Main Menu

March, 2018

 

31-03-2018


પાલિકાની ચૂંટણીમાં વિજેતા થતાં લાઠીમાં છૂટા પથ્‍થર વડે માર મારી કરી ઈજા

પાલિકાની ચૂંટણીમાં વિજેતા થતાં
લાઠીમાં છૂટા પથ્‍થર વડે માર મારી કરી ઈજા
અમરેલી, તા.ર9
લાઠીનાં ખોડીયાર નગર વિસ્‍તારમાં રહેતા મેઘાભાઈ પોલાભાઈ મેર નામના 60 વર્ષીય વૃઘ્‍ધના દીકરા તાજેતરમાં યોજાયેલ લાઠી નગરપાલિકાની ચૂંટણીમાં ઉભા રહેલ અને તે ચૂંટણીઓ જીતી જતાં તે જ ગામે રહેતા મધુ કાળુભાઈ સતીષ મધુભાઈ તથા હિતેશ મધુભાઈ વિગેરે તે વાતનું મનદુઃખ રાખી ગઈકાલે સવારે પોતાના મકાનના સ્‍લેબ ઉપરથી છૂટો પથ્‍થર મારી ઈજા કરી તથા બિભત્‍સ ગાળોઆપી જાનથી મારી નાખવાની ધમકી આપ્‍યાની ફરિયાદ લાઠી પોલીસમાં નોંધાવી છે.

ગેરકાયદે મંડળી રચી મકાનનાં બારી-બારણા કાચ તોડી નાંખ્‍યા

લાપડીયાપરામાં મારામારી થતાં સામસામી પોલીસ ફરિયાદ
અમરેલી, તા. ર9
જાફરાબાદ નજીક આવેલ લાપડીયા વિસ્‍તારમાં રહેતાં દેનાબેન બાબુભાઈ શિયાળ નામનાં 60 વર્ષિય વુઘ્‍ધા પોતાનાં પૌત્રને  રમાડતા હતા ત્‍યારે તેમની પડોશમાં રહેતાં જયાબેન દિલીપભાઈ સાંખટે વગર કારણે  ગાળો આપી તથા દિલીપભાઈ સાખંટે વગર કારણે ગાળો આપી તથા દિલીપભાઈ સાખંટે તથા પ્રવિણભાઈ સાંખટે લોખંડના પાઈપ, લાકડી, તથા પાવડા વડે માર માર્યાની ફરિયાદ નોંધાવી હતી.
તો સામાપક્ષે પણ પ્રવિણભાઈ ભુપતભાઈ બારૈયાએ પણ શાંતાબેન, દેનાબેન, ભરતભાઈ શિયાળ સહિત 6 લોકોએ પ્રવિણભાઈના ઘરમાં પથ્‍થરમારો કરી, ઘરનાં બારણા, બારીના કાચ વિગેરે તોડી નાંખી ગેરકાયદે મંડળી રચી    ગાળો આપી ધમકી આપ્‍યાની સામી ફરિયાદ નોંધાવી છે. પોલીસે બન્‍ને પક્ષોની ફરિયાદ લઈ ધોરણસર કાર્યવાહી હાથ ધરી છે.

ખાંભાનાં વાંકીયામાં જુગાર રમતાં આઠ ઈસમો રૂા. 1.33 લાખનાં મુદ્યામાલ સાથે ઝડપાયા

જાહેરમાં જુગાર રમતાં ઈસમો સામે પોલીસે કરી કાર્યવાહી
અમરેલી, તા. ર9
ખાંભા તાલુકાનાં  જીકીયાળી ગામે રહેતાંહીંમતભાઈ શામજીભાઈ નસીત સહિત 8 ઈસમો ગઈકાલે મોડી રાત્રીના સમયે વાંકીયા ગામે જાહેરમાં જુગાર રમતાં હોય, ખાંભા પોલીસને બાતમી મળતાં દરોડો કરી આઠેય ઈસમોને રોકડ રકમ રૂા.રર760 તથા મોટર સાયકલ નંગ-પ મળી કુલ રૂા.1.3ર,760નાં મુદ્યામાલ સાથે ઝડપી લઈ કાયદેસર કાર્યવાહી હાથ ધરી હતી.

રાજુલાની યુવતિ પર પડોશીઓએ નિર્લજજ હુમલો કરી પરિવાર ઉપર હુમલો કર્યો

અમરેલી, તા.ર9
રાજુલા ગામે રહેતા અફસાનાબેન ઈબ્રાહીમભાઈ જુનેજા નામની રર વર્ષીય યુવતિ ગઈકાલે બપોરે બજારમાં નીકળી હતી ત્‍યારે રીઝવાન દીલુભાઈ પઠાણે તેણીની સામે બદઈરાદે જોતા તેણીએ તે બાબતે ઠપકો આપતા આ રીઝવાન તથા તેમના ભાઈ રીયાઝ દીલુભાઈ પઠાણે લાકડી, પાઈપ લઈ અને યુવતિની આબરૂ લેવાના ઈરાદે નિર્લજજ હુમલો કરી કપડા ફાડી નાખી લોખંડની પાઈપ, લાકડી વડે તેણીને, તેમના ભાઈ તથા પિતાજીને પણ માર માર્યાની ફરિયાદ રાજુલા પોલીસમાં નોંધાઈ છે.