Main Menu

October, 2018

 

આલે લે : સાવરકુંડલાનાં કોંગી ધારાસભ્‍ય પ્રતાપ દુધાત ખેડૂતોનાં પ્રશ્‍ને આવેદનપત્ર આપવા ન ગયા

વિધાનસભાની ચૂંટણીમાં ખેડૂતોનાં હિતની ગુલબાંગો ફેંકતા હતા

આલે લે : સાવરકુંડલાનાં કોંગી ધારાસભ્‍ય પ્રતાપ દુધાત ખેડૂતોનાં પ્રશ્‍ને આવેદનપત્ર આપવા ન ગયા

ધારાસભ્‍ય બન્‍યા બાદ અવનવા કારનામાથી ચર્ચામાં રહેતા જોવા મળે છે

અમરેલી, તા.30

આજે અમરેલીના રાજકમલ ચોક ખાતે વિપક્ષના નેતા પરેશ ધાનાણીની આગેવાનીમાં આફતના એંધાણના બેનર તળે અમરેલી જિલ્‍લાના પાંચ ધારાસભ્‍યોની હાજરીમાં સવારે 10 થી 4 ધરણા કાર્યક્રમ રાખવામાં આવ્‍યો હતો. ધરણા બાદ વિપક્ષના નેતાની હાજરીમાં પાંચેય ધારાસભ્‍યો ખેડૂતો સાથે કલેકટર કચેરી સુધી પગપાળા રેલી યોજીને આવેદન પત્ર આપવાના કાર્યક્રમમાં ધારાસભ્‍ય પ્રતાપ દુધાતની ગેરહાજરી ઉડીને આંખે વળગતી હતી. વિધાનસભાની ચૂંટણી સમયે પ્રજાની પડખે રહેવાના કોલ આપનાર ધારાસભ્‍ય પ્રતાપ દુધાત ચૂંટાઈ ગયા પછી વિદેશ સહેલગાહ, સુરત અને મુંબઈ જેવા મહાનગરોમાં વધુ પડતા સફરો કરતા હોવાની વ્‍યાપક ફરિયાદો સાવરકુંડલા-લીલીયાના મતદારો કરી રહયા છે. ત્‍યારે વિપક્ષના નેતાની ધરણાથી લઈને પગપાળા રેલીમાં સંપૂર્ણ ખેડૂતો સાથે ખભેથી ખભો મેળવીને ચાલીશકતા હોય તો દુધાતે ખેડૂતોના કાર્યક્રમમાં ગાપચી મારીને જતા રહેતા ખેડૂતોમાં ધારાસભ્‍ય દુધાત સામે રોષ જોવા મળતો હતો. ત્‍યારે સાવરકુંડલા-લીલીયાના મતદારો સાથે દ્રોહ કરનાર દુધાતે જે ખેડૂતોના મતે ચૂંટાયા તે ખેડૂતોની રેલીમાં ન જોડાતા જિલ્‍લા કોંગ્રેસમાં ચર્ચાનું કેન્‍દ્ર દુધાત બન્‍યા છે તે વાસ્‍તવિકતા છે. જયારે વિપક્ષના નેતા ખેડૂતોના હિતની જાહેરમંચ પરથી વાત કરતા હતા ત્‍યારે પરેશ ધાનાણીની સ્‍પીચથી જ ધારાસભ્‍ય દુધાત ગાયબ થયા હોવાનો વિડીયો સોશ્‍યલ મીડિયામાં વાઈરલ થયો છે.


લ્‍યો બોલો : સાવરકુંડલા પાલિકાનાં ભાજપ ઉપપ્રમુખ ભાવેશ હિંગુ પર ર કર્મચારીઓનો હુમલો

ભાજપનાં શાસનમાં ભાજપીઓ પણ અસલામત

લ્‍યો બોલો : સાવરકુંડલા પાલિકાનાં ભાજપ ઉપપ્રમુખ ભાવેશ હિંગુ પર ર કર્મચારીઓનો હુમલો

ઉપપ્રમુખે સ્‍થાનિક પોલીસસ્‍ટેશનમાં લેખિત અરજી આપી

અમરેલી, તા.30

ભય, ભૂખ અને ભ્રષ્‍ટાચાર નેસ્‍ત નાબૂદ કરવાના હોય સાથે દેશભરમાં સતાનું સુકાન સંભાળનાર ભાજપના શાસનમાં ભાજપના આગેવાનો જ અસલામત બન્‍યાની ઘટના પ્રકાશમાં આવી છે.

વિગત એવા પ્રકારની છે કે સાવરકુંડલા પાલિકામાં ઉપપ્રમુખ તરીકે ફરજ બજાવતા ભાજપી નગરસેવક ભાવેશ હિંગુ ઉપર પાલિકા કચેરીમાં જ પાલિકાના ર વિપ્ર કર્મચારીઓએ બાકી બીલ બાબતે બોલાચાલી કરી બેફામ       ગાળો આપી લાફો મારી પાલિકા કચેરીમાં આવતા નહીં નહીં તો ટાંટીયા ભાંગી નાખીશું તેવી ધમકી આપી હોય બન્‍ને વિપ્ર કર્મચારી વિરૂઘ્‍ધ ધોરણસર કાર્યવાહી કરવાની માંગ કરતી લેખિત અરજી સ્‍થાનિક પોલીસ સ્‍ટેશનમાં આપતા પોલીસે ધોરણસરની કાર્યવાહી હાથ ધરી છે.


સીટી પોલીસનો સપાટો : અમરેલીનાં જેશીંગપરામાંથી વિદેશી દારૂનો જથ્‍થો ઝડપાયો

રૂપિયા 1048પનો મુદ્યામાલ કબ્‍જે કર્યો

અમરેલી, તા.30

અમરેલી સીટી પોલીસ સ્‍ટેશનનો સ્‍ટાફ પેટ્રોલીંગમાં હોય, તે સમયે પોલીસને બાતમી મળતા અમરેલીના જેશીંગપરામાં રહેતા ભરતભાઈ ઉર્ફે મુન્‍નો, શંભુભાઈ બાવળીયા વાળાએ પોતાના કબ્‍જા ભોગવટા વાળા કારખાનામાં આર્થિક લાભ મેળવવા માટે થઈ ભારતીય બનાવટનો વિદેશી દારૂ બોટલ નંગ-ર1 કિંમત રૂા. 10,48પનો રાખેલ હોય, સીટી પોલીસના હેડ કોન્‍સ્‍ટેબલ જગદીશભાઈ રાઠોડ, હરેશસિંહ પરમાર, પોલીસ કોન્‍સ્‍ટેબલ પરેશભાઈ સોંધરવા, પ્રભાતસિંહ ગોહિલે દરોડો પાડી આરોપીને મુદામાલ સાથે ઝડપી લીધેલ હતો.


સાવરકુંડલાનાં કાનાતળાવનાં સરપંચનું રૂપિયા પડાવવા અપહરણ કરાયું : પોલીસે સાવચેતીથી સરપંચને બચાવી લીધા

સમગ્ર જિલ્‍લામાં ચકચાર જગાવતી ઘટના

સાવરકુંડલાનાં કાનાતળાવનાં સરપંચનું રૂપિયા પડાવવા અપહરણ કરાયું : પોલીસે સાવચેતીથી સરપંચને બચાવી લીધા

પાંચ શખ્‍સો વિરૂદ્ધ ફરિયાદ નોંધાતા તપાસનો ધમધમાટ

અમરેલી, તા.30

સાવરકુંડલા તાલુકાના કાનાતળાવગામે રહેતા અને છેલ્‍લા બે વર્ષથી સરપંચ તરીકે કામ કરતા અને હીરાની દલાલીનો વ્‍યવાસય કરતા અનિલભાઈ અરવિંદભાઈ રાદડીયા નામના ર9 વર્ષીય યુવકને લગભગ અઢી માસ પહેલા જૂનાગઢ જિલ્‍લાના મેંદરડા તાલુકાના અમરગઢ ગામે રહેતા પ્રતાપભાઈ હરસુરભાઈ ઉર્ફે ચીનાભાઈ ગીડા નામના શખ્‍સે હીરા નંગ-6 બતાવેલા અને આ સરપંચ યુવકે તે હીરા આરોપી પાસેથી રૂા. 8પ લાખમાં માંગ્‍યા હતા. પરંતુ કોઈ કારણોસર આ હીરાનો સોદો થયો ન હતો.

બાદમાં આરોપી પ્રતાપભાઈને ખબર પડેલ કે સરપંચ પાસે રૂપિયા પડાવી શકાય તેમ છે. તેથી પૈસા પડાવવાના ઈરાદે અગાઉનું કાવતરૂ રચી અમરગઢ ગામે રહેતા કેતન રમેશભાઈ કડીયા, જામનગર ગામે રહેતા યુવરાજસિંહ ગંભીરસિંહ વાળા, જૂનાગઢના મેંદરડા ગામે રહેતા વિજય ઉર્ફે ભીખો વલ્‍લભભાઈ સગર તથા અમદાવાદ ગામે રહેતા ભાવુ સહિતના પાંચ શખ્‍સોએ ગત તા.ર3/10થી તા.ર6/10ના સમયગાળા દરમિયાન સરપંચ યુવક પોતાની પંચાયત ઓફિસના કામે ગાંધીનગર ગયેલા ત્‍યારે આરોપી પ્રતાપભાઈ હરસુરભાઈ ગીડાનો ફોન આવતાં તેમને સસ્‍તામાં હીરા અપાવવાની લાલચ આપી સરપંચ તથા તેમની સાથે રહેલ તેમના મિત્રનું અમદાવાદ ખાતેથી અપહરણ કરી અમદાવાદ, મહેસાણા, માઉન્‍ટ આબુ વિગેરે લઈ જઈ દેશી પિસ્‍ટલ તથા છરી જેવા હથિયારો બતાવી સરપંચ તથા તેમનામિત્રને ઢીકાપાટુનો માર મારી તેમની પાસે રહેલ રોકડા રૂપિયા 6પ હજાર રોકડા તથા એટીએમમાંથી રૂપિયા ર0 હજાર બળજબરીથી          કઢાવી લઈ અને સરપંચને તથા તેમના મિત્રને મુકત કરવા માટે રૂા. પ0 લાખની માંગણી કરી અને સરપંચને જાનથી મારી નાખવાની ધમકી આપી હતી.

બાદમાં મહેસાણા ગામે ગેસ્‍ટહાઉસમાં હતા ત્‍યારે ત્રણ આરોપી નીચે હતા અને બે માણસો આ સરપંચ સાથે હતા તે સૂઈ જતા સરપંચે પોતા પાસે રહેલ મોબાઈલ ફોન વડે સાવરકુંડલા રૂરલ પોલીસને જાણ કરતા સાવરકુંડલા રૂરલ પોલીસે બનાવની ગંભીરતા સમજી તુરંત જ મહેસાણા પોલીસને જાણ કરતા મહેસાણા પોલીસે તુરંત ઘટના સ્‍થળે પહોંચી જઈ સરપંચ તથા તેમના મિત્રને અપહરણ કર્તા આરોપી પાસેથી બન્‍ને છોડાવી લઈ અને સાવરકુંડલા પહોંચાડયા હતા. આ બનાવ અંગે સાવરકુંડલા રૂરલ પોલીસમાં ફરિયાદ નોંધી આગળની તપાસ હાથ ધરી છે.


મુંબઈમાં એમ.ડી. માંજરીયા ‘તારક મહેતા કા ઉલ્‍ટા ચશ્‍મા’ની ટીમ સાથે શૂટીંગમાં વ્‍યસ્‍ત

બાબરાનાં વતની અને રાજકોટ સ્‍થિત નિવૃત મામલતદાર એમ. ડી. માંજરીયા મુંબઈમાં તારક મહેતા કા ઉલ્‍ટા ચશ્‍માની ટીમનાં કલાકાર જેઠાલાલ, સોઢી તેમજડાયરેકટર અને નિર્માતા સાથે મુલાકાત કરી શુટીંગ કરી રહૃાા છે. હિન્‍દી સિરિયલ તારક મહેતા કા ઉલ્‍ટા ચશ્‍મામાં એમ. ડી. માંજરીયા અભિનયનાં ઓજસ પાથરશે અત્રે ઉલ્‍લેખનીય છે કે એમ. ડી. માંજરીયા બાળપણથી અભિનયનો શોખ ધરાવે છે અને તેઓએ ઘણી ગુજરાતી ફિલ્‍મમાં અભિનય કર્યો છે ત્‍યારે ફેમસ હિન્‍દી સિરિયલ તારક મહેતા કા ઉલ્‍ટા ચશ્‍મામાં તેઓ કાઠિયાવાડી બાપુનાં રોલમાં પોતાની કલા પ્રદર્શિત કરશે હાલ તેઓમુંબઈમાં કલાકારો સાથે શુટીંગ કરી રહૃાા છે.


મોણપુર અને ચિત્તલ નજીક કાર અને બાઈકમાં થતી દારૂની હેરફેર ઝડપાઈ

અમરેલી, તા. 30

એલ.સી.બી. ટીમ અમરેલી તાલુકા પો.સ્‍ટે. વિસ્‍તારમાં પેટ્રોલીંગમાં હતા તે દરમ્‍યાન બાતમી રાહે હકીકત મળેલ કે મોણપુર ગામમાં રહેતા હિરેન હરસુરભાઈ ડેર તથા તેનો ભાઈ મહીપત ઉર્ફ મયલો હરસુરભાઈ ડેર રહે. બન્‍ને મોણપુર તા.જી. અમરેલી વાળાઓ પોતાનાં ઘરે એક ફોરવ્‍હીલ કારમાં ભારતીય બનાવટનો વિદેશી દારૂની બોટલોનો જથ્‍થો રાખી સગે-વગે કરવાની પેરવીમાં છે તેવી ચોક્કસ બાતમી મળતાં બાતમી વાળી જગ્‍યાએ રેઈડ કરતાં પોતાના હવાલા વાળી એસ્‍ટીમ કાર રજી.નંબર જી.જે.14.ઈ. 1914 માં અલગ અલગ બ્રાન્‍ડનો ભારતીય બનાવટનાં વિદેશી દારૂનીબોટલ નંગ 10 સાથે મળી આવેલ અને હિરેન હરસુરભાઈ ડેર, રહે. મોણપુર વાળો હાજર નહીં મળી આવતાં ભારતીય બનાવટનો વિદેશીદારૂનો જથ્‍થો કિ. રૂા. 3,000 તથા એસ્‍ટીમ કાર રજી.નં. જી.જે.14.ઈ. 1914 ની કિં.રૂા.પ0,000 મળી કુલ કિ. રૂા. પ3,000 નો મુદ્યામાલ કબજે કરી આરોપી મહીપત ઉર્ફે મયલો હરસુરભાઈ ડેર તથા હિરેન હરસુરભાઈ ડેર, રહે.બંને મોણપુર વાળાઓ વિરૂઘ્‍ધ પ્રોહિબીશન ધારા તળે ધોરણસર કાર્યવાહી કરી પકડાયેલ આરોપી તથા મુદ્યામાલ અમરેલી તાલુકા પોલીસ સ્‍ટેશનમાં સોંપી આપેલ છે.

આ ઉપરાંત અમરેલી તાલુકાના રીકડીયાથી ચિત્તલ તરફનાં રોડ ઉપર એક મોટરસાઈકલ ચાલક શંકાસ્‍પદ જણાતાં તેને રોકી ચેક કરતાં તેનું નામ ઉપર કાળુભાઈ બાવકુભાઈ વાળા, ઉ.વ. 30, ધંધો ખેતી, રહે. રીકડીયા, તા.જી.અમરેલી વાળો હોવાનું જાણવા મળેલ અને તેને ચેક કરતાં તેના પેન્‍ટના નેફામાંથી ભારતીય બનાવટના વિદેશી દારૂની બોટલ નંગ-1 મળી આવતાં દારૂની બોટલ-1 કિ.રૂા.300 તથા હીરો સ્‍પ્‍લેન્‍ડર મોટર સાયકલ રજી.નંબર જી.જે.14.એ. એચ.7પપ0 કિ.રૂા.રપ,000 મળી કુલ કિ.રૂા.રપ,300 નો મુદ્યામાલ કબજે કરી આરોપી કાળુભાઈ બાવકુભાઈ વાળા, રહે. રીકડીયા, તા.જી.અમરેલી વાળા વિરૂઘ્‍ધ પ્રોહિબીશન ધારા તળે ધોરણસર કાર્યવાહી કરી આરોપી તથા મુદ્યામાલ અમરેલી તાલુકા પોલીસ સ્‍ટેશનમાં સોંપી આપેલ છે.

આમ, પોલીસ અધિક્ષક અમરેલીનાઓની સૂચના અને માર્ગદર્શન મુજબ અમરેલી એલ.સી.બી. ઈન્‍ચાર્જપોલીસ ઈન્‍સ. ડી. કે. વાઘેલા તથા એલ.સી.બી. સ્‍ટાફ ર્ેારા એક જ દિવસમાં ભારતીય બનાવટનાં વિદેશી દારૂ અંગે બે સફળ રેઈડ કરવામાં આવેલ છે.


ધાતરવડી નદીમાંથી ગેરકાયદે રેતીની ચોરી કરતાં ર ઝડપાયા

અમરેલી, તા.30

રાજુલા ગામે રહેતા દાદભાઈ બાબાભાઈ ધાખડાની માલીકીના ડમ્‍પર નંબર જી.જે. 1 ટી.ટી. 6444માં લોડર વડે આજે સવારે ડ્રાઈવર પથુભાઈદેવાયતભાઈ ધાખડા તથા ભરતભાઈ વિરાભાઈ બાબરીયા સમૂહખેતી ગામે જવાના માર્ગ ઉપર આવેલ ધાતરવડી નદીના પટમાંથી રોયલ્‍ટી ભર્યા વગર રેતી ચોરી કરતા હોય, ડમ્‍પરમાં રેતી ટન-3, ડમ્‍પર કિંમત રૂા. 4.પ0 લાખ તથા લોડરની કિંમત રૂા. 7 લાખ મળી કુલ રૂા. 11,પ1,000ના મુદામાલ સાથે બન્‍ને ડ્રાઈવરને ઝડપી લીધા હતા. જયારે ડમ્‍પર માલીક હાજર મળી નહીં આવતા તેમની સામે ફરિયાદ નોંધી તપાસ હાથ ધરી છે.


એસઓજીએ દારૂનાં ગુન્‍હામાં ફરાર આરોપીને દારૂ સાથે ઝડપી લીધો

અમરેલી, તા. 30

અમરેલી પોલીસ અધિક્ષક નિર્લિપ્‍ત રાયનાં આદેશથી સ્‍પેશ્‍યલ ઓપરેશન ગૃપનાં પી.આઈ. આર. કે. કરમટા અને તેમની ટીમે ધારીનાં ભાડ ગામેથીમહિપતભાઈ વાળા (ઉ.વ. ર4)ને વિદેશી દારૂની 78 બોટલ, મોબાઈલ અને કાર મળી કુલ રૂપિયા 1.36 લાખનાં મુદ્યામાલ સાથે ઝડપી લીધેલ છે.

ઝડપાયેલ આરોપી વિરૂઘ્‍ધ દારૂનાં 4 ગુન્‍હાઓ અગાઉ નોંધાઈ ચૂકયા છે. આરોપીની પુછપરછમાં ઝડપાયેલ દારૂ અશોકભાઈ બોરીચા રે. લુવારા પાસેથી ખરીદેલ અને તેમના માણસ વિજય વાળા રે. સા.કુંડલા પાસેથી લાવેલ હોવાનું જણાવતાં પોલીસે અન્‍ય ર આરોપીઓને ઝડપવા ચક્રો ગતિમાન કરેલ છે.


સરસીયા ગામે ડેન્‍ગ્‍યુનાં તાવનાં કારણે મહિલાનું મોત

અમરેલી, તા. 30

ધારીનજીક આવેલ સરસીયા ગામે રહેતાં મુકતાબેન નામની મહિલાને ડેન્‍ગ્‍યુનો તાવ આવતો હોય પ્રથમ ધારી બાદમાં અમરેલી અને વધુ સારવાર માટે રાજકોટ દવાખાને સારવારમાં ખસેડાયેલ. જયાં તેણીનું સારવાર દરમિયાન ડેન્‍ગ્‍યુ તાવનાં કારણે મૃત્‍યુ થયાનું ધારી પોલીસમાં જાહેર થવા પામેલ છે.


અમરેલીમાં રહેતી શિક્ષિકા પર ધારીનાં શિક્ષકનો બળાત્‍કારનો પ્રયાસ

જિલ્‍લાનાં શિક્ષણજગતમાં ખળભળાટ મચાવતી ઘટના

અમરેલીમાં રહેતી શિક્ષિકા પર ધારીનાં શિક્ષકનો બળાત્‍કારનો પ્રયાસ

શિક્ષિકા સાથે નોકરી દરમિયાન પરિચય કેળવીને શિક્ષકે વારંવાર બિભત્‍સ માંગણી કરતાં હોવાનો આરોપ

સીટી પોલીસ સ્‍ટેશનમાં શિક્ષિકાએ શિક્ષક વિરૂઘ્‍ધ ફરિયાદ દાખલ કરી

અમરેલી, તા. 30

એક તરફ અમરેલી જિલ્‍લામાં કથળી ગયેલ પ્રાથમિક શિક્ષણને ઉત્તેજન મળે તે માટે રાજય સરકાર અનેકવિધ કાર્યક્રમો કરી રહી છે. તો બીજી તરફ દેશનું ભવિષ્‍ય તૈયાર કરવાની જવાબદારી જેના શિરે છે તેવા એક શિક્ષકે તેના જ શિક્ષિણ વિભાગની શિક્ષિકા સાથે બળજબરીથી શરીર સંબંધ બાંધવાનો પ્રયાસ કર્યાની ઘટના અમરેલી પોલીસ સ્‍ટેશનમાં નોંધાતા જિલ્‍લાનાં શિક્ષણ જગતમાં ખળભળાટ મચી ગયો છે અને શિક્ષક સામે ફિટકારની લાગણી જોવા મળી રહી છે.

વિગત એવા પ્રકારની છે કે, અમરેલીમાં રહેતી એક શિક્ષિકાએ સીટી પોલીસ સ્‍ટેશનમાં નોંધાવેલ ફરિયાદમાં જણાવેલ છે કે, સીઆરસીમાં નોકરી કરતી હતી તે દરમ્‍યાન મારે સરકારી ઓફીસ કામે તથા મીટીંગ સબબ અવાર નવાર અમરેલી ચિતલ રોડ તાલીમ ભવન તથા બીઆરસી ભવનમાં આવવા જવાનું થતું હોય. જેથી મારે ધારી બીઆરસી ભવનમાં નોકરી કરતા હરેશભાઈ બાબુભાઈ મકવાણા રહે. ધારી સીવીલ હોસ્‍પીટલ કવાર્ટર વાળા સાથે પરીચયથયેલ અને અવારનવાર મારે આ હરેશભાઈ સાથે મીટીંગો દરમ્‍યાન મુલાકાતો થતી અને આમ આ હરેશભાઈએ મારા પરીચયમાં આવી મારો ફોન નંબર લઈ મારી સાથે ઘણી વખત ઓફીસકામની વાતો કરતા.

બાદ ધીરે ધીરે આ હરેશ મકવાણા મારી સાથે સાચી ખોટી વાતો કરી મારા નજીક આવવા લાગેલ અને મારા પરિવારની સ્‍થિતિ જાણી મારા મોબાઈલ ફોનમાં ફોન કરી મારી પાસે બિભત્‍સ માંગણીઓ કરવા લાગેલ. જેથી હું તેને આવું નહી કરવા કહેતા અને મારી સાથે આવી વાતો નહીં કરવા કહેતા આજથી આશરે 6 મહિના પહેલા આ હરેશ મકવાણા એકદમ ઉશ્‍કેરાઈ જઈ મને ફોન ઉપર કહેલ કે હું બદનામ કરી દઈશ અને તને નોકરીમાંથી સસ્‍પેન્‍ડ કરાવીશ. જો તું મારી માંગણી નહીં પૂરી કરીશ તો તારો એક દીકરો એકસીડન્‍ટમાં મરણ ગયેલ છે તેમ બીજા દીકરાને પણ એકસીડન્‍ટ કરાવી જાનથી મારી નાંખવાની ધમકી આપેલ અને આમ આ હરેશ મકવાણા મને અવારનવાર હેરાન-પરેશાન કરવા લાગતા મેં તેનો ફોન ઉપાડવાનું બંધ કરી દીધેલ અને તેઓ ફોન નંબરો (1) 94ર7ર 6ર7પ3 (ર) 87804 3787પ (3) 9974ર 86777 (4) 8000ર 67677 ના છે જે મેં બ્‍લોક કરી દીધેલ. તેમ છતાં આ હરેશ મકવાણા ઉપરોકત તેના નંબરો સિવાય બીજા ફોન નંબરોમાંથી પણ અવારનવાર મને ફોન કરી ત્રાસ આપી ખૂબ જ હેરાન-પરેશાન કરવાલાગેલ અને મારી બદનામી ન થાય તેથી મેં કોઈને વાત કરેલ નહી અને આ હરેશ મકવાણા સાથે હું ફોન પર વાત કરતી બંધ કરતા તે અવારનવાર મારા ઘર સુધી મારો પીછો કરી મને હેરાન કરતો. બાદ આ હરેશ મકવાણા એક દિવસ મારી પાછળ પાછળ મારા ઘરે આવેલ ત્‍યાં આવી મારા ઘરમાં આવવાનો પ્રયત્‍ન કરતા મેં મારા ઘરનો દરવાજો બંધ કરી દીધેલ. જેથી તે મારા ઘરનો દરવાજો ખખડાવવા લાગેલ તેમ છતાં મેં મારા ઘરનો દરવાજો ખોલેલ નહી અને થોડા દિવસ બાદ હું મારા ઘરે એકલી હતી તે દરમ્‍યાન આશરે સવારના નવેક વાગ્‍યે આ હરેશ આવેલ અને મારા ઘરમાં આવી મારી સાથે સંબંધ રાખવા કહેતા મેં ના પાડતા મારી સાથે ઝગડો કરેલ. બાદ તે જતો રહેલ. બાદ ગઈ તા. ર4/પ/18નાં રોજ મારા ઘરે મારા પતિ અમદાવાદ તેની નોકરી ઉપર હતા અને મારો દીકરો પણ તેને વેકેશન હોવાથી મારા પતિ સાથે અમદાવાદ હતો અને હું મારા ઘરે એકલી સવારના આશરે સાતેક વાગ્‍યે કચરો વાળતી હતી અને મારા ઘરનો દરવાજો ખુલ્‍લો હતો. આ વખતે આ હરેશ મકવાણા એકાએક મારા ઘર અંદર આવી મારા ઘરનો દરવાજો અંદરથી બંધ કરી મને કહેલ કે તું કેમ મારી સાથે બોલતી નથી તને મારી સાથે વાતો કરવામાં શું વાંધો છે ? શું તને હું નથી ગમતો ? જેથી મેં તેને કહેલ કે મારા લગ્ન થઈ ગયેલ છે,મારે પતિ તથા સંતાન છે, હું આવું પાપ ના કરી શકું તમે મારો ઘરસંસાર ભાંગો નહી. જેથી તે એકદમ ઉશ્‍કેરાઈ ગયેલ અને મારી સાથે બોલાચાલી કરી મને ગાળો આપી મારી સાથે ઝગડો કરવા લાગેલ. જેથી હું દેકારો કરવા લાગતા તેણે મારા મોઢે તેના હાથ રૂમાલનો ડુચો મારી મને મારો હાથ ખેંચી પરાણે મારા બેડરૂમમાં ઢસડી લઈ ગયેલ. મારા હાથેથી મારા મોઢાનો ડુચો કાઢી લીધેલ અને તેણે મારી સાથે ઝપાઝપી કરી બળજબરી પૂર્વક મારો ઓપો કંપનીનો મોબાઈલ બેડ ઉપરથી લઈ મારી તથા તેની સેલ્‍ફી ફોટોગ્રાફી કરેલ અને મારો ફોન તેણે સ્‍વીચ ઓફ કરી છાતીનાં ભાગે કચકાવીને બટકુ ભરી તેને જોરથી ધક્કો મારતા આ હરેશ મારાથી દૂર જતો રહેલ જેથી હું બેડ ઉપરથી ઉભી થઈ મારા રૂમમાં પડેલ બીજા કપડા પહેરી મારૂ પર્સ લઈ ઘર બહાર ભાગવા જતા આ વખતે હરેશએ મને પાછી હાથ પકડી રોકી લઈ મારા ગાલ તથા મોઢાના ભાગે લાફા મારેલ અને મારા ઘરમાં પડેલ બેટમીન્‍ટનનું રેકેટ લઈ મને આડેધડ મારવા લાગતા મને ડાબા હાથની બાજુના ભાગે તથા ડાબા પડખાનાં ભાગે તથા ડાબા પગે પીડી તથા સાથળના ભાગે ઈજા થયેલ અને મારા હોઠ પર પણ વાગી જતા લોહી નીકળવા લાગે જેથી મે ફરીથી તેને ધક્કો મારેલ અને તે સમો નમો થાય તે પહેલા ઝડપથી મારા ઘરનો દરવાજો ખોલી હું બહાર ભાગીગયેલ. હું મારા ઘરે પરત ગયેલ નહીં અને મારે સી.આર.સી.ની તાલીમ હોય જેથી સીધી ત્‍યાં જતી રહેલ. બાદ સાંજે નોકરી પુરી કરી મારા ઘરે ગયેલ અને ઘરે જોયું તો મારા ઘરે મે રાખેલ સી.આર.સી. ઓડીટની ફાઈલનું પોટકું ખોલી નાંખેલ હતું જેમા મારા પોતાના ઉપયોગની ડાયરી હતી જેમાં મારા ફેસબુક તથા ઈ-મેઈલ એકાઉન્‍ટ તથા પાસવર્ડ તથા મારા અને મારા પરિવારનાં વ્‍યકિતગત ડોકયુમેન્‍ટ જેમાં બેંક પાસબુક વિગેરે હતા અને ત્‍યાર પછી મારા ઈ-મેઈલ, ફેસબુક અને ફેસબુક મેસેન્‍ઝરના પાસવર્ડ બદલાય ગયેલ હોય જે મારાથી ખુલેલ નહી. જેથી આ હરેશ મારી ડાયરી માંથી ફેસબુક તથા ઈ-મેઈલ એકાઉન્‍ટના પાસવર્ડ મેળવી મારા આ એકાઉન્‍ટનો દુરૂપયોગ કરેલ અને મારા પાસવર્ડ બદલી મારા નામના ફેસબુક/મેસેન્‍જર તથા ઈમેઈલ એકાઉન્‍ટ ઓપરેટ કરેલ છે. અને મારા પોટકામાં સી.આર.સી.ને લગતા ડોકયુમેન્‍ટની નકલ લઈ ગયેલ જેથી હું ખુબ ટેન્‍શનમાં હતી અને આ બનાવની  મે કોઈને વાત કરેલ નહી પરંતુ મે જેમ તેમ હીંમત કરી મારો મોબાઈલ મારા ઘરે બંધ હાલતમાં પડેલ હતો તે શરૂ કરી મારા પતિને ફોન કરી કહેલ કે, હું થોડી ટેન્‍શનમાં છું અને ફોન ઘરે રહી ગયેલ હોય જેથી મે તમને આખો દિવસ ફોન કરેલ નહી અને હું રૂબરૂમાં તમને આવતી કાલે ત્‍યાં આવી વાત કરીશ તેમવાત કરેલ. બાદ આ હરેશ મકવાણાનો ફરી તેના મો.નં. 94ર7ર 6ર7પ3 પરથી મે લીધેલ નવું સીમ નં.997917પ3પ6 પર સાંજના સાતેક વાગ્‍યે ફોન આવેલ. જેથી મને તે મારી બદનામી કરશે તેવી બીકનાં કારણે તેનો ફોન મે ઉપાડેલ. જેથી આ હરેશે મને કહેલ કે, તું ઘર ખુલ્‍લુ રાખજે હું હમણા થોડીવારમાં તાર ઘરે આવું છું. જેથી મે ફોન કાપી નાંખી તેનો ફોન બ્‍લોક કરી તરત મારા ઘરે તાળુ મારી ગાંધી બાગે આવી ગયેલ અને ત્‍યાં આ હરેશના ડરના કારણે રાત્રીનાં દસ વાગ્‍યા સુધી બેસી રહેલ. બાદ હું ફરી મારા ઘરે જતી રહેલ અને બીજા દીવસે હું અમરેલીથી અમદાવાદ મારા પતિ પાસે જતી રહેલ અને ત્‍યાં જઈ મે મારા પતિને ઉપર મુજબનાં બનાવની વાત કરેલ. જેથી મારા પતિએ મને સાત્‍વના આપેલ અને તેના મો.નં.98ર44 60988 ઉપરથી આ હરેશ મકવાણાનાં મો.નં.94ર7ર 6ર7પ3 ઉપર ફોન કરી તેને કહેલ કે તે મારી પત્‍ની સાથે આવું કેમ કરેલ. જેથી આ હરેશે બહાના બતાવી તેનો ફોન બંધ કરી દીધેલ. બાદ હું અમદાવાદથી મારા દીકરા સાથે મારે નોકરીએ જવાનું હોય, જેથી અમરેલી પરત આવી ગયેલ અને મારા પતિએ હરેશને ફોન કર્યા બાદથી તે મારા ઉપર ફોન કરતો તથા મારો પીછો કરતો બંધ થઈ ગયેલ અને મારા પતિ મે અમારી બદનામી ન થાય જેથી કોઈ પોલીસ ફરિયાદ કરેલનહી. બાદ થોડા સમય પછી તા.રપ/07/ર018 ના રોજ મારા વિરૂઘ્‍ધ ખોટા આક્ષેપ વાળી અને મારી બદનામી થાય તેવો પત્ર હું જયા અગાઉ નોકરી કરતી હતી ત્‍યં આંબા તા.લીલીયા પ્રા.શાળામાં આવેલ હોય જેની મને તે શાળામાં નોકરી કરતા શિક્ષક જે.પી. ભાસ્‍કરે મને ફોનમાં કરી વાત કરેલ તથા વોટસએપ મેસેજથી આ પત્રની જાણ કરતા મે તેને રૂબરૂ મળી પત્ર મેળવી લીધેલ બાદ અમરેલી સર્વશિક્ષા અભિયાન ટીચર ટ્રેનીંગમાં પણ મારા વિરૂઘ્‍ધ ભ્રષ્‍ટાચારનાં આક્ષેપ વાળી અરજીઓ આવવા લાગેલ અને આ હરેશભાઈ મકવાણા મારા ઘરેથી મારા પાસવર્ડ તથા મારા જરૂરી ડોકયુમેન્‍ટ લઈ ગયેલ.

આ ફરિયાદ મોડી કરવાનું કારણ એવું છે કે, મારી સાથે બનેલ બનાવ બાબતે મારી તથા મારા પરિવારની સમાજમાં તથા મારા સ્‍ટાફમાં બદનામી થવાન ડરના કારણે તથા અમે ગુજરાત હાઈકોર્ટમા તથા પોલીસ અધિક્ષક અમરેલીમાં લેખીતમાં અરજી કરેલ હોય જે અરજી પ્રથમ ધારી પોલીસ સ્‍ટેશન અને ત્‍યંથી અહી તપાસમાં આવતા આજરોજ ફરિયાદ કરવા આવેલ હોઉ જેથી મોડું થયેલ છે.

પોલીસે આ બનાવ અંગે કલમ 376(ર), 3પ4 (ડી), પ11, 3ર3, 4પર, પ04, પ06(ર) અને પ01 મુજબ ગુન્‍હો નોંધી ધોરણસરની કાર્યવાહી હાથ ધરેલ છે.


અમરેલીનાં કોંગી ધારાસભ્‍યોએ પ્રતિક ધરણા કરી આવેદનપત્ર પાઠવ્‍યું

ખેડૂતોનાં પ્રશ્‍ને ભાજપ સરકાર પર કર્યા પ્રહારો

અમરેલી, તા. 30

અમરેલીનાં ડો. જીવરાજ મહેતા ચોકમાં આજે વિપક્ષી નેતા પરેશ ધાનાણીની આગેવાનીમાં ધારીનાં ધારાસભ્‍ય જે.વી. કાકડીયા સહિતનાં કોંગી ધારાસભ્‍યોએ પ્રતિક ધરણા કરી રેલી સ્‍વરૂપે કલેકટરનેઆવેદનપત્ર પાઠવીને જિલ્‍લાને અછતગ્રસ્‍ત જાહેર કરવાની માંગ કરી હતી.


સાવરકુંડલામાં વીરદાદા જસરાજ સેના ટ્રસ્‍ટ ર્ેારા ગરીબ પરિવારોને ખાદ્ય સામગ્રી વિતરણ કરાશે

પરમાર્થ કાજે છેલ્‍લા દસ કરતા વધારે વર્ષોથી અમરેલી જિલ્‍લાની માનવસેવા અર્થે સતત કાર્યરત અને સાવરકુંડલા શહેર તેમજ તાલુકાની જનતાની મુશ્‍કેલીઓનો ઉપાય સમાન વિરદાદા જસરાજ સેના ટ્રસ્‍ટ સાવરકુંડલા ર્ેારા છેલ્‍લા 4 વર્ષથી ચાલતી જરૂરિયાતમંદ પરિવારોને દિવાળીનાં તહેવારોમાં પોતાના પરિવારનાં સભ્‍યોને તહેવારોમાં બધાની સમકક્ષખાદ્ય ચીજવસ્‍તુઓ ખવરાવીને ખુશ રાખી શકે એવા ઉમદા હેતુથી દિવાળીકીટ આપવામાં આવે છે. જેની તૈયારીની એક ઝલક કિટમાં થતા ખર્ચના મુખ્‍યલાભાર્થી વતનપ્રેમી માતુશ્રી વિમળાબેન ચંપકલાલ ખેતાણી પરિવાર ફાઉન્‍ડેશન મુંબઈ તેમજ સહલાભાર્થી એક જલારામ બાપાનાં સેવકનું અનુદાન મળેલ છે.


અમરવેલી નાગરિક શરાફી મંડળની મુલાકાત લેતાં કેન્‍દ્રીય મંત્રી રૂપાલા

અમરેલી, તા. 30

અમરવેલી નાગરિક શરાફી સહકારી મંડળી લી. અમરેલીનાં કાર્યાલયે કેન્‍દ્રીય કૃષિ મંત્રી પુરષોતમભાઈ રૂપાલા તથા સાંસદ નારણભાઈ કાછડીયા મંડળીની શુભેચ્‍છા મુલાકાત લઈ મંડળીનાં કાર્યક્ષેત્રને બિરદાવેલ તથા મંડળીનાં ચેરમેન રેખાબેન એન. માવદીયા તથા તેમના બોર્ડ ઓફડીરેકટર્સને અભિનંદન પાઠવેલ.

આ તકે ઉપસ્‍થિત અમર ડેરીનાં ચેરમેન અશ્‍વિનભાઈ સાવલીયા તથા જીલ્‍લા ખ.વે.સંઘના ચેરમેન જયંતીભાઈ પાનસુરીયા તથા વાઈસ ચેરમેન એમ. આર. ધાનાણી તથા બગસરા મંડળીનાં ચેરમેન રશ્‍વિનભાઈ ડોડીયા તથા જીલ્‍લા ભાજપનાં કૌશિકભાઈ વેકરીયા તથા અમર ડેરીના જી.એમ. ધાર્મિકભાઈ રામાણી તથા સામાજીક આગેવાન ધીરૂભાઈ ગઢીયા તથા કેશલેસ શૈલેષભાઈ પરમાર તથા સાવરકુંડલા વાંઝા જ્ઞાતિના પ્રમુખ કીર્તીભાઈ ભરખડા તથા કીરણબેન વામજા તથા બહોળી સંખ્‍યામાં આગેવાનો ઉપસ્‍થિત રહેલ. તેમ       મંડળીની અખબારી યાદી જણાવે છે.


ચાવંડ કાણકિયા-મહેતા શૈક્ષણિક સંકુલ ખાતે એકતાયાત્રાનું ભવ્‍ય સ્‍વાગત

              ચાવંડ કેળવણી મંડળ – ચાવંડ સંચાલિત કાણકિયા મહેતા શૈક્ષણિક સંકુલ – ચાવંડ ખાતે આજ રોજ ચાવંડ કેળવણી મંડળ – ચાવંડનાં ઉપપ્રમુખ જીતુભાઈ ડેરની પ્રેરક ઉપસ્‍થિતિમાં અને એકતાયાત્રાનાં ઈન્‍ચાર્જ તરીકે તેઓ એકતાયાત્રા સાથે ચાવંડ ખાતે આવી પહોંચતા એકતાયાત્રાનું ભવ્‍ય સ્‍વાગત કરવામાં આવ્‍યું. આજાં એકતાયાત્રાનાં કાર્યક્રમમાં ચાવંડ   કેળવણી મંડળના ટ્રસ્‍ટી કપિલભાઈ ડેર તથા એકતાયાત્રાના સહ ઈન્‍ચાર્જ ભરતભાઈ સુતરિયા અને મોહનભાઈ લાઠિયા તેમજ પ્રભારી વાલજીભાઈ ખોખરિયા સહિત મુખ્‍ય મહેમાન ગુ.રા.ના પૂર્વગૃહપ્રધાન ગોરધનભાઈ જડફિયા તથા સાંસદ સભ્‍ય નારણભાઈ કાછડિયા તથા અમરેલી જિલ્‍લા ભાજપાના પૂર્વ પ્રમુખ ડો. કાનાબાર તથા લાઠી તાલુકા ભાજપ પ્રમુખ મગનભાઈ કાનાણી તથા અશ્‍વિનભાઈ સાવલીયા, ભાજપનાં અગ્રણી રામભાઈ સાનેપરા, દિપકભાઈ વઘાસિયા, મયુરભાઈ હિરપરા તથા કિસાન મોરચાના કન્‍વીનર ઘનશ્‍યામભાઈ સાવલિયા તથા હીરેનભાઈ હીરપરા, મનુભાઈ આદ્રોજા, શાંતીભાઈ રાણવા, વિનુભાઈ ડોબરીયા તાલુકાનાં આગેવાનો લાઠી-દામનગરનાં આગેવાનો પ્રવિણભાઈ જોષી, રાજુભાઈ ભુતૈયા, દીનેશભાઈ નારોલા, મહેશભાઈ ભાયાણી, ભરતભાઈ ગઢવી, જગદીશભાઈ ખુંટ, દેહુરભાઈ રાનાણી, મધુભાઈ નવાપરા, દકુભાઈ પડસાળા, કાળુભાઈ દુધાળા, ઘરમીશભાઈ એવીયા, મગનભાઈ વાઘેલા, રાવતભાઈ ડેર, અરવિંદભાઈ ઈંટાળીયા, ભરતભાઈ બોદર, સોમાભાઈ સાબોળીયા, મહેશભાઈ કોટડીયા, રાજુભાઈ ભુવા, બાબુભાઈ ધામત, અરૂણભાઈ પટેલ, નાથાભાઈ ખુંટ, નંદાભાઈ રાબડીયા, નિલેષભાઈ ડેર, લાલજીભાઈ સાબલપરા, ભુપતભાઈ મંસુરીયા, ઘનશ્‍યામભાઈ ખેરાળા, દીનેશભાઈ મારૂ, અશોકભાઈ બારડ, રામદેવભાઈ પરમાર, ભરતભાઈ, પ્રવિણભાઈ કાકડીયા, હરેશભાઈ કાકડીયા, હીંમતભાઈ રાઠોડ, દીનેશભાઈ જંબોડ, પરેશભાઈ સરવૈયા, વિજયભાઈ બારડ, કેસુરભાઈ સોરઠીયા, રવજીભાઈ કયાડા, જીતુભાઈ ભુવા, વિરમભાઈ ભરવાડ તથા ચાવંડ ગ્રામપંચાયતનાસરપંચ કાનજીભાઈ ડેર, ઉપસરપંચ હસુભાઈ નારીયા તથા શાળાનાં સ્‍ટાફનાં ઈન્‍ચાર્જ આચાર્ય પી. યુ. રાવલ તથા મ.શિ. જે. એમ. વાઘ તથા હેડ કલાર્ક કિરણભાઈ જોષી તથા કિશોરભાઈ ડેર તથા અશોકભાઈ સોરઠીયા તથા કાણકિયા મહેતા શૈક્ષણિક સંકુલ શાળા પરિવાર, ચાવંડ કુમાર શાળા, કન્‍યા શાળા, અને પ્‍લોટ શાળાનાં સ્‍ટાફ પરિવાર તથા આંગણવાડીનાં સ્‍ટાફ પરિવારે હાજરી આપેલ. ચાવંડ કેળવણી મંડળનાં ઉપપ્રમુખ અને એકતાયાત્રાનાં ઈન્‍ચાર્જ જીતુભાઈ ડેરએ સર્વે મહેમાનોનું સ્‍વાગત ઉદ્યબોધન કરી સ્‍વાગત કરેલ અને એકતાયાત્રાને શુભેચ્‍છાઓ સહ શુભકામના પાઠવેલ. પધારેલ મહેમાનોનું સ્‍વાગત કરવામાં આવ્‍યું તેમજ તાજેતરમાં અમરેલી તાલુકા પંચાયતની પેટા ચુંટણીનાં વિજેતા ઉમેદવાર એવા અમર ડેરીનાં ચેરમેન અશ્‍વિનભાઈ સાવલીયા વિશેષ સન્‍માન કાણકિયા મહેતા શૈક્ષણિક સંકુલ તરફથી જીતુભાઈ ડેર ર્ેારા સન્‍માન કરવામાં આવ્‍યું તેમજ કાનજીભાઈ ડેર, હસુભાઈ નારિયાએ ચાવંડ ગ્રામ પંચાયત વતી અને મેરામભાઈ ડેર તથા દેવાભાઈ ર્ેારા સેવા સહકારી મંડળી વતી સન્‍માન કરેલ. સમગ્ર કાર્યક્રમનું સંચાલન કિરણભાઈ જોષીએ કરેલ.


ગોપાલગ્રામ ખાતે સ્‍વ. બટુકભાઈ ગજેરાને શ્રદ્ધાંજલિ આપવા રકતદાન કેમ્‍પ યોજાયો

               ગોપાલગ્રામના વતની અને અમરેલી ખાતે વસતા હરી ૐ ઈન્‍ડસ્‍ટ્રીઝના સ્‍થાપક માલીક બટુકભા હરીભાઈ ગજેરાનું ગત તા.19/10ના રોજ ટુંકી બીમારી બાદ અવસાન થતા આજ તેમના દશા શ્રાઘ્‍ધ નિમિતે તા.ર9/10ના રોજ તેમના પરિવારજનો દ્વારા પોતાના માર્ગદર્શક વડીલનું 64 વર્ષની ઉંમરે અવસાન થતાં તેઓને સેવારૂપે શ્રઘ્‍ધાંજલિ આપવા 64 રકતદાતાઓ દ્વારા રકતદાન કરવા સંકલ્‍પ કરેલ. ઈન્‍ડિયન રેડક્રોસસોસાયટી અમરેલીના ઉપક્રમે યોજેલ આ રકતદાન કેમ્‍પને સ્‍વ. બટુકભાઈના મોટાભાઈ ચુનીભાઈ ગજેરાએ દીપ પ્રાગટય કરી ખુલ્‍લો મુકેલ. તેમજ તેમના લઘુબંધુ રામભાઈ ગજેરા, પુત્રો રાજેશભાઈ, ચિરાગભાઈ, સતીષભાઈ, હાર્દિકભાઈ ભત્રીજા કાળુભાઈ, રાજુભાઈ, હસુભાઈ, ચેતનભાઈ, કમલેશભાઈ, વિપુલભાઈ, અતુલભાઈ, ભાણેજ હીરેનભાઈ, તુષારભાઈ, આકાશ, ફેનિલ, અશોકભાઈ, વેવાઈ દલસુખભાઈ મુંગલપરા, દીકરીઓ, જમાઈઓ મહેશકુમાર, અશ્‍વિનકુમાર, નિકિતકુમાર સહિત ગામના ભવાની ચોક, ભકિતપરા, સરદારપરા, જલારામ શેરી, લીમડા શેરી વિસ્‍તારના યુવાન ભાઈઓ, બહેનોએ રકતદાન કરી ધાર્મિક અને સેવાભાવી બટુકભાઈને શ્રઘ્‍ધાંજલિ આપી હતી. દુઃખદ પ્રસંગે રકતદાન કેમ્‍પનું આયોજન કરી સમાજને પ્રેરણાદાયી ઉદાહરણ પુરૂ પાડી 6પ યુનિટ બ્‍લડ ડોનેશન કરતા ગજેરા પરિવાર વતી સ્‍વ. બટુકભાઈના ધર્મપત્‍ની શાંતાબેન ગજેરાને ઈન્‍ડિયન રેડક્રોસ સોસાયટી અમરેલીના એડવાઈઝરી કમિટીના મેમ્‍બર વિપુલ ભટ્ટીએ સન્‍માન પત્ર આપી પ્રેરક સેવા બદલ સન્‍માનિત કર્યા હતા. રકતદાન કેમ્‍પમાં ગામના અગ્રણી શંભુબાપા વાડદોરીયા, ચુનીલાલ વાડદોરીયા, કેશુભઈ વાડદોરીયા, વાલજીભાઈ ગજેરા, ભીખુભાઈ, રામજીભાઈ ગજેરા, ગોબરભાઈ ગજેરા, કિરીટભાઈ ગજેરા, મનસુખભાઈ, ગોવિંદભાઈ, ચંપકભાઈ ધકાણ, રમેશભાઈ ઠુંમર, બાબુભાઈ,નારણભાઈ ભંડેરી, ભાવેશભાઈ કોરાટ વગેરે ઉપસ્‍થિત રહયા હતા. આ રકતદાન કેમ્‍પને સફળ બનાવવા જીતુભાઈ કે. ગજેરા, ડો. વાળા, રાજુભાઈ પટેલ, કિશોરભાઈ વાડદોરીયા, સંજયભાઈ વાડદોરીયા, નિલેશભાઈ ગજેરા, જય વાડદોરીયા, મૌલિક ગજેરા, યશ ગજેરા, ભુરાભાઈ, સુરેશભાઈ વગેરેએ જહેમત ઉઠાવી હતી. તેમ વિપુલ ભટ્ટીએ જણાવેલ છે.


31-10-2018


‘‘અમરેલીમાં આજે કોંગી ધારાસભ્‍યોનો નગારે ઘા”

જિલ્‍લાને અછતગ્રસ્‍ત જાહેર કરવાની માંગ સાથે પ્રતિક ધરણા

‘‘અમરેલીમાં આજે કોંગી ધારાસભ્‍યોનો નગારે ઘા”

વિધાનસભાનાં વિપક્ષી નેતા પરેશ ધાનાણીની આગેવાનીમાં તમામ ધારાસભ્‍યો કરશે આંદોલન

અમરેલી, તા. ર9

અમરેલી જિલ્‍લામાં   દુષ્‍કાળે પંજો વિકરાળ કરતાં કૃષિકારો, પશુપાલકો અને શ્રમજીવીઓમાં ચિંતાનો માહોલ હોય રાજય સરકાર જિલ્‍લાને અસરગ્રસ્‍ત જાહેર કરવા માટે ચોઘડીયાની રાહ જોઈ રહી હોય તેવા સમયે વિપક્ષી નેતા પરેશ ધાનાણીની આગેવાનીમાં જિલ્‍લાનાં તમામ ધારાસભ્‍યો આવતીકાલ મંગળવારે ડો. જીવરાજ મહેતા ચોકમાં પ્રતિક ધરણા કરીને કલેકટરને આવેદનપત્ર પાઠવશે.

વિપક્ષી નેતાએ જિલ્‍લામાં દુષ્‍કાળને કારણે ચિંતાનો માહોલ ઉભો થયો હોય તમામ સરપંચો, ખેડૂત આગેવાનો, સેવાકીય સંસ્‍થાઓ તેમજ રાજકીય પક્ષોનાં આગોવનોએ આપસી મતભેદ ભુલીને જિલ્‍લાની જનતાનાં દુઃખદર્દમાં સહભાગી બનવા આ કાર્યક્રમમાં ઉપસ્‍થિત રહેવા અનુરોધ કર્યો છે.


ધારીમાં વનવિભાગની કાર્યશૈલી સામે રોષની આંધી

સ્‍થાનિક આગેવાનોએ પ્રધાનમંત્રી અને મુખ્‍યમંત્રીને આવેદનપત્ર પાઠવ્‍યું

ધારીમાં વનવિભાગની કાર્યશૈલી સામે રોષની આંધી

તાલુકા વિકાસ સમિતિનાં નેજા હેઠળ તમામ આગેવાનો પક્ષાપક્ષીથી દુર થઈને એક બન્‍યા

અમરેલી, તા. ર9

ધારી તાલુકા વિકાસ સમિતિએ આજે સ્‍થાનિક અધિકારી મારફત પ્રધાનમંત્રી અને મુખ્‍યમંત્રીને આવેદનપત્ર પાઠવીને વનવિભાગની કાર્યશૈલી સામે નારાજગી વ્‍યકત કરી છે.

આવેદનપત્રમાં જણાવેલ છે કે, તાજેતરમાં ધારી તાલુકાનાં શેમરડી ચેકપોસ્‍ટ વિસ્‍તારમાં વન વિસ્‍તારમાં ર7 સિંહો મૃત્‍યુ પામ્‍યા છે. તો આ સિંહોના મૃત્‍યું માટે જવાબદાર વન વિભાગ છે કે કેમ ? તેવા પ્રશ્‍નો આમ પ્રજામાં ચર્ચાય છે. તેમજ આ તાલુકાના પ્રજાજનો સિંહોની વસ્‍તી વચ્‍ચે છેલ્‍લા પ0 વર્ષથી વસવાટ કરતાં હોય, ખુબ જ લાગણી, સહિષ્‍ણુતા ધરાવે છે. તેમજ આ ર7 સિંહોના મૃત્‍યું બાબતે વન વિભાગની નિષ્‍કાળજી છે કે કેમ ?તેની કોઈ તપાસ કરવામાં આવતી નથી. વન વિસ્‍તારમાં સિંહોને રેવન્‍યુ વિસ્‍તારમાં મારણ કરેલ કે મરી ગયેલ પશુઓને વન વિભાગના જ વાહનો દ્વારા ફેરવી વન વિસ્‍તારમાં મારણ કે મૃતપશુઓના મૃતદેહો, સિંહોના ખોરાક માટે નાખવામાં આવે છે. તો શું આ ખોરાકથી સિંહોના મૃત્‍યુ થયેલ છે કે કેમ ? તેની તપાસ ઉચ્‍ચ કક્ષાએથી થયેલ અથવા થયા હોવાની કોઈ જાહેરાત વન વિભાગ કે સરકાર તરફથી કરવામાં આવેલ નથી. તો શું આમ જનતા સિંહોનું જતન કરે છે અને વન વિભાગની સતત નિષ્‍કાળજીના કારણે વારંવાર સિંહોના મૃત્‍યું થાય છે. તો સરકાર તરફથી તમામ સિંહોનાં મૃત્‍યું બાબતે અન્‍ય વિભાગ, સી.આઈ.ડી. કે ઉચ્‍ચ કક્ષાની કમિટિ દ્વારા ઉચ્‍ચ કક્ષાએ તપાસ થાય તેવી આ તાલુકાની સમતિ પ્રજાની લાગણી અને માંગણી રહે છે. આમ, પ્રજાજનોની માલીકીની જમીનો, ખેતરો કે જાહેર રોડ, રસ્‍તા, જાહેર સ્‍થળોએ પસાર થતાં સિંહોના અવર-જવરના સમયે સામાન્‍ય પ્રજાજનો સિંહદર્શન કરતા હોય તો વન વિભાગ દ્વારા દંડ તથા ફરીયાદો કરવામાં આવે છે. તો આટલી મોટી સંખ્‍યામાં સિંહોના મૃત્‍યુ બાદ વન વિભાગ મૌન કેમ સેવી રહયું છે ? શું વન વિભાગની આ મૃત્‍યુ બાબતે કોઈની જવાબદારી જ નથી ?

વધુમાં જણાવેલ છે કે, અંદાજે 40 થી 4પ બિનખેતીની અરજીઓ તાલુકા વિકાસ અધિકારી તેમજ જિલ્‍લાવિકાસ અધિકારીની કક્ષાએથી ફકત વન વિભાગના એન.ઓ.સી.નહી મળવાના કારણે છેલ્‍લા ર કે 3 વર્ષથી પડતર રહેવા પામેલ છે. તો સરકાર દ્વારા શા માટે આ અરજીઓ પડતર રાખવા માટે કોઈ કાર્યવાહી કરવામાં આવેલ નથી તે એક મોટો સવાલ આ તાલુકાની પ્રજામાં ઉભો થયેલ છે. શું વન વિભાગ ગુજરાત સરકારના નિયંત્રણ હેઠળ છે કે કે ? તેવા પ્રશ્‍નો પ્રજાના મુખે વારંવાર ચચાય છે. જેના કારણે હાલની સરકારની છબી ખરડાય છે. તો હવે કયારે આ પ્રશ્‍નનું નિરાકરણ થશે ?

વધુમાં જણાવેલ છે કે, (ર) ધારી તાલુકામાં મુખ્‍યમંત્રી વિજયભાઈ રૂપાણી દ્વારા ધારી ગામે આંબરડી સફારી પાર્કનું ઉદઘાટન કરી લોકાર્પણ કરવામાં આવ્‍યા બાદ આ સફારી પાર્કમાં આવતાં પ્રવાસીઓ માટે આવશ્‍યક સુવિધાઓ જેવી કે, બેસવા, રહેવા માટેની, ચા-નાસ્‍તાની સુવિધા, છાપા માટે શેડ, નાસ્‍તા માટે કેન્‍ટીન, પીવાના પાણીની સુવિદ્યા, શૌચાલય જેવી સામાન્‍ય સુવિદ્યાઓ પણ ઉપલબ્‍ધ નથી. વન વિભાગ પાસે હાલ આંબરડી સફારી પાર્ક માટે ફાળવેલ ગ્રાન્‍ટ પૈકી હજુ પણ 60 થી 70 લાખ જેટલી રકમ બચત હોવાનું જાણવા મળેલ છે. તો શા માટે વન વિભાગ સુવિદ્યા ઉપલબ્‍ધ કરી શકતું નથી ? તે પ્રશ્‍ન આ તાલુકાની પ્રજામાં વારંવાર ચર્ચાય છે અને પ્રજામાં એવી છાપ ઉભી થયેલ છે કે, શું વન વિભાગ આ પ્રોજેકટવિકસાવવાના બદલે બંધ કરવાના પ્રયાસમાં લાગી ગયેલ છે કેમ ? તેની તપાસ થવી જરૂરી લાગી રહી છે.

વધુમાં જણાવેલ છે કે, આંબરડી સફારી પાર્કનું લોકેશન કુદરતી સૌદર્ય તેમજ હાઈટ ઉપર બનાવવામાં આવેલ હોય, શા માટે આ સફારી પાર્કમાં સિંહ દર્શન ઉપરાંત અન્‍ય સુવિદ્યાઓ જેવી કે, ગાર્ડન, વન્‍ય પ્રાણીઓને સંગ્રહાલય બનાવવાનું વન વિભાગને વિચાર આવતો નથી. આંબરડી સફારી પાર્કની નજીક ખોડીયાર ડેમ, માતાજીનું મંદિર આવેલ હોવા છતાં વન વિભાગની નિષ્‍કાળજી અને નકારાત્‍મક કામગીરીના કારણે આંબરડી સફારી પાર્કનું સરકાર દ્વારા જતન કરવામાં નહી આવે તો નજીકના ભવિષ્‍યમાં જ આ પ્રોજેકટનું બાળમરણ થઈ જશે તેવી ધારી તાલુકાના પ્રજાજનોમાં ભય ઉભો થયો છે.

વધુમાં ધારી તાલુકામાં આવેલ બિન અધિકૃત (લાયસન્‍સ વગરના તમામ આહારગૃહો, હોટલ, રેસ્‍ટોરન્‍ટ બંધ કરવા માટેની મીટીંગ યોજી મામલતદાર દ્વારા સર્વેની કામગીરી કરવામાં આવે છે. જેમાં ધારી ગામની રેસ્‍ટોરન્‍ટ, આહારગૃહો, ગેસ્‍ટ હાઉસનો સમાવેશ કરવામાં આવેલ છે. તો શું વન વિભાગ એમ માને છે કે, ર8 સિંહોના મૃત્‍યું ધારી શહેરની આહારગૃહો, હોટલ, રેસ્‍ટોરન્‍ટ, ગેસટ હાઉસના કારણે મરણ પામેલ છે ? વન વિભાગ દ્વારા સર્વે કરાયેલ હોટલ, આહારગૃહ, રેસ્‍ટોરન્‍ટો વીસ-વીસ વર્ષથી ચાલુ છે. જયારેઈકો સેન્‍સીટીવ ઝોનનો જન્‍મ થયો ન હતો.

વધુમાં જણાવેલ છે કે, (4/4) સરકાર દ્વારા ધારી તાલુકાની ભૌગોલીક પરિસ્‍થિતિ મુજબ આવેલ પ્રવાસન સ્‍થળો, ખોડીયર ડેમ મંદિર, દાનબાપુની જગ્‍યા, હિંગળાજ માતા મંદિર તેમજ નજીકના પ્રવાસન      સ્‍થળો, સોમનાથ, સતાધાર, પરબધામ, તુલસીશ્‍યામ, દિવ વિ.પ્રવાસન સ્‍થળોની મઘ્‍યમાં ધારી હોય, પ્રવાસન માટે ધારી શહેર અને તાલુકો હોય સરકાર દ્વારા આ પ્રવાસનને પ્રોત્‍સાહન માટે સર્વે કરવામાં આવેલ તેમજ ટુરીઝમ અંતર્ગત ખોડીયાર ડેમ સાઈટને ડેવલપ કરવા બોટીંગ, ટુરીઝમ, હોટલ, ગાર્ડન, રેસ્‍ટોરન્‍ટ વિગેરે સુવિધાઓ માટે ગ્રાન્‍ટ ફાળવણીનું પણ આયોજન કરવામાં આવેલ પરંતુ વન વિભાગની નિતીના કારણે આ તાલુકાને પ્રવાસન માટે કોઈ ગ્રાન્‍ટ ફાળવણી આજદિન સુધી થયેલ નથી. તો ધારી તાલુકાને ટુરીઝમ ઝોન તરીકે પસંદ કરી ખાસ કિસ્‍સામાં પ્રવાસન સંલગ્ન સુવિધા માટે ઝડપી મંજુરીઓ અને માર્ગદર્શન મળે તેવી આ તાલુકાની પ્રજાજનોની લાગણી છે. તો સરકાર કક્ષાએથી થયેલ સર્વે મુજબ ખોડીયાર ડેમ સાઈટને વહેલી તકે વિકસાવવા પ્રજાજનોની માંગણી પહોંચાડીએ છીએ.


બાબરા પંથકમાં સરકાર દ્વારા થતી મગફળીની ટેકાનાં ભાવે ખરીદીમાં ઓનલાઈન એન્‍ટ્રીમાં ખેડૂતોને મુશ્‍કેલીઓ

રેવન્‍યુ તલાટી અને ગ્રામપંચાયત મંત્રીની લડાઈમાં ખેડૂતનો ખો

બાબરા પંથકમાં સરકાર દ્વારા થતી મગફળીની ટેકાનાં ભાવે ખરીદીમાં ઓનલાઈન એન્‍ટ્રીમાં ખેડૂતોને મુશ્‍કેલીઓ

જિલ્‍લા પંચાયત સભ્‍ય મીનાબેન કોઠીવાળ દ્વારા કલેકટરને રજૂઆત

બાબરા, તા.ર9

રાજય સરકાર દ્વારા ટેકાના ભાવે મગફળીની ખરીદી કરવાની જાહેરાત કરવામાં આવતા ખેડૂતો જરૂરી આધાર પુરાવા સાથે ઓનલાઈન એન્‍ટ્રી કરાવી રહયા છે. ત્‍યારે ખેતીના જરૂરી આધાર પાણી પત્રકથી બાબરા તાલુકાના ખેડૂતો વંચીત રહેતા મગફળીની ઓનલાઈન એન્‍ટ્રીમાં ખેડૂતોને ભારે મુશ્‍કેલીઓ સહન કરવાનો વારો આવી રહયો છે. જિલ્‍લા પંચાયતના સભ્‍યમીનાબેન કોઠીવાળ દ્વારા જિલ્‍લા કલેકટરને રજૂઆત કરી યોગ્‍ય કરવા જણાવ્‍યું છે.

અમરેલી જિલ્‍લા પંચાયતના સભ્‍ય મીનાબેન કોઠીવાળ દ્વારા જણાવ્‍યું હતું કે બાબરા તાલુકાના ખેડૂતોને મામલતદાર કચેરીમાં પાણી પત્રક આપવામાં આવતા નથી તેમજ રેવન્‍યુ તલાટી દ્વારા 1પ/9 થી 30/9 સુધીમાં રજૂ કરવાના હોય છે તે નથી કર્યા ત્‍યારે મામલતદાર કચેરીમાં રેવન્‍યુ તલાટી મંત્રીને સુચના આપી ખેડૂતોને પાણી પત્રક આપવામાં આવે તેવી સુચના આપવા જણાવ્‍યું છે. જેના કારણે ખેડૂતને પોતાની મગફળી ટેકાના ભાવે વેચવામાં કોઈ મુશ્‍કેલીઓ ઉભી ન થાય.

આ બાબતે મામલતદાર એન.કે. ખીમાણી દ્વારા જણાવ્‍યું હતું કે ખેડૂતોને પાણી પત્રક ગ્રામ પંચાયતના મંત્રીઓએ આપવાના હોય છે. તાલુકાના દરેક ગ્રામ પંચાયતના મંત્રીઓને પાણી પત્રક આપવામાં આવ્‍યા હતા પણ પોતાના મંડળના આદેશ અનુસાર તમામ મંત્રીઓ પાણી પત્રકની કામગીરીથી અળગા રહી પાણી પત્રક મામલતદાર કચેરીમાં જમા કરાવી ગયા છે.

મામલતદાર એન.કે. ખીમાણી દ્વારા વધુમાં જણાવ્‍યું હતું કે રાજયના ગ્રામ પંચાયત અને ગૃહ નિર્માણનો જીઆર છે. ગ્રામ પંચાયતના મંત્રીઓ દ્વારા પાણી પત્રકની કામગીરી કરવાની છે તો પછી રેવન્‍યુ તલાટી કયા કોઈ સવાલ ઉભો થાય છે.

બાબરા તાલુકામાં ટેકાના ભાવે મગફળીની ખરીદી કરવામાં આવીરહી છે. પણ ખેડુતો પાણી પત્રકના અભાવે પોતાની મગફળીનું રજિસ્‍ટ્રેશન કરી શકતા નથી. ગ્રામ પંચાયતના મંત્રીઓ અને રેવન્‍યુ તલાટીની લડાઈમાં ખેડૂતોની ખો બોલી રહી છે. ત્‍યારે જિલ્‍લા કલેકટર દ્વારા યોગ્‍ય કરવામાં આવે તેવી લાગણી ખેડૂતો વ્‍યકત કરી રહયા છે. હાલ તો ખેડૂત મામલતદાર કચેરી અને તાલુકા પંચાયત કચેરીના ધકકા ખાઈ રહયો છે.


પીપળવા બીટ, વન વિસ્‍તારમાં વન વિભાગનાં ભ્રષ્‍ટ બાબુઓની મીઠી નજર તળે બેફામ ભ્રષ્‍ટાચાર

અમરેલી, તા. ર9

ખાંભાનાં ખડાધાર ગામના જાગૃત નાગરિક રમેશભાઈ બોધરાએ રાજયના વનમંત્રીને પત્ર પાઠવેલ છે.

પત્રમાં જણાવેલ છે કે, પીપળવા બીટમાં આવતા લાખાગાળા, ટેઢીયાગાળા તેમજ પાડાગાળા વન વિસ્‍તારમાં ઘણા સમયથી વન ખાતા દ્વારા મોટો ભ્રષ્‍ટાચાર આચરવામાં આવે છે. આ વિભાગમાં એક પશુ દીઠ રૂા. 1000ની લાંચ લઈને હજારો પશુ જંગલ વિસ્‍તારમાં ચરાણ અર્થે છુટા મૂકી આ વન વિસ્‍તારનો કચ્‍ચરઘાણ વાળી દેવામાં આવ્‍યો છે. આ વિસ્‍તારમાં વસતા વન્‍ય તૃણ ભસ્‍ત પ્રાણી જેવા કે રોજ, પહુડા, હરણ, ચિંકારા વન વિસ્‍તારમાં ઘાસનું પુરૂ કરી નાખવાથી ખેતરના ખેતરમાં આવી જાય છે. આ વિસ્‍તારમાં ઘણા બધા રસ્‍તાઓ દ્વારા જંગલ વિસ્‍તારમાં જંગલ કટીંગ કરી બારોબાર લાકડા કાપી વાહનોમાં ભરી લઈ જઈ શકાય તેવી પરિસ્‍થિતિ વનતંત્ર દ્વારા ઉભી કરી દેવામાં આવેલ છે. જે વિસ્‍તાર જે કર્મચારીનાવિસ્‍તારમાં જે પરિસ્‍થિતિ નિર્માણ કરવામાં આવી છે તે મોટા પ્રમાણમાં લાંચ લઈ ભ્રષ્‍ટાચાર કરેલ છે. તેની ઉચ્‍ચ અધિકારીઓ દ્વારા તપાસ થવી જોઈએ અને દાખલારૂપ કડક કાર્યવાહી થાય જે વન વિસ્‍તારમાં ઘાસનો સંપૂર્ણ નાશ થયેલ છે. તે વિસ્‍તારનું શૂટીંગ કરી લોકોને જાણ અર્થે મુકવું જોઈએ. તેમજ વાંદરી ગાળામાં હજુ પણ બે ટોળા પશુઓને આ વિસ્‍તારમાં ભેલાણ માટે બોલાવવામાં આવ્‍યા છે.

વધુમાં જણાવે છે કે, મોટી રકમની લાંચ લેવામાં આવેલ છે. તેની પણ તપાસ કરવામાં આવે. આ વિસ્‍તારમાં હમણા જ જે ત્રણ સિંહ બાળના મોત નિપજયા છે તે જ વિસ્‍તારમાં આ કયા અધિકારીની દેખરેખ નીચે આવતો વિસ્‍તાર છે તેની સામે પણ કડક કાર્યવાહી કરવામાં આવે તેમજ આ વિસ્‍તારમાં વસતા સિંહો ગળા ગજાવે તો ગાળા ગાજતા અને ત્રણ કિલોમીટર સુધી આ અવાજ સંભળાય પણ બીજા ગૃપના સિંહો અચાનક આવી ચડે તો આ સિંહોની ત્રાડ પુરા સાત કિલોમીટર સાંભળવા મળતી હોય છે. આવી ઘટના હમણા ઘણા સમયથી આ વિસ્‍તારમાં બનવા પામેલ નથી. તો ઈનફાઈટથી કેવી રીતે આ સિંહ પાઠડાના મોત થાય. તે પણ એક તપાસનો વિષય છે. તેમ છતાં પણ આ બધુ બને અને સિંહના મોત થાય તે વન વિભાગના જવાબદાર કર્મચારીને તો આની જાણ પણ હોતી નથી. અને જયારે ખેડૂતો આવા સમાચાર આપે ત્‍યારેજ તે દોડા દોડી કરે અને ખોટા ડોળ કરી ઉપરી અધિકારીને પોતે જ આવી ઘટનાની જાણ કરે જેમ પોતે જ ફેરણા મારતા હોય આવા સીન સપાટા મારતા અધિકારી ઉપર પણ કડક કાર્યવાહી કરવા અમારી માંગણી છે. કારણ કે ઈનફાઈટથી એકાદ સિંહબાળને મારે પણ ત્રણ ત્રણ સિંહોના મોત ઈનફાઈટમાં ખપાવી દેવામાં આવે તે જરા પણ વ્‍યાજબી નથી. તો આ પ્રકરણમાં કડક તપાસ અધિકારીઓને તપાસ સોંપી તેની જાણકારી સ્‍થાનિક લોકોને થાય તેવી દાખલારૂપ કાર્યવાહી કરવા અંતમાં માંગ કરેલ છે.


આલેલે : વીજપડીમાં ગામજનોએ સ્‍થાનિક ધારાસભ્‍યનું રોષભેર સ્‍વાગત કર્યુ

લોકસભાની ચૂંટણીને લઈને મુલાકાત કરી હોવાનો આક્ષેપ

આલેલે : વીજપડીમાં ગામજનોએ સ્‍થાનિક ધારાસભ્‍યનું રોષભેર સ્‍વાગત કર્યુ

સ્‍થાનિક ગામ પંચાયતની કામગીરી સામે પણ નારાજગી ઉભી થઈ

વીજપડી, તા. ર9

સાવરકુંડલા તાલુકાનાં વીજપડી ગામે ધારાસભ્‍યનાં સન્‍માન સમારંભમાં વીજપડીનાં નાગરીકોએ પંચાયત તેમજ ધારાસભ્‍ય ઉપર પોતાનો રોષ વ્‍યકત કર્યો કે લોકસભાની ચૂંટણી નજીક આવતા ધારાસભ્‍યએ આટલા સમયે દર્શન દિધા છે.

અને બીજુ કે અઢી વર્ષથી પંચાયતની બોડી આવ્‍યા પછી પણ પાણી, ગટર તેમજ બીજા અનેક પ્રકારનાં પ્રશ્‍નોમાં દિન પ્રતિદિન વધારો થાય છે. લોકોએ ધારાસભ્‍યને રજૂઆત કરેલ કે આ પંચાયતનાં   અઢી વર્ષનાં કોઈ વિકાસ ગામનો થયો નથી આજે ગટર અને પાણીનાં પ્રશ્‍નો ખૂબ મોટું સંકટ ઉભુ કરે તેવા છે. અને મેઈન બજાર અને બસ સ્‍ટેન્‍ડ ઉપર ગંદકીએ માજા મુકી છે. બસ સ્‍ટેન્‍ડમાં મુતરડી જાણે દારૂની કોથળી ભરવાનો ડબ્‍બો હોય તેવીછે. લોકોમાં તેવો પણ ગણગણાટ છે કે, પંચાયતમાં ચુંટાયેલા સતાધારી સિવાયનાં બીજા પોતાની મનમાની કરે છે. પંચાયત સિવાયનાં બીજા પોતાના અંગત વાંધા નાખીને ગામનાં વિકાસમાં રોડા નાખે છે. તો આવા અનેક પ્રકારનો રોષ વ્‍યકત કરીને ધારાસભ્‍યનું સન્‍માન કરેલ.


નોટબંધી, જીએસટી અને દુષ્‍કાળથી અર્થતંત્રનું ધબાય નમઃ

સૌ કોઈ પાંચ વર્ષ પહેલાનાં બુરે દિનને અચ્‍છે દિન માની રહૃાા છે

નોટબંધી, જીએસટી અને દુષ્‍કાળથી અર્થતંત્રનું ધબાય નમઃ

ગરીબ અને મઘ્‍યમવર્ગીય પરિવારો મોંઘવારી અને બેરોજગારીનો ભયંકરપણે સામનો કરી રહૃાા છે

નવરાત્રી, દશેરા, શરદપૂનમ બાદ હવે દિવાળીનાં તહેવારો પણ ફિકકા રહે તેવી સંભાવના

અમરેલી, તા. ર9

નોટબંધી, જીએસટી બાદ સતત ત્રીજા દિવસે ત્રીજો ફટકો દુષ્‍કાળનો પડતાં સમગ્ર રાજયમાં મંદીનો માહોલ ઉભો થયો હોય તેની અસર અમરેલી જિલ્‍લામાં વધારે પ્રમાણમાં જોવા મળી રહી છે. જિલ્‍લામાં વેપાર-ધંધામાં દિવાળીનાં તહેવારો નજીક હોવા છતાં પણ મંદીનો માહોલ જોવા મળી રહૃાો છે.

અમરેલી જિલ્‍લાનું અર્થતંત્ર કૃષિ આધારિત છે અને ચાલું વર્ષે અપુરતો વરસાદ થવાથી કૃષિક્ષેત્રમાં ચિંતાનો માહોલ જોવા મળી રહૃાો છે. અને બીજા નંબરનાં હીરા ઉદ્યોગમાં તો છેલ્‍લા એક દાયકાથી મંદી ચાલી રહી છે અને ત્રીજા બાંધકામ ક્ષેત્રમાં પણ મંદીનો માહોલહોવાથી જિલ્‍લામાં આર્થિક ક્ષેત્રની હાલત અતિ કફોડી બની ચુકી છે.

નવરાત્રી, દશેરા, શરદપૂનમનાં તહેવારોમાં બજારોમાં મંદી બાદ હવે દિવાળીને માત્ર 10 દિવસ જ બાકી હોવા છતાં પણ બજારોમાં કાગડા ઉડી રહૃાા છે.

જિલ્‍લામાં કાપડ, ગારમેન્‍ટ, ફરનીચર, ઓટો મોબાઈલ, ઈલેકટ્રોનીકસ, મીઠાઈ, ફટાકડા, શુઝ, ટેઈલર, કટલેરી સહિતનાં વેપારીઓ નવરાધુપ બન્‍યા છે. સારા વેપારની અપેક્ષાએ દુકાનો અને શો-રૂમમાં માલ ભરી દીધા બાદ અપેક્ષા પ્રમાણે વેચાણ ન થતાં વેપારીઓનું ટર્નઓવર અટકી પડયું છે. જુની ઉઘરાણી છુટતી નથી.

તદઉપરાંત મોટા વેપારીઓ કે ઉદ્યોગગૃહોનાં પણ ટર્નઓવર અટકી પડયા હોય આગામી દિવસોમાં મહત્‍વની અનેક પેઢીઓનો ટર્નઓવર અટકી જવાથી માર્કેટમાં અફડા-તફડીનો માહોલ ઉભો થવાની શકયતાઓ જોવા મળી રહી છે.

હવે જિલ્‍લાની જનતા કહે છે આના કરતા તો પાંચ વર્ષ પહેલાનાં બુરે દિન સારા હતા ભાજપ સરકારે અમરેલી જિલ્‍લાને અસરગ્રસ્‍ત જાહેર કરીને પાકવીમાની રકમ ફાળવીને રાહતદરે ઘાસચારો આપવાની સાથે ખેડૂતોનાં દેવા માફ કરીને જિલ્‍લાની જનતાને રાહતદરે વીજળી, પાણી આપવા જોઈએ અને જિલ્‍લાની જનતાને તમામ કરવેરામાંથી એક વર્ષ માટે માફી આપવી જોઈએ અને રોજગારી માટે મનરેગા યોજના કાર્યરત કરવી જોઈએ તેવી માંગ ઉભી થઈરહી છે.


બાબરાનાં યુવકે અગમ્‍ય કારણોસર ગળાફાંસો ખાધો

અમરેલી, તા. ર9

બાબરા ગામેરહેતાં ગીરધરભાઈ રામજીભાઈ કાવઠીયા નામનાં 3પ વર્ષિય યુવકને દારૂ પીવાની ટેવ હોય, તેમણે ગઈકાલે રાત્રે કોઈ પણ સમયે પોતાના ઘરે ગળાફાંસો ખાઈ આપઘાત કરી લીધાનું બાબરા પોલીસમાં પથુભાઈ મનુભાઈ કાવઠીયાએ જાહેર કરતાં બનાવ અંગે બાબરા પોલીસે ધોરણસર કાર્યવાહી હાથ ધરી હતી.


બગસરા નજીક જેઠીયાવદર રોડ ઉપર અજાણ્‍યા વાહન ચાલકે ભેંસને હડફેટે લઈ મોત નિપજાવ્‍યું

અમરેલી, તા. ર9

બગસરા ગામે રહેતાં ગેલાભાઈ લખમણભાઈ રાઠોડ આજે સવારે તબેલામાંથી ભેંસ લઈ જેઠીયાવદર રોડ ઉપર ચરાવવા જતાં હતા ત્‍યારે કોઈ અજાણ્‍યા બોલેરો વાહનચાલકે ભેંસને હડફેટે લઈ ભેંસને ઢસડી ભેંસનું મોત નિપજાવી નાશી ગયાની ફરિયાદ બગસરા પોલીસ સ્‍ટેશનમાં નોંધાઈ છે.


વડીયામાં અકસ્‍માતે કૂવામાં પડી જવાથી પરિણીતાનું મૃત્‍યુ

અમરેલી, તા.ર9

વડીયા નજીક આવેલ સીમમાં રહેતી આશાબેન રાજુભાઈ વિહોદરા નામની પરિણીતાના ગઈકાલે બપોરે કૂવાએ પાણી ભરવા ગયેલા ત્‍યારે કૂવામાંથી પાણી સિંચતા સિંચતા અકસ્‍માતે કૂવામાં પડી જતાં તેણીનું મોત નિપજયાનું પોલીસમાં જાહેર થવા પામેલ છે.


ભાડેથી કાર લઈને નાશી જનાર અને બાદમાં મોટી રકમનો તોડ કરનાર ગેન્‍ગનો સભ્‍ય ઝડપાયો

પોલીસ અધિક્ષક નિર્લિપ્‍રાયની સુચનાથી એલસીબીનો સપાટો

ભાડેથી કાર લઈને નાશી જનાર અને બાદમાં મોટી રકમનો તોડ કરનાર ગેન્‍ગનો સભ્‍ય ઝડપાયો

અમરેલી, તા. ર9

અમરેલી એલ.સી.બી. ઇન્‍ચાર્જ પોલીસ ઇન્‍સ. ડી.કે. વાઘેલા તથા એલ.સી.બી. ટીમ દ્વારા ચોક્કસ બાતમી મેળવી સાવરકુંડલા તાલુકાના પીઠવડી ગામના પાદરમાંથી સુરતથી છળકપટ કરી મેળવેલ સ્‍વીફટ કાર સાથે વિક્રમ જેતુભાઇ ચાંદુ, (ઉં.વ. ર3), ધંધો. ખેતી, રહે. દોલતી, તા. સાવરકુંડલા, જી. અમરેલી વાળાને તા.ર8/10/ર018 ના કલાક 16/00 વાગ્‍યે અટક કરવામાં આવેલ છે.

પકડાયેલ આરોપીએ સુરત મુકામેથી પ્રતિક કોરાટ, રહે.સુરત, સરથાણા વાળા પાસેથી છળકપટ કરી ભાડેથી સ્‍વીફટ કાર મેળવી પછી પરત નહીં આપેલ હોય આ સ્‍વીફટ કાર રજી. નંબર જી.જે.ર4-કે 3680 (જેના અસલ રજી.નંબરજી.જે.0પ- જે.એલ. 9601) કિંમત રૂા. 3,00,000/- ની ગણી શક પડતી મિલકત તરીકે કબજે લીધેલ છે.

આરોપી વાહનો ભાડેથી આપતી વ્‍યકિત કે ગેરેજમાંથી વાહનો ભાડેથી મેળવે છે અને પછી આ વાહન મુળ માલિકને પરત નહીં આપી આ વાહન પરત આપવાના બદલામાં મોટી રકમ પડાવે છે.

પકડાયેલ ઇસમની પુછપરછ દરમ્‍યાન પોતે આવા ગુન્‍હાઓને (1) કાનો સુરેશભાઇ પટેલ, રહે. મુળ. હરિપુરા, તા. લાઠી, હાલ. સુરત તથા (ર) લાલો કિશોરભાઇ ચૌહાણ, રહે. સાવરકુંડલા, ગુરૂકુલ પાસે, હાલ સુરતવાળાઓની મદદથી અંજામ આપતો હોવાનું તપાસ દરમ્‍યાન ખુલવા પામેલ છે.

બે અઢી માસ પહેલા સુરત ગયેલ ત્‍યારે સુરત યોગી ચોકમાં આવેલ લહેર ઓટો ગેરેજમાંથી ફરવા જવું છે તે માટે ભાડે વાહન જોઇએ છે તેમ કહી એક એકસયુવી કાર ભાડેથી મેળવી વતનમાં પાછો આવતો રહેલ. અને આ એકસયુવી કાર પાછી આપવાના સમાધાન પેટે વાહન માલિક પાસેથી રૂા. 3પ,000/- લીધેલ.

ગત સાતમ આઠમના તહેવાર ઉપર સુરતના નિકુંજ ધામેલીયા નામના માણસની સ્‍કોડા રેપીડ કાર લઇ આવેલ જે પાછળથી પરત આપી દીધેલ છે.

ઉપરોકત વિગતે પકડાયેલ સ્‍વીફટ કાર, કિંમત રૂા. 3,00,000/- તથા પકડાયેલ આરોપીને વધુ તપાસ અર્થે સાવરકુંડલા રૂરલ પો.સ્‍ટે.માં સોંપી આપેલ છે. અને આ પ્રકારનીએમ.ઓ.થી હજી વધુ વાહનો મેળવેલ હોવાની શકયતા હોય તે અંગે વધુ તપાસ શરૂ છે.

આમ, પોલીસ અધિક્ષકની સુચના અને માર્ગદર્શન મુજબ વાહનો ભાડેથી મેળવી, પરત નહીં આપી વાહન પરત આપવાના બદલામાં મોટી રકમ પડાવતી ગેંગના સભ્‍યને છળકપટ કરી મેળવેલ સ્‍વી ફટ કાર સાથે ઝડપી લેવામાં એલ.સી.બી. ટીમે સફળતા મેળવેલ છે.


ગુજરાતમાં દુષ્‍કાળ, નિષ્‍ફળ પાક, ખેડૂતોની આત્‍મહત્‍યાનો ઉકેલ શોધો

આંતરરાષ્‍ટ્રીય હિન્‍દુ પરિષદની માંગ : કલેકટરને આવેદનપત્ર પાઠવવામાં આવ્‍યું

અમરેલી, તા. ર9

દેશભરમાં અને ગુજરાતમાં ખેડૂતોને યોગ્‍ય ભાવ નહી મળવાનાં કારણે ખેડૂત દેવાદાર થઈ ગયા છે. મોંઘા ખાતર, બિયારણ, જંતુનાશક દવા અને મજુરીને કારણે ખેડૂતોનું ખર્ચ વધી ગયુ છે. આ વર્ષે દુષ્‍કાળનાં કારણે પાક નિષ્‍ફળ ગયો છે. પરંતુ ખર્ચ તો થઈ ગયો છે. થોડા દિવસ પહેલા લાલપુર તાલુકાનાં વાવડી ગામનાં રાણાભાઈ ગગીયા નામનાં 4ર વર્ષનાં યુવાને આત્‍મહત્‍યા કરી તેમજ અમરેલી તાલુકાનાં ચાંદગઢ ગામનાં ભરતભાઈ ખુમાણ નામના ખેડૂતે પાક નિષ્‍ફળ જવાના કારણે આત્‍મહત્‍યા કરી તેમજ ચલાલા તાલુકાનાં ધારગણી ગામનાં ગભરૂભાઈ નામનાં ખેડૂતે આત્‍મહત્‍યા કરી તો આંતરરાષ્‍ટ્રિય હિન્‍દુ પરિષદ ડો. પ્રવિણભાઈ તોગડીયાની માર્ગદર્શન તળે આંતરરાષ્‍ટ્રિય હિન્‍દુ પરિષદ ખેડૂતો માટે કાર્યરત છે.

તો રાષ્‍ટ્રિય કિસાન પરિષદ માંગણી છે કે, દુષ્‍કાળગ્રસ્‍ત પરિસ્‍થિતિના કારણે જીવ આપી દીધેલ ખેડુતનાં પરિવારોને અગિયાર લાખ રૂયિયાનું વળતર આપે તેવી રાષ્‍ટ્રીય કિસાન પરિષદની માંગણી છે.

વધુંમાં જણાવેલ છે કે (1) ગુજરાત રાજયને અછતગ્રસ્‍ત જાહેર કરો (ર) 60 વર્ષની ઉપરના ખેડૂતને પેન્‍શન આપ.(3) સી-ર, પ્રમાણે ખેડૂતોને ઉપરનાં ભાવ આપો (4) રોજ અને ભૂંડથી ખેડૂતોનાં પાકને રક્ષણ આપો. (પ) ખેડૂતોને માત્ર દિવસનીપૂર્ણ વીજળી આપો. (6) ખેડૂતોનો માલ ગ્રામપંચાયતના તલાટી અને સરપંચ ર્ેારા ખરીદ કરે તેવી વ્‍યવસ્‍થા ઉભી કરે.

આ માંગણીઓ વહેલી તકે સ્‍વીકારીને ખેડૂતો યોગ્‍યન્‍યાય આપો નહીતર ખેડૂતોનો સામનો કરવા તૈયાર રહો.


ધારી તાલુકાનાં આંબરડી નજીક સિંહણે બળદનો બ્રેકફાસ્‍ટ કર્યો

ધારી તાલુકાનાં આંબરડી નજીક સિંહણે બળદનો બ્રેકફાસ્‍ટ કર્યો

મોટી સંખ્‍યામાં સિંહપ્રેમીઓ ટોળે વળ્‍યા : ખોડીયાર ડેમ નજીનો બનાવ

આંબરડી, તા. ર9

ધારી તાલુકાનાં આંબરડી ગામના પુલ પાસે વહેલી સવારનાં એક સિંહણ આવી ચડી અને બાજુમાંથી પસાર થતાં બળદ પર સિંહણ તૂટી પડીઅને બળદનો શિકાર કર્યો હતો. અને સિંહણે રોડ પર જ બળદનું મારણ કરતાં લોકોના ટોળા એકઠા થઈ ગયા હતા. સિંહણ ઘ્‍વારા બળદનું મારણ કરતાં રાહદારીઓ થંભી ગયા અને લોકોએ લાઈવ મારણ કરતા નજરે જોયું હતું. અને લાઈવ મારણના ફોટા અને વિડીયો સોશ્‍યલ મીડિયામાં વાઈરલ થયા હતા અને આમ સિંહણને જોવા લોકોનાં જમાવડો થયો હતો. બાદમાં વનવિભાગને જાણ થતાં વનવિભાગે સ્‍થળ પર પહોંચી તપાસ હાથધરી હતી.


ખાંભા તાલુકાને અછતગ્રસ્‍ત જાહેર કરવા અને ખેડૂતોનાં દેવા માફી માટે માર્કેટીંગ યાર્ડ ખાતે ખેડૂત સંમેલન યોજાયું

               ખાંભા તાલુકામાં આ વર્ષે ચોમાસામાં એક જ વરસાદ થયો હોય અને ખેડૂતોની હાલત દયનીય બની છે. અને પાક વરસાદ વગરનો સુકાઈ ગયો છે. તેમજ પીવાના પાણી તેમજ ઘાસચારાની અત્‍યારથી અછત ઉભી થઈ છે. ત્‍યારેઆજે ખાંભા તાલુકાના હજારોની સંખ્‍યામાં ખેડૂતો ભેગા થયા હતા અને એક મહાસંમેલન યોજાયું હતું. જેમાં ખાંભા તાલુકામાં સરકાર દ્વારા અન્‍યાય કરવામાં આવ્‍યો છે. જેમાં ચાલુ સાલ વરસાદ ઓછો પડવાથી ખેડૂતો પોતાના પાક લઈ શકેલ નથી. તેમજ કફોડી સ્‍થિતિ થયેલ હોય ખાંભા તાલુકાને તાત્‍કાલિક અછતગ્રસ્‍ત જાહેર કરવામાં આવે. તેમજ ખેડૂતોનો પાક નિષ્‍ફળ ગયો હોય અને ખેત પેદાશોના પૂરતા ભાવ ન આવવાના કારણે છેલ્‍લા ઘણા સમયથી ખેડૂતો દેવામાં ડૂબી ગયા છે. અને આત્‍મહત્‍યા કરવા મજબૂર બન્‍યા છે. એવી અતિ વિકટ સંજોગોમાં સમગ્ર ગુજરાતના ખેડૂતોના સંપૂર્ણ દેવા માફ કરવામાં આવે. ખરીફ પાક-ર018/19નો પાક વીમો સરકાર દ્વારા તાત્‍કાલિક ચુકવવામાં આવે. ખાંભા તાલુકાના પશુપાલકોની કફોડી સ્‍થિતિ હોય તાત્‍કાલિક ધોરણે ઘાસચારો ફાળવવામાં આવે. ખેતીમાં ઉપજ ન હોય ખાંભા તાલુકાના ખેત મજૂરોને રોજગારીનો પ્રશ્‍ન ઉપસ્‍થિત થયેલ હોય તાત્‍કાલિક ધોરણે રોજગારી પુરી પાડવામાં આવે. તાજેતરમાં ખેડૂતોની જમીનોના જે સર્વે કરવામાં આવેલ છે. તેમાં ગંભીર પ્રકારની ભૂલો રહી ગયેલ હોય સરકાર દ્વારા ખેડૂતોને સાથે રાખી ફરીથી રી-સર્વે કરવામાં આવે. જંગલી જાનવરો જેવા કે ભૂંડ, રોજના ત્રાસના કારણે ખેડૂતોને તાર ફેન્‍સીંગમાં 100% સબસીડી આપવામાંઆવે. ખાંભા તાલુકાને ટેકાના ભાવથી કપાસ અને મગફળી જેવા જણસીઓની સરકાર દ્વારા ખરીદી કેન્‍દ્ર આપવામાં આવે. વગેરે માંગણીને લઈને ખાંભાના ધારાસભ્‍ય જે.વી. કાકડીયા અને અંબરીશભાઈ ડેર, જેનીબેન ઠુંમર સહિત બહોળી સંખ્‍યામાં હજારોની સંખ્‍યામાં આજે સવારે 10:30 કલાકે માર્કેટીંગ યાર્ડમાં ખેડૂતોને પાકવીમા પ્રશ્‍ને અન્‍યાય સામેનું સંમેલન યોજાયું હતું અને સંમેલન પૂર્ણ થયા બાદ ખેડૂતોની બહોળી સંખ્‍યામાં રેલી કાઢી ખાંભા મામલતદારને ખાંભા તાલુકાને અછતગ્રસ્‍ત જાહેર કરવા અને ખેડૂતોના દેવા માફીના પ્રશ્‍ને આવેદનપત્ર પાઠવવામાં આવ્‍યું હતું.


અમરેલીમાં ‘અમર ડેરી’ દ્વારા શરદોત્‍સવની ભવ્‍ય ઉજવણી

               અમરેલીની અમર ડેરી આયોજીત મીલ્‍ક-ડે, શરદોત્‍સવ એ પારદર્શક વહીવટનુ પ્રતિક અને સ્‍વૈચ્‍છીક યોજાતોમહોત્‍સવ બની ચુકયો છે અને આ પ્રમાણેનુ આયોજન રાજયના અન્‍ય જીલ્‍લાઓના સંઘોએ પણ કરવુ જોઈએ તેવો ઉત્‍સાહપૂર્વકનો આશાવાદ અમરેલી ખાતે ડેરી આયોજીત કાર્યક્રમમા બોલતા ભાજપ પ્રદેશ પ્રમુખ જીતુભાઈ વાધાણીએ વ્‍યકત કર્યો હતો. વિશાળ સંખ્‍યામા એકત્રીત થયેલ જિલ્‍લાના ખેડૂતો, પશુપાલકો, શ્રમજીવીઓ અને ખેલૈયાઓથી પ્રભાવીત પ્રદેશ પ્રમુખે જિલ્‍લાની સહકારી ટીમને અભિનંદન પાઠવેલ હતા સાથોસાથ અમરેલી જિલ્‍લામા રાજુલા-જાફરાબાદની રો-રો ફેરીની ટુક સમયમા મળનાર મંજુરીની વાત દોહરાવી આનંદમા ઉમેરો કરેલ હતો. અમર ડેરીના સ્‍થાપક-ગુજકોમાસોલ-જિલ્‍લા બેંકના ચેરમેન દિલીપ સંઘાણીએ ભાવસભર વકતવ્‍યમા જણાવેલ કે, આઝાદી પહેલાની ચળવળમા લોકોની આર્થીક સમસ્‍યા દૂર કરવા સહકારી ક્ષેત્ર અસરકારક પુરવાર થઈ શકે અને તે માટે સ્‍વેતક્રાંતિનુ કદમ ત્રિભોવનભાઈ પટેલે ભભ અમુલભભ નિર્માણથી શરૂ કર્યુ જે સમગ્ર રાજયના ખેડૂતો અને પશુપાલકો માટે રોજગારીનુ સર્જક બન્‍યુ, સંઘાણીએ વિશેષમા જણાવેલ કે, આ ડેરી વડાપ્રધાન નરેન્‍દ્ર મોદીના સ્‍વપ્‍નને સાર્થક કરવા તરફ જઈ રહી છે અને તે છે મધ ઉછેર દ્રારા ખેડૂતોની આવકનો સ્‍ત્રોત વધારવાની. આ પ્રોજેકટને પણ વડાપ્રધાને મંજુરીની મહોર સાથે ર0 કરોડ અને  આઈસ્‍ક્રીમ પ્રોજેકટ માટે રૂા. ર0 કરોડ જેવી માતબર રકમની ફાળવણી કરીનેખેતિ-ખેડૂત અને શ્રમીકોને રોજગારીની વધુ તકો પુરી પાડવા પર કામગીરી થઈ રહયાનું જણાવેલ. શરદોત્‍સવમા સામેલ સાંસદ નારણભાઈ કાછડીયાએ પોતાના વકતવ્‍યમા જણાવેલ કે, અમરેલી જિલ્‍લાને મોટામા મોટી કોઈ રોજગારી આપતુ હોય તો તે અમર ડેરી છે અને તેથી આ જીલ્‍લાના ચહેરામા મોટી  ચમક ડેરીને કારણે જોવા મળી રહી છે. કાછડીયા એ જણાવેલ કે, ડેરીના વિકાસમા દિલીપભાઈ સંઘાણી અને પરશોતમભાઈ રૂપાલાનુ માર્ગદર્શન અને અશ્‍વિનભાઈ સાવલીયા, મુકેશભાઈ સંઘાણી સહીતની ટીમનુ કાર્ય પ્રસંશાને પાત્ર છે. વડાપ્રધાન નરેન્‍દ્ર મોદીએ પણ અમરેલી જિલ્‍લાના વિકાસ માટે 11 હજાર કરોડની રકમ રેલ્‍વે, નેશનલ હાઈ-વે, પાસપોર્ટ વિગેરે વ્‍યવસ્‍થા માટે ફાળવીને આ જિલ્‍લાના વિકાસમા પ્રાણપુરેલ છે. અમર ડેરીના ચેરમેન અને તાજેતરની તાલુકા પંચાયત ચૂંટણીમા ભારે લોકચુકાદાથી વિજયી નિવડેલા સ્‍પષ્‍ટવકતા અશ્‍વિનભાઈ સાવલીયાએ તળપદી ભાષામા જણાવેલ કે, અમર ડેરીનો પ્રારંભ ર007મા ર6 મંડળીઓ અને પ4ર લીટર દુધથી થયો જે આજે વટવૃક્ષ બનીને પ9ર મંડળીઓ અને ર લાખ લીટર દુધ કલેકશનનુ કામ કરતી અમર ડેરી આશરે રપ હજાર પરિવારને રોજગારી આપી રહી છે. દર 10 દિવસે 8 થી 9 કરોડનુ ચુકવણુ પશુપાલકોને કરવામા આવે છે જે વર્ષાતે ર40 કરોડનુ ચુકવણુ કરે છે.સાવલીયાએ વધુમા જણાવેલ કે, કેન્‍દ્રીય કૃષિ રાજય મંત્રી પરશોતમભાઈ રૂપાલા દ્રારા  ગીરગાયના ઉછેર માટે ગુજરાત રાજયમા પ્રથમ અમરેલીની પસંદગી કરવામા આવી છે જે માટેની વેટરનરી સુવિધા સાથેનો પ્રોજેકટ મંજુર થયેલ છે તેનો બહોળો લાભ ઉઠાવવા હાકલ કરી હતી. રાજય સરકાર દ્વારા પણ પશુપાલકોની આવક વધારવાના પ્રયાસરૂપ ડેરી ફાર્મીગ યોજના જેમા 1ર દુધાળા પશુઓ ખરીદવા, શેડ બનાવવા અને તેની આનુવાંશીક વ્‍યવસ્‍થાઓ માટે સબસીડીબલ પ્રોજેકટ મંજુર કરવામા આવેલ છે તેનો પણ લાભ ઉઠાવવા જણાવેલ. અત્રે એ નોંધનિય છે કે, અમર ડેરી દ્રારા ઉજવાતો મીલ્‍ક-ડે, શરદોત્‍સવની સુવાસ એટલી પ્રસરી છે કે, અમરેલી ઉપરાંત રાજકોટ, ધોરાજી, સુરેન્‍દ્રનગર જીલ્‍લાના ખેલૈયાઓ પણ આ કાર્યક્રમમા સામેલ થવા ઉમટી પડે છે. આ મહોત્‍સવ હવે સ્‍વૈચ્‍છીક બની ગયો છે અને સમગ્ર જિલ્‍લા અને જિલ્‍લા બહારની જનતા પણ આમા સામેલ થઈ રહી હોય સહકારી ક્ષેત્રે નોંધનીય બાબત કહી શકાય.