આપી મરી જવા મજબુર કર્યાની ફરિયાદ બાબરા પોલીસમાં ફરિયાદ નોંધાઈ છે.


ખાંભામાં ગરીબોનું અનાજ બારોબાર વેચી મારવાનાં કૌભાંડનો થયો પર્દાફાશ

પુરવઠા વિભાગે રૂપિયા પોણા બે લાખનો અનાજનો જથ્‍થો સીઝ કર્યો

ખાંભામાં ગરીબોનું અનાજ બારોબાર વેચી મારવાનાં કૌભાંડનો થયો પર્દાફાશ

જિલ્‍લાનાં કાળાબજારીયા તત્‍વોમાં ફફડાટ ફેલાવતી ઘટના

અમરેલી, તા.6

અમરેલીમાં રાશનનાં દુકાનદારો ર્ેારા ગ્રાહકનાં નામે તેની જાણ બહાર બારોબાર જથ્‍થો ખરીદીને બારોબાર વેચવાનું કૌભાંડ હજુ તાજુ જ છે ત્‍યાં ખાંભામાં સસ્‍તી અનાજના દુકાનદાર ર્ેારા રાશનનો જથ્‍થો બારોબાર ખરીદીને બારોબાર વેચવાનું કૌભાંડ ઝડપાયું છે.

આ અંગે પૂરવઠા વિભાગ ર્ેારા મળતી વિગતો મુજબ ખાંભામાં આવેલી દુકાન નં.3માં ગત રાત્રીનાં સમયે ખાંભા મામલતદાર કચેરીનાં પૂરવઠા વિભાગ ર્ેારા દરોડો પાડવામાં આવ્‍યો હતો અને 89473 રૂા.નો જથ્‍થો સીલ કરવામાં આવ્‍યો હતો. ટીમ ર્ેારા બેહિસાબી પ6ર3 કિલો ઘઉં, 1976 કિલો ચોખા, પ94 કિલો ખાંડ, 14 લીટર તેલ, 38પ કિલો નમક અને 1661 લીટર કેરોસીનનો જથ્‍થો સીઝ કરવામાં આવ્‍યો હતો. ખાંભામાં કાર્ડ ધરાવતા અને લાંબા સમયથી અન્‍યત્ર સ્‍થાયી થયેલા તેમજ મૃત્‍યુ પામ્‍યા હોય તેવા લોકોના નામે પણ દુકાનદાર ર્ેારા બારોબાર તેમની જાણ બહાર જથ્‍થો ખરીદવામાં આવતો હતો અને બારોબાર અનાજ કાળાબજારમાં વેચવામાં આવતું હતું. અત્‍યાર સુધીમાં દુકાનદારે આ રીતે કેટલો જથ્‍થો બારોબાર વેચ્‍યો છે તે અંગે પણ તપાસ કરવામાં આવી રહી છે. દુકાનદાર પાસેથી આવા ર00થી પણ વધુ કાર્ડ મળી આવ્‍યા હતાં. આગામી દિવસોમાં દુકાનદાર સામે એફઆઈઆર સહિતની કામગીરી હાથ ધરવામાં આવશે.


આજે દીપોત્‍સવી પર્વની ઉત્‍સાહભેર ઉજવણી થશે

હિન્‍દુ સમાજનાં સૌથી મોટા તહેવારને લઈને જબ્‍બરો ઉત્‍સાહ

આજે દીપોત્‍સવી પર્વની ઉત્‍સાહભેર ઉજવણી થશે

આબાલ-વૃઘ્‍ધ, ગરીબ-તવંગર સહિત સૌ કોઈ દિવાળીનાં રંગે રંગાયા

અમરેલી, તા. 6

અમરેલી જિલ્‍લામાં ગઈકાલે ધનતેરસ, આજે કાળી ચૌદશની આસ્‍થા અને ઉત્‍સાહભેર ઉજવણી કરાયા બાદ આવતીકાલે દીપોત્‍સવી પર્વની ઉજવણીને લઈને જબ્‍બરો ઉત્‍સાહ જોવા મળી રહૃાો છે.

અમરેલી જિલ્‍લાનાં દરેક ઘરનાં આંગણે કલાત્‍મક રંગોળી અને રોશનીનો ઝગમગાટ ઉભો કરવામાં આવેલ છે. આબાલ-વૃઘ્‍ધ, ગરીબ-તવંગર સહિત સૌ કોઈ દીપોત્‍સવી પર્વની ઉજવણીમાં વ્‍યસ્‍ત જોવા મળી રહૃાા છે.

પ્રકાશનાં પર્વની ઉજવણીને લઈને જિલ્‍લાની બજારોમાં પણ રોશનીનો ઝગમગાટ જોવા મળી રહૃાો છે. તો વેપારીઓ ચોપડાપૂજન કરીને મહાલક્ષ્મીનાં આશિર્વાદ મેળવવાનો પ્રયાસ કરશે.

અમરેલી જિલ્‍લાની બજારોમાં દીપોત્‍સવી પર્વને લઈને ભારે અવર-જવર જોવા મળી રહી છે. તો સાંજનાં 6થી રાત્રીનાં 1 વાગ્‍યા સુધી સૌ કોઈ રોશનીનાં ઝગમગાટનો આનંદ મેળવવા રાજમાર્ગો પર ફરી વળશે.


કોંગ્રેસ પક્ષનાં આગેવાનોએ કાળી ચૌદશે કકળાટ કાઢવાનો કાર્યક્રમ કર્યો

અમરેલી, તા. 6

આજે સમગ્ર દેશમાં મોંઘવારી, ભ્રષ્‍ટાચાર,બેરોજગારી, કાળુ ધન, આતંકવાદ, નકસલવાદ જેવી સમસ્‍યા કકળાટરૂપ બની છે. દેશની જનતા આ સમસ્‍યારૂપી કકળાટથી કંટાળી ગઈ છે. અને સરકાર અવનવા તમાશા કરી રહી છે.

દરમિયાનમાં અમરેલીનાં ડો. જીવરાજ મહેતા ચોકમાં મોડી રાત્રીએ વિપક્ષી નેતા પરેશ ધાનાણીની આગેવાનીમાં કોંગીજનોએ કાળી ચૌદશની ઉજવણીનાં ભાગરૂપે દેશમાંથી દરેક સમસ્‍યાનો કકળાટ દૂર થાય અને દેશની જનતામાં શાંતિ, સમૃઘ્‍ધિ અને ખુશી વધે તે માટે સમસ્‍યારૂપી કકળાટ કાઢવાનો કાર્યક્રમ કર્યા હતા.


બહેરા-મુંગા શાળામાં દિવાળી નિમિત્તે ફટાકડા વિતરણ

               ડી.વાય.એસ.પી. મોણપરા તથા નિવૃત ચીફ ઓફીસર રોહીતભાઈ દવેનાં હસ્‍તે બહેરા-મુંગાનાં  90 બાળકોને રપ0 રૂા.ની ફટાકડાની કીટ અર્પણ કરેલ. બહેરા-મુંગા શાળાને છેલ્‍લા 8 વર્ષથી ઘણી બધીએકટીવીટી કરી મનોજભાઈ ભટ્ટ મદદરૂપ થયેલ છે. બહેરા-મુંગા બાળકોના વાલીઓ પણ આ તકે હાજર રહેલ તથા સ્‍ટાફ ર્ેારા પણ ફટાકડા વિતરણ કરેલ.


બાબરામાં માનવસેવા સંસ્‍થાન ર્ેારા ગરીબ પરિવારને કપડાં અને રમકડાનું વિતરણ

               બાબરામાં માનવસેવા સંસ્‍થાન ટ્રસ્‍ટનાં સભ્‍યો શોકતભાઈ ગાંગાણી, જીતુભાઈ જાની, આદિત્‍ય દેવમુરારી, હિતેશભાઈ છાંટબાર, મિલન શકોરિયા, બહાદુર કેશવાણી, રહીમ અજમેરી, રેહાન જીવાણી, સુરેશભાઈ પલસાણા, યોગેશભાઈ ધોળકિયા, અમીન ગાંગાણી, સલીમભાઈ કેશવાણી સહિતનાં સભ્‍યો ર્ેારા બાબરા શહેરમાં અલગ અલગ વિસ્‍તારોમાં વસતા ગરીબ પરિવારને વસ્‍ત્રો તેમજ પગરખાં, અને રમકડાનું વિતરણ કરવામાં આવ્‍યું હતું એ ટ્રસ્‍ટનાં સભ્‍યો દરેક તહેવારો પર શહેરનાં ગરીબ પરિવારને જરૂરી ચીજવસ્‍તુઓનું વિતરણ કરી માનવસેવાનું ઉત્તમ કાર્ય કરી રહૃાા છે.


સાવરકુંડલા યાર્ડનાં ચેરમેનનું સન્‍માન

               સાવરકુંડલા માર્કેટયાર્ડનાં નવનિયુકત ચેરમેન દીપક માલાણીનું અમરેલીનાં કોંગી અગ્રણી નિલેષ દેસાઈએ શાલ ઓઢાડી સન્‍માન કર્યુ હતું.


07-11-2018